𑁬. 𑀅𑀪𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁩𑁭. 𑀙𑀝𑁆𑀞𑁂 𑀅𑀜𑁆𑀜𑀸𑀡𑀸𑀬 𑀅𑀤𑀲𑁆𑀲𑀦𑀸𑀬𑀸𑀢𑀺 𑀅𑀜𑁆𑀜𑀸𑀡𑀢𑁆𑀣𑀸𑀬 𑀅𑀤𑀲𑁆𑀲𑀦𑀢𑁆𑀣𑀸𑀬. 𑀢𑀕𑁆𑀖 𑀪𑀕𑀯𑀸 𑀦𑀻𑀯𑀭𑀡𑀸𑀢𑀺 𑀏𑀓𑀁𑀲𑁂𑀦 𑀪𑀕𑀯𑀸 𑀦𑀻𑀯𑀭𑀡𑀸. 𑀓𑀸𑀬𑀓𑀺𑀮𑀫𑀣𑁄𑀢𑀺 𑀓𑀸𑀬𑀤𑀭𑀣𑁄. 𑀘𑀺𑀢𑁆𑀢𑀓𑀺𑀮𑀫𑀣𑁄𑀢𑀺 𑀘𑀺𑀢𑁆𑀢𑀤𑀭𑀣𑁄. 𑀲𑁄𑀧𑀺 𑀫𑁂 𑀧𑀝𑀺𑀧𑁆𑀧𑀲𑁆𑀲𑀤𑁆𑀥𑁄𑀢𑀺 𑀢𑀲𑁆𑀲 𑀓𑀺𑀭 𑀲𑀢𑁆𑀣𑀼 𑀲𑀦𑁆𑀢𑀺𑀓𑁂 𑀲𑀻𑀢𑀮𑀁 𑀉𑀢𑀼𑀲𑀧𑁆𑀧𑀸𑀬𑀝𑁆𑀞𑀸𑀦𑀁 𑀧𑀯𑀺𑀲𑀺𑀢𑁆𑀯𑀸 𑀦𑀺𑀲𑀺𑀦𑁆𑀦𑀲𑁆𑀲 𑀓𑀸𑀬𑀤𑀭𑀣𑁄 𑀧𑀝𑀺𑀧𑀲𑁆𑀲𑀫𑁆𑀪𑀺, 𑀢𑀲𑁆𑀫𑀺𑀁 𑀧𑀝𑀺𑀧𑀲𑁆𑀲𑀤𑁆𑀥𑁂 𑀢𑀤𑀦𑁆𑀯𑀬𑁂𑀦𑁂𑀯 𑀘𑀺𑀢𑁆𑀢𑀤𑀭𑀣𑁄𑀧𑀺. 𑀅𑀧𑀺𑀘 𑀫𑀕𑁆𑀕𑁂𑀦𑁂𑀯𑀲𑁆𑀲 𑀏𑀢𑀁 𑀉𑀪𑀬𑀫𑁆𑀧𑀺 𑀧𑀲𑁆𑀲𑀤𑁆𑀥𑀦𑁆𑀢𑀺 𑀯𑁂𑀤𑀺𑀢𑀩𑁆𑀩𑀁.