𑁯. 𑀓𑀼𑀢𑀽𑀳𑀮𑀲𑀸𑀮𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁪𑁧𑁮. 𑀦𑀯𑀫𑁂 𑀓𑀼𑀢𑀽𑀳𑀮𑀲𑀸𑀮𑀸𑀬𑀦𑁆𑀢𑀺 𑀓𑀼𑀢𑀽𑀳𑀮𑀲𑀸𑀮𑀸 𑀦𑀸𑀫 𑀧𑀘𑁆𑀘𑁂𑀓𑀲𑀸𑀮𑀸 𑀦𑀢𑁆𑀣𑀺, 𑀬𑀢𑁆𑀣 𑀧𑀦 𑀦𑀸𑀦𑀸𑀢𑀺𑀢𑁆𑀣𑀺𑀬𑀸 𑀲𑀫𑀡𑀩𑁆𑀭𑀸𑀳𑁆𑀫𑀡𑀸 𑀦𑀸𑀦𑀸𑀯𑀺𑀥𑀁 𑀓𑀣𑀁 𑀧𑀯𑀢𑁆𑀢𑁂𑀦𑁆𑀢𑀺, 𑀲𑀸 𑀩𑀳𑀽𑀦𑀁 ‘‘𑀅𑀬𑀁 𑀓𑀺𑀁 𑀯𑀤𑀢𑀺, 𑀅𑀬𑀁 𑀓𑀺𑀁 𑀯𑀤𑀢𑀻’’𑀢𑀺 𑀓𑀼𑀢𑀽𑀳𑀮𑀼𑀧𑁆𑀧𑀯𑀢𑁆𑀢𑀺𑀝𑁆𑀞𑀸𑀦𑀢𑁄 𑀓𑀼𑀢𑀽𑀳𑀮𑀲𑀸𑀮𑀸𑀢𑀺 𑀯𑀼𑀘𑁆𑀘𑀢𑀺. 𑀤𑀽𑀭𑀫𑁆𑀧𑀺 𑀕𑀘𑁆𑀙𑀢𑀻𑀢𑀺 𑀬𑀸𑀯 𑀆𑀪𑀲𑁆𑀲𑀭𑀩𑁆𑀭𑀳𑁆𑀫𑀮𑁄𑀓𑀸 𑀕𑀘𑁆𑀙𑀢𑀺. 𑀇𑀫𑀜𑁆𑀘 𑀓𑀸𑀬𑀁 𑀦𑀺𑀓𑁆𑀔𑀺𑀧𑀢𑀻𑀢𑀺 𑀘𑀼𑀢𑀺𑀘𑀺𑀢𑁆𑀢𑁂𑀦 𑀦𑀺𑀓𑁆𑀔𑀺𑀧𑀢𑀺. 𑀅𑀦𑀼𑀧𑀧𑀦𑁆𑀦𑁄 𑀳𑁄𑀢𑀻𑀢𑀺 𑀘𑀼𑀢𑀺𑀓𑁆𑀔𑀡𑁂𑀬𑁂𑀯 𑀧𑀝𑀺𑀲𑀦𑁆𑀥𑀺𑀘𑀺𑀢𑁆𑀢𑀲𑁆𑀲 𑀅𑀦𑀼𑀧𑁆𑀧𑀦𑁆𑀦𑀢𑁆𑀢𑀸 𑀅𑀦𑀼𑀧𑀧𑀦𑁆𑀦𑁄 𑀳𑁄𑀢𑀺.