𑁭-𑁧𑁦. 𑀅𑀦𑀼𑀥𑀫𑁆𑀫𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁩𑁯-𑁪𑁨. 𑀲𑀢𑁆𑀢𑀫𑁂 𑀥𑀫𑁆𑀫𑀸𑀦𑀼𑀥𑀫𑁆𑀫𑀧𑁆𑀧𑀝𑀺𑀧𑀦𑁆𑀦𑀲𑁆𑀲𑀸𑀢𑀺 𑀦𑀯𑀦𑁆𑀦𑀁 𑀮𑁄𑀓𑀼𑀢𑁆𑀢𑀭𑀥𑀫𑁆𑀫𑀸𑀦𑀁 𑀅𑀦𑀼𑀮𑁄𑀫𑀥𑀫𑁆𑀫𑀁 𑀧𑀼𑀩𑁆𑀩𑀪𑀸𑀕𑀧𑀝𑀺𑀧𑀤𑀁 𑀧𑀝𑀺𑀧𑀦𑁆𑀦𑀲𑁆𑀲. 𑀅𑀬𑀫𑀦𑀼𑀥𑀫𑁆𑀫𑁄𑀢𑀺 𑀅𑀬𑀁 𑀅𑀦𑀼𑀮𑁄𑀫𑀥𑀫𑁆𑀫𑁄 𑀳𑁄𑀢𑀺. 𑀦𑀺𑀩𑁆𑀩𑀺𑀤𑀸𑀩𑀳𑀼𑀮𑁄𑀢𑀺 𑀉𑀓𑁆𑀓𑀡𑁆𑀞𑀦𑀩𑀳𑀼𑀮𑁄 𑀳𑀼𑀢𑁆𑀯𑀸. 𑀧𑀭𑀺𑀚𑀸𑀦𑀸𑀢𑀻𑀢𑀺 𑀢𑀻𑀳𑀺 𑀧𑀭𑀺𑀜𑁆𑀜𑀸𑀳𑀺 𑀧𑀭𑀺𑀚𑀸𑀦𑀸𑀢𑀺. 𑀧𑀭𑀺𑀫𑀼𑀘𑁆𑀘𑀢𑀻𑀢𑀺 𑀫𑀕𑁆𑀕𑀓𑁆𑀔𑀡𑁂 𑀉𑀧𑁆𑀧𑀦𑁆𑀦𑀸𑀬 𑀧𑀳𑀸𑀦𑀧𑀭𑀺𑀜𑁆𑀜𑀸𑀬 𑀧𑀭𑀺𑀫𑀼𑀘𑁆𑀘𑀢𑀺. 𑀏𑀯𑀁 𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀫𑀕𑁆𑀕𑁄𑀯 𑀓𑀣𑀺𑀢𑁄 𑀳𑁄𑀢𑀺, 𑀢𑀣𑀸 𑀇𑀢𑁄 𑀧𑀭𑁂𑀲𑀼 𑀢𑀻𑀲𑀼. 𑀇𑀥 𑀧𑀦 𑀅𑀦𑀼𑀧𑀲𑁆𑀲𑀦𑀸 𑀅𑀦𑀺𑀬𑀫𑀺𑀢𑀸, 𑀢𑁂𑀲𑀼 𑀦𑀺𑀬𑀫𑀺𑀢𑀸. 𑀢𑀲𑁆𑀫𑀸 𑀇𑀥𑀸𑀧𑀺 𑀲𑀸 𑀢𑀢𑁆𑀣 𑀦𑀺𑀬𑀫𑀺𑀢𑀯𑀲𑁂𑀦𑁂𑀯 𑀦𑀺𑀬𑀫𑁂𑀢𑀩𑁆𑀩𑀸. 𑀦 𑀳𑀺 𑀲𑀓𑁆𑀓𑀸 𑀢𑀻𑀲𑀼 𑀅𑀜𑁆𑀜𑀢𑀭𑀁 𑀅𑀦𑀼𑀧𑀲𑁆𑀲𑀦𑀁 𑀯𑀺𑀦𑀸 𑀦𑀺𑀩𑁆𑀩𑀺𑀦𑁆𑀤𑀺𑀢𑀼𑀁 𑀧𑀭𑀺𑀚𑀸𑀦𑀺𑀢𑀼𑀁 𑀯𑀸𑀢𑀺. 𑀲𑀢𑁆𑀢𑀫𑀸𑀤𑀻𑀦𑀺.

𑀦𑀢𑀼𑀫𑁆𑀳𑀸𑀓𑀯𑀕𑁆𑀕𑁄 𑀘𑀢𑀼𑀢𑁆𑀣𑁄.