𑁬-𑁧𑁧. 𑀙𑁂𑀤𑀦𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁧𑁬𑁬-𑁭𑁧. 𑀙𑁂𑀤𑀦𑀸𑀤𑀻𑀲𑀼 𑀙𑁂𑀤𑀦𑀦𑁆𑀢𑀺 𑀳𑀢𑁆𑀣𑀘𑁆𑀙𑁂𑀤𑀦𑀸𑀤𑀺. 𑀯𑀥𑁄𑀢𑀺 𑀫𑀭𑀡𑀁. 𑀩𑀦𑁆𑀥𑁄𑀢𑀺 𑀭𑀚𑁆𑀚𑀼𑀩𑀦𑁆𑀥𑀦𑀸𑀤𑀻𑀳𑀺 𑀩𑀦𑁆𑀥𑀦𑀁. 𑀯𑀺𑀧𑀭𑀸𑀫𑁄𑀲𑁄𑀢𑀺 𑀳𑀺𑀫𑀯𑀺𑀧𑀭𑀸𑀫𑁄𑀲𑁄, 𑀕𑀼𑀫𑁆𑀩𑀯𑀺𑀧𑀭𑀸𑀫𑁄𑀲𑁄𑀢𑀺 𑀤𑀼𑀯𑀺𑀥𑁄. 𑀬𑀁 𑀳𑀺𑀫𑀧𑀸𑀢𑀲𑀫𑀬𑁂 𑀳𑀺𑀫𑁂𑀦 𑀧𑀝𑀺𑀘𑁆𑀙𑀦𑁆𑀦𑀸 𑀳𑀼𑀢𑁆𑀯𑀸 𑀫𑀕𑁆𑀕𑀧𑀝𑀺𑀧𑀦𑁆𑀦𑀁 𑀚𑀦𑀁 𑀫𑀼𑀲𑀦𑁆𑀢𑀺, 𑀅𑀬𑀁 𑀳𑀺𑀫𑀯𑀺𑀧𑀭𑀸𑀫𑁄𑀲𑁄. 𑀬𑀁 𑀕𑀼𑀫𑁆𑀩𑀸𑀤𑀺𑀧𑀝𑀺𑀘𑁆𑀙𑀦𑁆𑀦𑀸 𑀫𑀼𑀲𑀦𑁆𑀢𑀺, 𑀅𑀬𑀁 𑀕𑀼𑀫𑁆𑀩𑀯𑀺𑀧𑀭𑀸𑀫𑁄𑀲𑁄.

𑀆𑀮𑁄𑀧𑁄 𑀯𑀼𑀘𑁆𑀘𑀢𑀺 𑀕𑀸𑀫𑀦𑀺𑀕𑀫𑀸𑀤𑀻𑀦𑀁 𑀯𑀺𑀮𑁄𑀧𑀓𑀭𑀡𑀁. 𑀲𑀳𑀲𑀸𑀓𑀸𑀭𑁄𑀢𑀺 𑀲𑀸𑀳𑀲𑀓𑀺𑀭𑀺𑀬𑀸, 𑀕𑁂𑀳𑀁 𑀧𑀯𑀺𑀲𑀺𑀢𑁆𑀯𑀸, 𑀫𑀦𑀼𑀲𑁆𑀲𑀸𑀦𑀁 𑀉𑀭𑁂 𑀲𑀢𑁆𑀣𑀁 𑀞𑀧𑁂𑀢𑁆𑀯𑀸, 𑀇𑀘𑁆𑀙𑀺𑀢𑀪𑀡𑁆𑀟𑀕𑁆𑀕𑀳𑀡𑀁. 𑀏𑀯𑀫𑁂𑀢𑀲𑁆𑀫𑀸 𑀙𑁂𑀤𑀦𑀯𑀥𑀩𑀦𑁆𑀥𑀦𑀯𑀺𑀧𑀭𑀸𑀫𑁄𑀲𑀆𑀮𑁄𑀧𑀲𑀳𑀲𑀸𑀓𑀸𑀭𑀸 𑀧𑀝𑀺𑀯𑀺𑀭𑀢𑀸. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀆𑀫𑀓𑀥𑀜𑁆𑀜𑀧𑁂𑀬𑁆𑀬𑀸𑀮𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀇𑀢𑀺 𑀲𑀸𑀭𑀢𑁆𑀣𑀧𑁆𑀧𑀓𑀸𑀲𑀺𑀦𑀺𑀬𑀸 𑀲𑀁𑀬𑀼𑀢𑁆𑀢𑀦𑀺𑀓𑀸𑀬-𑀅𑀝𑁆𑀞𑀓𑀣𑀸𑀬

𑀫𑀳𑀸𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.