𑁮. 𑀦𑀺𑀭𑁄𑀥𑀯𑀕𑁆𑀕𑁄

𑁧-𑁧𑁦. 𑀅𑀲𑀼𑀪𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁪𑁮-𑁨𑁫𑁭. 𑀅𑀲𑀼𑀪𑀲𑀜𑁆𑀜𑀸𑀢𑀺 𑀅𑀲𑀼𑀪𑁂 𑀧𑀞𑀫𑀚𑁆𑀛𑀸𑀦𑀲𑀜𑁆𑀜𑀸. 𑀫𑀭𑀡𑀲𑀜𑁆𑀜𑀸𑀢𑀺 ‘‘𑀅𑀯𑀲𑁆𑀲𑀁 𑀫𑀭𑀺𑀢𑀩𑁆𑀩𑀁, 𑀫𑀭𑀡𑀧𑀝𑀺𑀩𑀤𑁆𑀥𑀁 𑀫𑁂 𑀚𑀻𑀯𑀺𑀢’’𑀦𑁆𑀢𑀺 𑀅𑀪𑀺𑀡𑁆𑀳𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀲𑁆𑀲 𑀉𑀧𑁆𑀧𑀦𑁆𑀦𑀲𑀜𑁆𑀜𑀸. 𑀆𑀳𑀸𑀭𑁂 𑀧𑀝𑀺𑀓𑀽𑀮𑀲𑀜𑁆𑀜𑀸𑀢𑀺 𑀑𑀤𑀦𑀓𑀼𑀫𑁆𑀫𑀸𑀲𑀸𑀤𑀺𑀫𑁆𑀳𑀺 𑀅𑀚𑁆𑀛𑁄𑀳𑀭𑀡𑀻𑀬𑁂 𑀧𑀝𑀺𑀓𑀽𑀮𑀲𑀜𑁆𑀜𑀸. 𑀲𑀩𑁆𑀩𑀮𑁄𑀓𑁂 𑀅𑀦𑀪𑀺𑀭𑀢𑀺𑀲𑀜𑁆𑀜𑀸𑀢𑀺 𑀲𑀓𑀮𑀮𑁄𑀓𑀲𑁆𑀫𑀺𑀁 𑀅𑀦𑀪𑀺𑀭𑀢𑀺𑀁 𑀉𑀧𑁆𑀧𑀸𑀤𑁂𑀦𑁆𑀢𑀲𑁆𑀲 𑀉𑀧𑁆𑀧𑀦𑁆𑀦𑀲𑀜𑁆𑀜𑀸. 𑀧𑀳𑀸𑀦𑀲𑀜𑁆𑀜𑀸𑀯𑀺𑀭𑀸𑀕𑀲𑀜𑁆𑀜𑀸𑀢𑀺 𑀤𑁆𑀯𑁂 𑀧𑀼𑀩𑁆𑀩𑀪𑀸𑀕𑀸. 𑀦𑀺𑀭𑁄𑀥𑀲𑀜𑁆𑀜𑀸 𑀫𑀺𑀲𑁆𑀲𑀓𑀸. 𑀏𑀯𑀫𑁂𑀢𑀸𑀦𑀺 𑀅𑀝𑁆𑀞𑀺𑀓𑀲𑀜𑁆𑀜𑀸𑀤𑀻𑀦𑀺 𑀯𑀻𑀲𑀢𑀺 𑀓𑀫𑁆𑀫𑀝𑁆𑀞𑀸𑀦𑀸𑀦𑀺 𑀦𑀺𑀤𑁆𑀤𑀺𑀝𑁆𑀞𑀸𑀦𑀺. 𑀢𑁂𑀲𑀁 𑀦𑀯𑀲𑀼 𑀅𑀧𑁆𑀧𑀦𑀸 𑀳𑁄𑀦𑁆𑀢𑀺, 𑀏𑀓𑀸𑀤𑀲 𑀉𑀧𑀘𑀸𑀭𑀚𑁆𑀛𑀸𑀦𑀺𑀓𑀸. 𑀲𑁂𑀲𑀸 𑀧𑀦𑁂𑀢𑁆𑀣 𑀯𑀺𑀦𑀺𑀘𑁆𑀙𑀬𑀓𑀣𑀸 𑀯𑀺𑀲𑀼𑀤𑁆𑀥𑀺𑀫𑀕𑁆𑀕𑁂 (𑀯𑀺𑀲𑀼𑀤𑁆𑀥𑀺. 𑁧.𑁨𑁯𑁪) 𑀆𑀕𑀢𑀸𑀯. 𑀕𑀗𑁆𑀕𑀸𑀧𑁂𑀬𑁆𑀬𑀸𑀮𑀸𑀤𑀬𑁄 𑀫𑀕𑁆𑀕𑀲𑀁𑀬𑀼𑀢𑁆𑀢𑁂 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀸.

𑀩𑁄𑀚𑁆𑀛𑀗𑁆𑀕𑀲𑀁𑀬𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.