𑁭. 𑀤𑀼𑀢𑀺𑀬𑀅𑀜𑁆𑀜𑀢𑀭𑀪𑀺𑀓𑁆𑀔𑀼𑀲𑀼𑀢𑁆𑀢𑀯𑀡𑁆𑀡𑀦𑀸

𑁭. 𑀲𑀢𑁆𑀢𑀫𑁂 𑀦𑀺𑀩𑁆𑀩𑀸𑀦𑀥𑀸𑀢𑀼𑀬𑀸 𑀔𑁄 𑀏𑀢𑀁 𑀪𑀺𑀓𑁆𑀔𑀼 𑀅𑀥𑀺𑀯𑀘𑀦𑀦𑁆𑀢𑀺 𑀅𑀲𑀗𑁆𑀔𑀢𑀸𑀬 𑀅𑀫𑀢𑀸𑀬 𑀦𑀺𑀩𑁆𑀩𑀸𑀦𑀥𑀸𑀢𑀼𑀬𑀸 𑀏𑀢𑀁 𑀅𑀥𑀺𑀯𑀘𑀦𑀁. 𑀆𑀲𑀯𑀸𑀦𑀁 𑀔𑀬𑁄 𑀢𑁂𑀦 𑀯𑀼𑀘𑁆𑀘𑀢𑀻𑀢𑀺 𑀅𑀧𑀺𑀘 𑀢𑁂𑀦 𑀭𑀸𑀕𑀸𑀤𑀺𑀯𑀺𑀦𑀬𑁂𑀦 𑀆𑀲𑀯𑀸𑀦𑀁 𑀔𑀬𑁄𑀢𑀺𑀧𑀺 𑀯𑀼𑀘𑁆𑀘𑀢𑀺. 𑀆𑀲𑀯𑀓𑁆𑀔𑀬𑁄 𑀦𑀸𑀫 𑀅𑀭𑀳𑀢𑁆𑀢𑀁, 𑀅𑀭𑀳𑀢𑁆𑀢𑀲𑁆𑀲𑀸𑀧𑀺 𑀏𑀢𑀁 𑀭𑀸𑀕𑀯𑀺𑀦𑀬𑁄𑀢𑀺𑀆𑀤𑀺 𑀦𑀸𑀫𑀫𑁂𑀯𑀸𑀢𑀺 𑀤𑀻𑀧𑁂𑀢𑀺. 𑀏𑀢𑀤𑀯𑁄𑀘𑀸𑀢𑀺 ‘‘𑀲𑀢𑁆𑀣𑀸𑀭𑀸 𑀦𑀺𑀩𑁆𑀩𑀸𑀦𑀥𑀸𑀢𑀽𑀢𑀺 𑀯𑀤𑀦𑁆𑀢𑁂𑀦 𑀅𑀫𑀢𑀁 𑀦𑀺𑀩𑁆𑀩𑀸𑀦𑀁 𑀓𑀣𑀺𑀢𑀁, 𑀫𑀕𑁆𑀕𑁄 𑀧𑀦𑀲𑁆𑀲 𑀦 𑀓𑀣𑀺𑀢𑁄. 𑀢𑀁 𑀓𑀣𑀸𑀧𑁂𑀲𑁆𑀲𑀸𑀫𑀻’’𑀢𑀺 𑀅𑀦𑀼𑀲𑀦𑁆𑀥𑀺𑀓𑀼𑀲𑀮𑀢𑀸𑀬 𑀧𑀼𑀘𑁆𑀙𑀦𑁆𑀢𑁄 𑀏𑀢𑀁 𑀅𑀯𑁄𑀘.