𑁧. 𑀪𑀺𑀓𑁆𑀔𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧. ‘‘𑀲𑀼𑀯𑀡𑁆𑀡𑀯𑀡𑁆𑀡𑀁 𑀲𑀫𑁆𑀩𑀼𑀤𑁆𑀥𑀁, 𑀆𑀳𑀼𑀢𑀻𑀦𑀁 𑀧𑀝𑀺𑀕𑁆𑀕𑀳𑀁;

𑀧𑀯𑀭𑀸 [𑀧𑀯𑀦𑀸 (𑀲𑁆𑀬𑀸.)] 𑀅𑀪𑀺𑀦𑀺𑀓𑁆𑀔𑀦𑁆𑀢𑀁, 𑀯𑀦𑀸 𑀦𑀺𑀩𑁆𑀩𑀦𑀫𑀸𑀕𑀢𑀁 [𑀯𑀸𑀦𑀸 𑀦𑀺𑀩𑁆𑀩𑀸𑀦𑀫𑀸𑀕𑀢𑀁 (𑀲𑁆𑀬𑀸.)].

𑁨. ‘‘𑀓𑀝𑀘𑁆𑀙𑀼𑀪𑀺𑀓𑁆𑀔𑀁 𑀧𑀸𑀤𑀸𑀲𑀺𑀁, 𑀲𑀺𑀤𑁆𑀥𑀢𑁆𑀣𑀲𑁆𑀲 𑀫𑀳𑁂𑀲𑀺𑀦𑁄;

𑀧𑀜𑁆𑀜𑀸𑀬 𑀉𑀧𑀲𑀦𑁆𑀢𑀲𑁆𑀲, 𑀫𑀳𑀸𑀯𑀻𑀭𑀲𑁆𑀲 𑀢𑀸𑀤𑀺𑀦𑁄.

𑁩. ‘‘𑀧𑀤𑁂𑀦𑀸𑀦𑀼𑀧𑀤𑀸𑀬𑀦𑁆𑀢𑀁 [𑀧𑀤𑁂𑀦𑀸𑀦𑀼𑀧𑀤𑀸𑀬𑀦𑁆𑀢𑁄 (𑀲𑀻. 𑀲𑁆𑀬𑀸.)], 𑀦𑀺𑀩𑁆𑀩𑀸𑀧𑁂𑀦𑁆𑀢𑁂 𑀫𑀳𑀸𑀚𑀦𑀁;

𑀉𑀴𑀸𑀭𑀸 𑀯𑀺𑀢𑁆𑀢𑀺 𑀫𑁂 𑀚𑀸𑀢𑀸, 𑀩𑀼𑀤𑁆𑀥𑁂 𑀆𑀤𑀺𑀘𑁆𑀘𑀩𑀦𑁆𑀥𑀼𑀦𑁂 [𑀯𑀺𑀢𑁆𑀢𑀺 𑀫𑁂 𑀧𑀸𑀳𑀼𑀦𑀸 𑀢𑀸𑀯, 𑀩𑀼𑀤𑁆𑀥𑀲𑁆𑀲𑀸𑀤𑀺𑀘𑁆𑀘𑀩𑀦𑁆𑀥𑀼𑀦𑁄 (𑀲𑁆𑀬𑀸.)].

𑁪. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀤𑀸𑀦𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀪𑀺𑀓𑁆𑀔𑀸𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁫. ‘‘𑀲𑀢𑁆𑀢𑀸𑀲𑀻𑀢𑀺𑀫𑁆𑀳𑀺𑀢𑁄 𑀓𑀧𑁆𑀧𑁂, 𑀫𑀳𑀸𑀭𑁂𑀡𑀼 𑀲𑀦𑀸𑀫𑀓𑀸;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑀸, 𑀲𑀢𑁆𑀢𑁂𑀢𑁂 𑀘𑀓𑁆𑀓𑀯𑀢𑁆𑀢𑀺𑀦𑁄.

𑁬. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄, 𑀯𑀺𑀫𑁄𑀓𑁆𑀔𑀸𑀧𑀺 𑀘 𑀅𑀝𑁆𑀞𑀺𑀫𑁂;

𑀙𑀴𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀢𑀸, 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀪𑀺𑀓𑁆𑀔𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀪𑀺𑀓𑁆𑀔𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀞𑀫𑀁.