𑁭. 𑀤𑀼𑀢𑀺𑀬𑀫𑀺𑀢𑁆𑀢𑀸𑀫𑀘𑁆𑀘𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁧𑁩. 𑀲𑀢𑁆𑀢𑀫𑁂 𑀅𑀜𑁆𑀜𑀣𑀢𑁆𑀢𑀁 𑀦𑀸𑀫 𑀧𑀲𑀸𑀤𑀜𑁆𑀜𑀣𑀢𑁆𑀢𑀁 𑀪𑀸𑀯𑀜𑁆𑀜𑀣𑀢𑁆𑀢𑀁 𑀕𑀢𑀺𑀅𑀜𑁆𑀜𑀣𑀢𑁆𑀢𑀁 𑀮𑀓𑁆𑀔𑀡𑀜𑁆𑀜𑀣𑀢𑁆𑀢𑀁 𑀯𑀺𑀧𑀭𑀺𑀡𑀸𑀫𑀜𑁆𑀜𑀣𑀢𑁆𑀢𑀦𑁆𑀢𑀺 𑀅𑀦𑁂𑀓𑀯𑀺𑀥𑀁. 𑀢𑀢𑁆𑀣 𑀫𑀳𑀸𑀪𑀽𑀢𑁂𑀲𑀼 𑀪𑀸𑀯𑀜𑁆𑀜𑀣𑀢𑁆𑀢𑀁 𑀅𑀥𑀺𑀧𑁆𑀧𑁂𑀢𑀁. 𑀲𑀼𑀯𑀡𑁆𑀡𑀸𑀤𑀺𑀪𑀸𑀯𑁂𑀦 𑀳𑀺 𑀖𑀦𑀲𑀡𑁆𑀞𑀺𑀢𑀸𑀬 𑀧𑀣𑀯𑀺𑀥𑀸𑀢𑀼𑀬𑀸 𑀯𑀺𑀮𑀻𑀬𑀺𑀢𑁆𑀯𑀸 𑀉𑀤𑀓𑀪𑀸𑀯𑀁 𑀆𑀧𑀚𑁆𑀚𑀫𑀸𑀦𑀸𑀬 𑀧𑀼𑀭𑀺𑀫𑀪𑀸𑀯𑁄 𑀯𑀺𑀕𑀘𑁆𑀙𑀢𑀺, 𑀪𑀸𑀯𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀺. 𑀮𑀓𑁆𑀔𑀡𑀁 𑀧𑀦 𑀦 𑀯𑀺𑀕𑀘𑁆𑀙𑀢𑀺, 𑀓𑀓𑁆𑀔𑀴𑀮𑀓𑁆𑀔𑀡𑀸𑀯 𑀳𑁄𑀢𑀺. 𑀉𑀘𑁆𑀙𑀼𑀭𑀲𑀸𑀤𑀺𑀪𑀸𑀯𑁂𑀦 𑀘 𑀬𑀽𑀲𑀸𑀓𑀸𑀭𑀲𑀡𑁆𑀞𑀺𑀢𑀸𑀬 𑀆𑀧𑁄𑀥𑀸𑀢𑀼𑀬𑀸 𑀲𑀼𑀲𑁆𑀲𑀺𑀢𑁆𑀯𑀸 𑀖𑀦𑀧𑀣𑀯𑀺𑀪𑀸𑀯𑀁 𑀆𑀧𑀚𑁆𑀚𑀫𑀸𑀦𑀸𑀬 𑀧𑀼𑀭𑀺𑀫𑀪𑀸𑀯𑁄 𑀯𑀺𑀕𑀘𑁆𑀙𑀢𑀺, 𑀪𑀸𑀯𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀺. 𑀮𑀓𑁆𑀔𑀡𑀁 𑀧𑀦 𑀦 𑀯𑀺𑀕𑀘𑁆𑀙𑀢𑀺, 𑀆𑀩𑀦𑁆𑀥𑀦𑀮𑀓𑁆𑀔𑀡𑀸𑀯 𑀳𑁄𑀢𑀺. 𑀢𑀢𑁆𑀭𑀺𑀤𑀁 𑀅𑀜𑁆𑀜𑀣𑀢𑁆𑀢𑀦𑁆𑀢𑀺 𑀏𑀢𑁆𑀣 𑀧𑀦 𑀕𑀢𑀺𑀅𑀜𑁆𑀜𑀣𑀢𑁆𑀢𑀁 𑀅𑀥𑀺𑀧𑁆𑀧𑁂𑀢𑀁, 𑀢𑀜𑁆𑀳𑀺 𑀅𑀭𑀺𑀬𑀲𑀸𑀯𑀓𑀲𑁆𑀲 𑀦𑀢𑁆𑀣𑀺. 𑀧𑀲𑀸𑀤𑀜𑁆𑀜𑀣𑀢𑁆𑀢𑀫𑁆𑀧𑀺 𑀦𑀢𑁆𑀣𑀺𑀬𑁂𑀯, 𑀇𑀥 𑀧𑀦 𑀧𑀲𑀸𑀤𑀨𑀮𑀁 𑀧𑀓𑀸𑀲𑁂𑀢𑀼𑀁 𑀕𑀢𑀺𑀅𑀜𑁆𑀜𑀣𑀢𑁆𑀢𑀫𑁂𑀯 𑀤𑀲𑁆𑀲𑀺𑀢𑀁. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀫𑁂𑀯𑀸𑀢𑀺.

𑀭𑀸𑀚𑀓𑀸𑀭𑀸𑀫𑀯𑀕𑁆𑀕𑁄 𑀤𑀼𑀢𑀺𑀬𑁄.