𑁩. 𑀅𑀕𑁆𑀕𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁩𑁪. 𑀢𑀢𑀺𑀬𑁂 𑀲𑀢𑀺𑀜𑁆𑀘 𑀔𑁆𑀯𑀸𑀳𑀁, 𑀪𑀺𑀓𑁆𑀔𑀯𑁂, 𑀲𑀩𑁆𑀩𑀢𑁆𑀣𑀺𑀓𑀁 𑀯𑀤𑀸𑀫𑀻𑀢𑀺 𑀮𑁄𑀡𑀥𑀽𑀧𑀦𑀁 𑀯𑀺𑀬 𑀲𑀩𑁆𑀩𑀓𑀫𑁆𑀫𑀺𑀓𑀸𑀫𑀘𑁆𑀘𑀁 𑀯𑀺𑀬 𑀘 𑀲𑀩𑁆𑀩𑀢𑁆𑀣 𑀇𑀘𑁆𑀙𑀺𑀢𑀩𑁆𑀩𑀁 𑀯𑀤𑀸𑀫𑀻𑀢𑀺 𑀅𑀢𑁆𑀣𑁄. 𑀬𑀣𑀸 𑀳𑀺 𑀮𑁄𑀡𑀥𑀽𑀧𑀦𑀁 𑀲𑀩𑁆𑀩𑀩𑁆𑀬𑀜𑁆𑀚𑀦𑁂𑀲𑀼𑀧𑀺 𑀦𑀺𑀯𑀺𑀲𑀢𑀺, 𑀬𑀣𑀸 𑀘 𑀲𑀩𑁆𑀩𑀓𑀫𑁆𑀫𑀺𑀓𑁄 𑀅𑀫𑀘𑁆𑀘𑁄 𑀬𑁄𑀥𑀓𑀫𑁆𑀫𑀫𑁆𑀧𑀺 𑀓𑀭𑁄𑀢𑀺 𑀫𑀦𑁆𑀢𑀓𑀫𑁆𑀫𑀫𑁆𑀧𑀺 𑀧𑀝𑀺𑀳𑀸𑀭𑀓𑀫𑁆𑀫𑀫𑁆𑀧𑀻𑀢𑀺 𑀲𑀩𑁆𑀩𑀓𑀺𑀘𑁆𑀘𑀸𑀦𑀺 𑀲𑀸𑀥𑁂𑀢𑀺, 𑀏𑀯𑀁 𑀉𑀤𑁆𑀥𑀢𑀲𑁆𑀲 𑀘𑀺𑀢𑁆𑀢𑀲𑁆𑀲 𑀦𑀺𑀕𑁆𑀕𑀡𑁆𑀳𑀦𑀁, 𑀮𑀻𑀦𑀲𑁆𑀲 𑀧𑀕𑁆𑀕𑀡𑁆𑀳𑀦𑀦𑁆𑀢𑀺 𑀲𑀩𑁆𑀩𑀫𑁂𑀢𑀁 𑀲𑀢𑀺𑀬𑀸 𑀇𑀚𑁆𑀛𑀢𑀺, 𑀦 𑀲𑀓𑁆𑀓𑀸 𑀯𑀺𑀦𑀸 𑀲𑀢𑀺𑀬𑀸 𑀏𑀢𑀁 𑀲𑀫𑁆𑀧𑀸𑀤𑁂𑀢𑀼𑀁, 𑀢𑀲𑁆𑀫𑀸 𑀏𑀯𑀫𑀸𑀳. 𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀧𑀼𑀩𑁆𑀩𑀪𑀸𑀕𑀯𑀺𑀧𑀲𑁆𑀲𑀦𑀸 𑀩𑁄𑀚𑁆𑀛𑀗𑁆𑀕𑀸𑀯 𑀓𑀣𑀺𑀢𑀸.