𑁩. 𑀓𑁄𑀝𑀺𑀕𑀸𑀫𑀯𑀕𑁆𑀕𑁄

𑁧. 𑀓𑁄𑀝𑀺𑀕𑀸𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁧. 𑀢𑀢𑀺𑀬𑀲𑁆𑀲 𑀧𑀞𑀫𑁂 𑀅𑀦𑀦𑀼𑀩𑁄𑀥𑀸𑀢𑀺 𑀅𑀦𑀦𑀼𑀩𑀼𑀚𑁆𑀛𑀦𑁂𑀦. 𑀅𑀧𑁆𑀧𑀝𑀺𑀯𑁂𑀥𑀸𑀢𑀺 𑀅𑀧𑁆𑀧𑀝𑀺𑀯𑀺𑀚𑁆𑀛𑀦𑁂𑀦.

𑁨. 𑀤𑀼𑀢𑀺𑀬𑀓𑁄𑀝𑀺𑀕𑀸𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁨. 𑀤𑀼𑀢𑀺𑀬𑁂 𑀘𑁂𑀢𑁄𑀯𑀺𑀫𑀼𑀢𑁆𑀢𑀺 𑀧𑀜𑁆𑀜𑀸𑀯𑀺𑀫𑀼𑀢𑁆𑀢𑀻𑀢𑀺 𑀨𑀮𑀲𑀫𑀸𑀧𑀢𑁆𑀢𑀺𑀨𑀮𑀧𑀜𑁆𑀜𑀸𑀦𑀁 𑀦𑀸𑀫𑀁.

𑁭. 𑀢𑀣𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁭. 𑀲𑀢𑁆𑀢𑀫𑁂 𑀢𑀲𑁆𑀫𑀸 𑀅𑀭𑀺𑀬𑀲𑀘𑁆𑀘𑀸𑀦𑀻𑀢𑀺 𑀬𑀲𑁆𑀫𑀸 𑀢𑀣𑀸𑀦𑀺 𑀅𑀯𑀺𑀢𑀣𑀸𑀦𑀺 𑀅𑀦𑀜𑁆𑀜𑀣𑀸𑀦𑀺, 𑀢𑀲𑁆𑀫𑀸 𑀅𑀭𑀺𑀬𑀸𑀦𑀁 𑀲𑀘𑁆𑀘𑀸𑀦𑀻𑀢𑀺 𑀯𑀼𑀘𑁆𑀘𑀦𑁆𑀢𑀺. 𑀦 𑀳𑀺 𑀯𑀺𑀢𑀣𑀸𑀦𑀺 𑀅𑀭𑀺𑀬𑀸 𑀅𑀭𑀺𑀬𑀲𑀘𑁆𑀘𑀢𑁄 𑀧𑀝𑀺𑀯𑀺𑀚𑁆𑀛𑀦𑁆𑀢𑀺.

𑁮. 𑀮𑁄𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁮. 𑀅𑀝𑁆𑀞𑀫𑁂 𑀢𑀣𑀸𑀕𑀢𑁄 𑀅𑀭𑀺𑀬𑁄, 𑀢𑀲𑁆𑀫𑀸 ‘‘𑀅𑀭𑀺𑀬𑀲𑀘𑁆𑀘𑀸𑀦𑀻’’𑀢𑀺 𑀬𑀲𑁆𑀫𑀸 𑀅𑀭𑀺𑀬𑁂𑀦 𑀢𑀣𑀸𑀕𑀢𑁂𑀦 𑀧𑀝𑀺𑀯𑀺𑀤𑁆𑀥𑀢𑁆𑀢𑀸 𑀤𑁂𑀲𑀺𑀢𑀢𑁆𑀢𑀸 𑀘 𑀢𑀸𑀦𑀺 𑀅𑀭𑀺𑀬𑀲𑀦𑁆𑀢𑀓𑀸𑀦𑀺 𑀳𑁄𑀦𑁆𑀢𑀺, 𑀢𑀲𑁆𑀫𑀸 𑀅𑀭𑀺𑀬𑀲𑁆𑀲 𑀲𑀘𑁆𑀘𑀢𑁆𑀢𑀸 𑀅𑀭𑀺𑀬𑀲𑀘𑁆𑀘𑀸𑀦𑀻𑀢𑀺 𑀅𑀢𑁆𑀣𑁄.

𑁧𑁦. 𑀕𑀯𑀫𑁆𑀧𑀢𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁦𑁦. 𑀤𑀲𑀫𑁂 𑀲𑀳𑀜𑁆𑀘𑀦𑀺𑀓𑁂𑀢𑀺 𑀲𑀳𑀜𑁆𑀘𑀦𑀺𑀬𑀦𑀕𑀭𑁂. 𑀬𑁄, 𑀪𑀺𑀓𑁆𑀔𑀯𑁂, 𑀤𑀼𑀓𑁆𑀔𑀁 𑀧𑀲𑁆𑀲𑀢𑀺, 𑀤𑀼𑀓𑁆𑀔𑀲𑀫𑀼𑀤𑀬𑀫𑁆𑀧𑀺 𑀲𑁄 𑀧𑀲𑁆𑀲𑀢𑀻𑀢𑀺𑀆𑀤𑀺 𑀏𑀓𑀧𑀝𑀺𑀯𑁂𑀥𑀯𑀲𑁂𑀦 𑀯𑀼𑀢𑁆𑀢𑀁, 𑀇𑀫𑀲𑁆𑀫𑀺𑀜𑁆𑀳𑀺 𑀲𑀼𑀢𑁆𑀢𑁂 𑀏𑀓𑀧𑀝𑀺𑀯𑁂𑀥𑁄𑀯 𑀓𑀣𑀺𑀢𑁄.

𑀓𑁄𑀝𑀺𑀕𑀸𑀫𑀯𑀕𑁆𑀕𑁄 𑀢𑀢𑀺𑀬𑁄.