𑁩. 𑀤𑀼𑀢𑀺𑀬𑀲𑀁𑀔𑀺𑀢𑁆𑀢𑀲𑀼𑀢𑁆𑀢𑀯𑀡𑁆𑀡𑀦𑀸

𑁪𑁮𑁩. 𑀢𑀢𑀺𑀬𑁂 𑀢𑀢𑁄𑀢𑀺 𑀨𑀮𑀯𑀲𑁂𑀦 𑀦𑀺𑀲𑁆𑀲𑀓𑁆𑀓𑀁 𑀯𑁂𑀤𑀺𑀢𑀩𑁆𑀩𑀁. 𑀲𑀫𑀢𑁆𑀢𑀸𑀦𑀺 𑀳𑀺 𑀧𑀭𑀺𑀧𑀼𑀡𑁆𑀡𑀸𑀦𑀺 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀸𑀦𑀺 𑀅𑀭𑀳𑀢𑁆𑀢𑀨𑀮𑀺𑀦𑁆𑀤𑁆𑀭𑀺𑀬𑀸𑀦𑀺 𑀦𑀸𑀫 𑀳𑁄𑀦𑁆𑀢𑀺, 𑀅𑀭𑀳𑀢𑁆𑀢𑀨𑀮𑁂𑀦 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀅𑀭𑀳𑀸 𑀦𑀸𑀫 𑀳𑁄𑀢𑀺. 𑀅𑀭𑀳𑀢𑁆𑀢𑀨𑀮𑀢𑁄 𑀫𑀼𑀤𑀼𑀢𑀭𑀸𑀦𑀺 𑀅𑀦𑀸𑀕𑀸𑀫𑀺𑀨𑀮𑀺𑀦𑁆𑀤𑁆𑀭𑀺𑀬𑀸𑀦𑀺 𑀦𑀸𑀫 𑀳𑁄𑀦𑁆𑀢𑀺, 𑀢𑀢𑁄 𑀫𑀼𑀤𑀼𑀢𑀭𑀸𑀦𑀺 𑀲𑀓𑀤𑀸𑀕𑀸𑀫𑀺𑀨𑀮𑀺𑀦𑁆𑀤𑁆𑀭𑀺𑀬𑀸𑀦𑀺, 𑀢𑀢𑁄 𑀫𑀼𑀤𑀼𑀢𑀭𑀸𑀦𑀺 𑀲𑁄𑀢𑀸𑀧𑀢𑁆𑀢𑀺𑀨𑀮𑀺𑀦𑁆𑀤𑁆𑀭𑀺𑀬𑀸𑀦𑀺, 𑀲𑁄𑀢𑀸𑀧𑀢𑁆𑀢𑀺𑀨𑀮𑁂𑀦 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀲𑁄𑀢𑀸𑀧𑀦𑁆𑀦𑁄 𑀦𑀸𑀫 𑀳𑁄𑀢𑀺. 𑀇𑀦𑁆𑀤𑁆𑀭𑀺𑀬𑀯𑁂𑀫𑀢𑁆𑀢𑀢𑀸 𑀨𑀮𑀯𑁂𑀫𑀢𑁆𑀢𑀢𑀸 𑀳𑁄𑀢𑀻𑀢𑀺 𑀇𑀦𑁆𑀤𑁆𑀭𑀺𑀬𑀦𑀸𑀦𑀢𑁆𑀢𑁂𑀦 𑀨𑀮𑀦𑀸𑀦𑀢𑁆𑀢𑀁, 𑀨𑀮𑀦𑀸𑀦𑀢𑁆𑀢𑁂𑀦 𑀧𑀼𑀕𑁆𑀕𑀮𑀦𑀸𑀦𑀢𑁆𑀢𑀦𑁆𑀢𑀺.