𑁬. 𑀅𑀯𑀺𑀚𑁆𑀚𑀸𑀯𑀕𑁆𑀕𑀯𑀡𑁆𑀡𑀦𑀸

𑁫𑁩-𑁬𑁨. 𑀅𑀯𑀺𑀚𑁆𑀚𑀸𑀯𑀕𑁆𑀕𑁂 𑀅𑀯𑀺𑀚𑁆𑀚𑀸𑀢𑀺 𑀘𑀢𑀽𑀲𑀼 𑀲𑀘𑁆𑀘𑁂𑀲𑀼 𑀅𑀜𑁆𑀜𑀸𑀡𑀁. 𑀯𑀺𑀚𑁆𑀚𑀸𑀢𑀺 𑀅𑀭𑀳𑀢𑁆𑀢𑀫𑀕𑁆𑀕𑀯𑀺𑀚𑁆𑀚𑀸. 𑀅𑀦𑀺𑀘𑁆𑀘𑀢𑁄 𑀚𑀸𑀦𑀢𑁄 𑀧𑀲𑁆𑀲𑀢𑁄𑀢𑀺 𑀤𑀼𑀓𑁆𑀔𑀸𑀦𑀢𑁆𑀢𑀯𑀲𑁂𑀦𑀸𑀧𑀺 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀧𑀳𑀻𑀬𑀢𑀺𑀬𑁂𑀯, 𑀇𑀤𑀁 𑀧𑀦 𑀅𑀦𑀺𑀘𑁆𑀘𑀯𑀲𑁂𑀦 𑀓𑀣𑀺𑀢𑁂 𑀩𑀼𑀚𑁆𑀛𑀦𑀓𑀧𑀼𑀕𑁆𑀕𑀮𑀲𑁆𑀲 𑀅𑀚𑁆𑀛𑀸𑀲𑀬𑁂𑀦 𑀯𑀼𑀢𑁆𑀢𑀁. 𑀏𑀲𑁂𑀯 𑀦𑀬𑁄 𑀲𑀩𑁆𑀩𑀢𑁆𑀣. 𑀅𑀧𑀺 𑀘𑁂𑀢𑁆𑀣 𑀲𑀁𑀬𑁄𑀚𑀦𑀸𑀢𑀺 𑀤𑀲 𑀲𑀁𑀬𑁄𑀚𑀦𑀸𑀦𑀺. 𑀆𑀲𑀯𑀸𑀢𑀺 𑀘𑀢𑁆𑀢𑀸𑀭𑁄 𑀆𑀲𑀯𑀸. 𑀅𑀦𑀼𑀲𑀬𑀸𑀢𑀺 𑀲𑀢𑁆𑀢 𑀅𑀦𑀼𑀲𑀬𑀸. 𑀲𑀩𑁆𑀩𑀼𑀧𑀸𑀤𑀸𑀦𑀧𑀭𑀺𑀜𑁆𑀜𑀸𑀬𑀸𑀢𑀺 𑀲𑀩𑁆𑀩𑁂𑀲𑀁 𑀘𑀢𑀼𑀦𑁆𑀦𑀫𑁆𑀧𑀺 𑀉𑀧𑀸𑀤𑀸𑀦𑀸𑀦𑀁 𑀢𑀻𑀳𑀺 𑀧𑀭𑀺𑀜𑁆𑀜𑀸𑀳𑀺 𑀧𑀭𑀺𑀚𑀸𑀦𑀦𑀢𑁆𑀣𑀸𑀬. 𑀧𑀭𑀺𑀬𑀸𑀤𑀸𑀦𑀸𑀬𑀸𑀢𑀺 𑀔𑁂𑀧𑀦𑀢𑁆𑀣𑀸𑀬. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀫𑁂𑀯𑀸𑀢𑀺.

𑀅𑀯𑀺𑀚𑁆𑀚𑀸𑀯𑀕𑁆𑀕𑁄 𑀙𑀝𑁆𑀞𑁄.