𑁪. 𑀔𑀻𑀭𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁨𑁭. 𑀘𑀢𑀼𑀢𑁆𑀣𑁂 𑀫𑀸𑀢𑀼𑀣𑀜𑁆𑀜𑀦𑁆𑀢𑀺 𑀏𑀓𑀦𑀸𑀫𑀺𑀓𑀸𑀬 𑀫𑀦𑀼𑀲𑁆𑀲𑀫𑀸𑀢𑀼 𑀔𑀻𑀭𑀁. 𑀇𑀫𑁂𑀲𑀜𑁆𑀳𑀺 𑀲𑀢𑁆𑀢𑀸𑀦𑀁 𑀕𑀡𑁆𑀟𑀼𑀧𑁆𑀧𑀸𑀤𑀓𑀺𑀧𑀺𑀮𑁆𑀮𑀺𑀓𑀸𑀤𑀻𑀲𑀼 𑀯𑀸 𑀫𑀘𑁆𑀙𑀓𑀘𑁆𑀙𑀧𑀸𑀤𑀻𑀲𑀼 𑀯𑀸 𑀧𑀓𑁆𑀔𑀺𑀚𑀸𑀢𑁂𑀲𑀼 𑀯𑀸 𑀦𑀺𑀩𑁆𑀩𑀢𑁆𑀢𑀓𑀸𑀮𑁂 𑀫𑀸𑀢𑀼𑀔𑀻𑀭𑀫𑁂𑀯 𑀦𑀢𑁆𑀣𑀺, 𑀅𑀚𑀧𑀲𑀼𑀫𑀳𑀺𑀁𑀲𑀸𑀤𑀻𑀲𑀼 𑀦𑀺𑀩𑁆𑀩𑀢𑁆𑀢𑀓𑀸𑀮𑁂 𑀔𑀻𑀭𑀁 𑀅𑀢𑁆𑀣𑀺, 𑀢𑀣𑀸 𑀫𑀦𑀼𑀲𑁆𑀲𑁂𑀲𑀼. 𑀢𑀢𑁆𑀣 𑀅𑀚𑀸𑀤𑀺𑀓𑀸𑀮𑁂 𑀘 𑀫𑀦𑀼𑀲𑁆𑀲𑁂𑀲𑀼 𑀘𑀸𑀧𑀺 ‘‘𑀤𑁂𑀯𑀻 𑀲𑀼𑀫𑀦𑀸 𑀢𑀺𑀲𑁆𑀲𑀸’’𑀢𑀺 𑀏𑀯𑀁 𑀦𑀸𑀦𑀸𑀦𑀸𑀫𑀺𑀓𑀸𑀦𑀁 𑀓𑀼𑀘𑁆𑀙𑀺𑀬𑀁 𑀦𑀺𑀩𑁆𑀩𑀢𑁆𑀢𑀓𑀸𑀮𑁂 𑀅𑀕𑁆𑀕𑀳𑁂𑀢𑁆𑀯𑀸 𑀢𑀺𑀲𑁆𑀲𑀸𑀢𑀺 𑀏𑀓𑀦𑀸𑀫𑀺𑀓𑀸𑀬 𑀏𑀯 𑀫𑀸𑀢𑀼 𑀓𑀼𑀘𑁆𑀙𑀺𑀬𑀁 𑀦𑀺𑀩𑁆𑀩𑀢𑁆𑀢𑀓𑀸𑀮𑁂 𑀧𑀻𑀢𑀁 𑀣𑀜𑁆𑀜𑀁 𑀘𑀢𑀽𑀲𑀼 𑀫𑀳𑀸𑀲𑀫𑀼𑀤𑁆𑀤𑁂𑀲𑀼 𑀉𑀤𑀓𑀢𑁄 𑀩𑀳𑀼𑀢𑀭𑀦𑁆𑀢𑀺 𑀯𑁂𑀤𑀺𑀢𑀩𑁆𑀩𑀁. 𑀘𑀢𑀼𑀢𑁆𑀣𑀁.