𑁮. 𑀩𑁆𑀭𑀳𑁆𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁩𑁮𑁪. 𑀅𑀝𑁆𑀞𑀫𑁂 𑀓𑀸𑀬𑁂 𑀯𑀸 𑀪𑀺𑀓𑁆𑀔𑀽𑀢𑀺 𑀢𑀲𑁆𑀫𑀺𑀁 𑀓𑀸𑀮𑁂 𑀪𑀺𑀓𑁆𑀔𑀼𑀬𑁂𑀯 𑀦𑀢𑁆𑀣𑀺, 𑀏𑀯𑀁 𑀲𑀦𑁆𑀢𑁂𑀧𑀺 𑀬𑁄 𑀲𑀢𑀺𑀧𑀝𑁆𑀞𑀸𑀦𑁂 𑀪𑀸𑀯𑁂𑀢𑀺, 𑀲𑁄 𑀓𑀺𑀮𑁂𑀲𑀪𑀺𑀦𑁆𑀤𑀦𑁂𑀦 𑀪𑀺𑀓𑁆𑀔𑀼𑀬𑁂𑀯𑀸𑀢𑀺 𑀤𑀲𑁆𑀲𑁂𑀦𑁆𑀢𑁄 𑀏𑀯𑀫𑀸𑀳. 𑀏𑀓𑀸𑀬𑀦𑀦𑁆𑀢𑀺 𑀏𑀓𑀫𑀕𑁆𑀕𑀁. 𑀚𑀸𑀢𑀺𑀓𑁆𑀔𑀬𑀦𑁆𑀢𑀤𑀲𑁆𑀲𑀻𑀢𑀺 𑀚𑀸𑀢𑀺𑀬𑀸 𑀔𑀬𑁄𑀢𑀺 𑀘 𑀅𑀦𑁆𑀢𑁄𑀢𑀺 𑀘 𑀦𑀺𑀩𑁆𑀩𑀸𑀦𑀁, 𑀢𑀁 𑀧𑀲𑁆𑀲𑀢𑀻𑀢𑀺 𑀅𑀢𑁆𑀣𑁄. 𑀫𑀕𑁆𑀕𑀁 𑀧𑀚𑀸𑀦𑀸𑀢𑀻𑀢𑀺 𑀏𑀓𑀸𑀬𑀦𑀲𑀗𑁆𑀔𑀸𑀢𑀁 𑀏𑀓𑀫𑀕𑁆𑀕𑀪𑀽𑀢𑀁 𑀫𑀕𑁆𑀕𑀁 𑀧𑀚𑀸𑀦𑀸𑀢𑀺. 𑀏𑀓𑀸𑀬𑀦𑀫𑀕𑁆𑀕𑁄 𑀯𑀼𑀘𑁆𑀘𑀢𑀺 𑀧𑀼𑀩𑁆𑀩𑀪𑀸𑀕𑀲𑀢𑀺𑀧𑀝𑁆𑀞𑀸𑀦𑀫𑀕𑁆𑀕𑁄, 𑀢𑀁 𑀧𑀚𑀸𑀦𑀸𑀢𑀻𑀢𑀺 𑀅𑀢𑁆𑀣𑁄.