𑁩. 𑀲𑁂𑀔𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁨𑁩. 𑀢𑀢𑀺𑀬𑁂 𑀦 𑀳𑁂𑀯 𑀔𑁄 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺 𑀦 𑀦𑀸𑀫𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀧𑀝𑀺𑀮𑀪𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀨𑀼𑀲𑀺𑀢𑀼𑀁 𑀧𑀝𑀺𑀮𑀪𑀺𑀢𑀼𑀁 𑀦 𑀲𑀓𑁆𑀓𑁄𑀢𑀺. 𑀧𑀜𑁆𑀜𑀸𑀬 𑀘 𑀅𑀢𑀺𑀯𑀺𑀚𑁆𑀛 𑀧𑀲𑁆𑀲𑀢𑀻𑀢𑀺 𑀧𑀘𑁆𑀘𑀯𑁂𑀓𑁆𑀔𑀡𑀧𑀜𑁆𑀜𑀸𑀬 𑀧𑀦 ‘‘𑀉𑀧𑀭𑀺 𑀅𑀭𑀳𑀢𑁆𑀢𑀨𑀮𑀺𑀦𑁆𑀤𑁆𑀭𑀺𑀬𑀁 𑀦𑀸𑀫 𑀅𑀢𑁆𑀣𑀻’’𑀢𑀺 𑀧𑀚𑀸𑀦𑀸𑀢𑀺. 𑀅𑀲𑁂𑀔𑀪𑀽𑀫𑀺𑀬𑀁 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺 𑀧𑀝𑀺𑀮𑀪𑀺𑀢𑁆𑀯𑀸 𑀯𑀺𑀳𑀭𑀢𑀺. 𑀧𑀜𑁆𑀜𑀸𑀬𑀸𑀢𑀺 𑀧𑀘𑁆𑀘𑀯𑁂𑀓𑁆𑀔𑀡𑀧𑀜𑁆𑀜𑀸𑀬 ‘‘𑀅𑀭𑀳𑀢𑁆𑀢𑀨𑀮𑀺𑀦𑁆𑀤𑁆𑀭𑀺𑀬𑀁 𑀦𑀸𑀫 𑀅𑀢𑁆𑀣𑀻’’𑀢𑀺 𑀧𑀚𑀸𑀦𑀸𑀢𑀺. 𑀦 𑀓𑀼𑀳𑀺𑀜𑁆𑀘𑀺 𑀓𑀺𑀲𑁆𑀫𑀺𑀜𑁆𑀘𑀻𑀢𑀺 𑀤𑁆𑀯𑁂𑀧𑀺 𑀅𑀜𑁆𑀜𑀫𑀜𑁆𑀜𑀯𑁂𑀯𑀘𑀦𑀸𑀦𑁂𑀯, 𑀓𑀺𑀲𑁆𑀫𑀺𑀜𑁆𑀘𑀺 𑀪𑀯𑁂 𑀦 𑀉𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀻𑀢𑀺 𑀅𑀢𑁆𑀣𑁄. 𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀸𑀦𑀺 𑀮𑁄𑀓𑀼𑀢𑁆𑀢𑀭𑀸𑀦𑀺, 𑀙 𑀮𑁄𑀓𑀺𑀓𑀸𑀦𑀺 𑀯𑀝𑁆𑀝𑀦𑀺𑀲𑁆𑀲𑀺𑀢𑀸𑀦𑁂𑀯 𑀓𑀣𑀺𑀢𑀸𑀦𑀺.