𑁧. 𑀫𑀸𑀭𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁬𑁦. 𑀭𑀸𑀥𑀲𑀁𑀬𑀼𑀢𑁆𑀢𑀲𑁆𑀲 𑀧𑀞𑀫𑁂 𑀫𑀸𑀭𑁄 𑀯𑀸 𑀅𑀲𑁆𑀲𑀸𑀢𑀺 𑀫𑀭𑀡𑀁 𑀯𑀸 𑀪𑀯𑁂𑀬𑁆𑀬. 𑀫𑀸𑀭𑁂𑀢𑀸 𑀯𑀸𑀢𑀺 𑀫𑀸𑀭𑁂𑀢𑀩𑁆𑀩𑁄 𑀯𑀸. 𑀬𑁄 𑀯𑀸 𑀧𑀦 𑀫𑀻𑀬𑀢𑀻𑀢𑀺 𑀬𑁄 𑀯𑀸 𑀧𑀦 𑀫𑀭𑀢𑀺. 𑀦𑀺𑀩𑁆𑀩𑀺𑀤𑀢𑁆𑀣𑀦𑁆𑀢𑀺 𑀦𑀺𑀩𑁆𑀩𑀺𑀤𑀸𑀜𑀸𑀡𑀢𑁆𑀣𑀁. 𑀦𑀺𑀩𑁆𑀩𑀸𑀦𑀢𑁆𑀣𑀸𑀢𑀺 𑀨𑀮𑀯𑀺𑀫𑀼𑀢𑁆𑀢𑀺 𑀦𑀸𑀫𑁂𑀲𑀸 𑀅𑀦𑀼𑀧𑀸𑀤𑀸𑀦𑀺𑀩𑁆𑀩𑀸𑀦𑀢𑁆𑀣𑀸𑀢𑀺 𑀅𑀢𑁆𑀣𑁄. 𑀅𑀘𑁆𑀘𑀬𑀸𑀲𑀻𑀢𑀺 𑀅𑀢𑀺𑀓𑁆𑀓𑀦𑁆𑀢𑁄𑀲𑀺. 𑀦𑀺𑀩𑁆𑀩𑀸𑀦𑁄𑀕𑀥𑀦𑁆𑀢𑀺 𑀦𑀺𑀩𑁆𑀩𑀸𑀦𑁂 𑀧𑀢𑀺𑀝𑁆𑀞𑀺𑀢𑀁. 𑀇𑀤𑀁 𑀫𑀕𑁆𑀕𑀩𑁆𑀭𑀳𑁆𑀫𑀘𑀭𑀺𑀬𑀁 𑀦𑀸𑀫 𑀦𑀺𑀩𑁆𑀩𑀸𑀦𑀩𑁆𑀪𑀦𑁆𑀢𑀭𑁂 𑀯𑀼𑀲𑁆𑀲𑀢𑀺, 𑀦 𑀦𑀺𑀩𑁆𑀩𑀸𑀦𑀁 𑀅𑀢𑀺𑀓𑁆𑀓𑀫𑀺𑀢𑁆𑀯𑀸𑀢𑀺 𑀅𑀢𑁆𑀣𑁄. 𑀦𑀺𑀩𑁆𑀩𑀸𑀦𑀧𑀭𑀺𑀬𑁄𑀲𑀸𑀦𑀦𑁆𑀢𑀺 𑀦𑀺𑀩𑁆𑀩𑀸𑀦𑀁 𑀅𑀲𑁆𑀲 𑀧𑀭𑀺𑀬𑁄𑀲𑀸𑀦𑀁, 𑀦𑀺𑀧𑁆𑀨𑀢𑁆𑀢𑀺 𑀦𑀺𑀝𑁆𑀞𑀸𑀢𑀺 𑀅𑀢𑁆𑀣𑁄. 𑀧𑀞𑀫𑀁.