𑁧𑁦. 𑀧𑀼𑀕𑁆𑀕𑀮𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁩𑁩. 𑀤𑀲𑀫𑁂 𑀅𑀝𑁆𑀞𑀺𑀓𑀗𑁆𑀓𑀮𑁄𑀢𑀺𑀆𑀤𑀻𑀦𑀺 𑀢𑀻𑀡𑀺𑀧𑀺 𑀭𑀸𑀲𑀺𑀯𑁂𑀯𑀘𑀦𑀸𑀦𑁂𑀯. 𑀇𑀫𑁂𑀲𑀁 𑀧𑀦 𑀲𑀢𑁆𑀢𑀸𑀦𑀁 𑀲𑀅𑀝𑁆𑀞𑀺𑀓𑀸𑀮𑀢𑁄 𑀅𑀦𑀝𑁆𑀞𑀺𑀓𑀸𑀮𑁄𑀯 𑀩𑀳𑀼𑀢𑀭𑁄. 𑀕𑀡𑁆𑀟𑀼𑀧𑁆𑀧𑀸𑀤𑀓𑀸𑀤𑀺𑀧𑀸𑀡𑀪𑀽𑀢𑀸𑀦𑀜𑁆𑀳𑀺 𑀏𑀢𑁂𑀲𑀁 𑀅𑀝𑁆𑀞𑀺𑀫𑁂𑀯 𑀦𑀢𑁆𑀣𑀺, 𑀫𑀘𑁆𑀙𑀓𑀘𑁆𑀙𑀧𑀸𑀤𑀺𑀪𑀽𑀢𑀸𑀦𑀁 𑀧𑀦 𑀅𑀝𑁆𑀞𑀺𑀫𑁂𑀯 𑀩𑀳𑀼𑀢𑀭𑀁, 𑀢𑀲𑁆𑀫𑀸 𑀅𑀦𑀝𑁆𑀞𑀺𑀓𑀸𑀮𑀜𑁆𑀘 𑀩𑀳𑀼𑀅𑀝𑁆𑀞𑀺𑀓𑀸𑀮𑀜𑁆𑀘 𑀅𑀕𑁆𑀕𑀳𑁂𑀢𑁆𑀯𑀸 𑀲𑀫𑀝𑁆𑀞𑀺𑀓𑀸𑀮𑁄𑀯 𑀕𑀳𑁂𑀢𑀩𑁆𑀩𑁄. 𑀉𑀢𑁆𑀢𑀭𑁄 𑀕𑀺𑀚𑁆𑀛𑀓𑀽𑀝𑀲𑁆𑀲𑀸𑀢𑀺 𑀕𑀺𑀚𑁆𑀛𑀓𑀽𑀝𑀲𑁆𑀲 𑀉𑀢𑁆𑀢𑀭𑀧𑀲𑁆𑀲𑁂 𑀞𑀺𑀢𑁄. 𑀫𑀕𑀥𑀸𑀦𑀁 𑀕𑀺𑀭𑀺𑀩𑁆𑀩𑀚𑁂𑀢𑀺 𑀫𑀕𑀥𑀭𑀝𑁆𑀞𑀲𑁆𑀲 𑀕𑀺𑀭𑀺𑀩𑁆𑀩𑀚𑁂, 𑀕𑀺𑀭𑀺𑀧𑀭𑀺𑀓𑁆𑀔𑁂𑀧𑁂 𑀞𑀺𑀢𑁄𑀢𑀺 𑀅𑀢𑁆𑀣𑁄. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀫𑁂𑀯𑀸𑀢𑀺. 𑀤𑀲𑀫𑀁.

𑀧𑀞𑀫𑁄 𑀯𑀕𑁆𑀕𑁄.