𑁧𑁧. 𑀬𑁄𑀕𑀓𑁆𑀔𑁂𑀫𑀺𑀯𑀕𑁆𑀕𑁄

𑁧. 𑀬𑁄𑀕𑀓𑁆𑀔𑁂𑀫𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁪. 𑀬𑁄𑀕𑀓𑁆𑀔𑁂𑀫𑀺𑀯𑀕𑁆𑀕𑀲𑁆𑀲 𑀧𑀞𑀫𑁂 𑀬𑁄𑀕𑀓𑁆𑀔𑁂𑀫𑀺𑀧𑀭𑀺𑀬𑀸𑀬𑀦𑁆𑀢𑀺 𑀘𑀢𑀽𑀳𑀺 𑀬𑁄𑀕𑁂𑀳𑀺 𑀔𑁂𑀫𑀺𑀦𑁄 𑀓𑀸𑀭𑀡𑀪𑀽𑀢𑀁. 𑀥𑀫𑁆𑀫𑀧𑀭𑀺𑀬𑀸𑀬𑀦𑁆𑀢𑀺 𑀥𑀫𑁆𑀫𑀓𑀸𑀭𑀡𑀁. 𑀅𑀓𑁆𑀔𑀸𑀲𑀺 𑀬𑁄𑀕𑀦𑁆𑀢𑀺 𑀬𑀼𑀢𑁆𑀢𑀺𑀁 𑀓𑀣𑁂𑀲𑀺. 𑀢𑀲𑁆𑀫𑀸𑀢𑀺 𑀓𑀲𑁆𑀫𑀸? 𑀓𑀺𑀁 𑀅𑀓𑁆𑀔𑀸𑀢𑀢𑁆𑀢𑀸, 𑀉𑀤𑀸𑀳𑀼 𑀧𑀳𑀻𑀦𑀢𑁆𑀢𑀸𑀢𑀺? 𑀧𑀳𑀻𑀦𑀢𑁆𑀢𑀸. 𑀦 𑀳𑀺 𑀅𑀓𑁆𑀔𑀸𑀦𑁂𑀦 𑀬𑁄𑀕𑀓𑁆𑀔𑁂𑀫𑀺 𑀦𑀸𑀫 𑀳𑁄𑀢𑀺.

𑁨-𑁧𑁦. 𑀉𑀧𑀸𑀤𑀸𑀬𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁦𑁫-𑁧𑁧𑁩. 𑀤𑀼𑀢𑀺𑀬𑁂 𑀯𑁂𑀤𑀦𑀸𑀲𑀼𑀔𑀤𑀼𑀓𑁆𑀔𑀁 𑀓𑀣𑀺𑀢𑀁, 𑀢𑀁 𑀧𑀦 𑀯𑀺𑀧𑀸𑀓𑀲𑀼𑀔𑀤𑀼𑀓𑁆𑀔𑀁 𑀯𑀝𑁆𑀝𑀢𑀺. 𑀢𑀢𑀺𑀬𑁂 𑀤𑀼𑀓𑁆𑀔𑀲𑁆𑀲𑀸𑀢𑀺 𑀯𑀝𑁆𑀝𑀤𑀼𑀓𑁆𑀔𑀲𑁆𑀲. 𑀘𑀢𑀼𑀢𑁆𑀣𑁂 𑀮𑁄𑀓𑀲𑁆𑀲𑀸𑀢𑀺 𑀲𑀗𑁆𑀔𑀸𑀭𑀮𑁄𑀓𑀲𑁆𑀲. 𑀧𑀜𑁆𑀘𑀫𑀸𑀤𑀻𑀲𑀼 𑀬𑀁 𑀯𑀢𑁆𑀢𑀩𑁆𑀩𑀁 𑀲𑀺𑀬𑀸, 𑀢𑀁 𑀔𑀦𑁆𑀥𑀺𑀬𑀯𑀕𑁆𑀕𑁂 𑀯𑀼𑀢𑁆𑀢𑀦𑀬𑀫𑁂𑀯.

𑀬𑁄𑀕𑀓𑁆𑀔𑁂𑀫𑀺𑀯𑀕𑁆𑀕𑁄 𑀏𑀓𑀸𑀤𑀲𑀫𑁄.