𑁫. 𑀧𑀣𑀯𑀻𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁭𑁮-𑁮𑁪. 𑀧𑀜𑁆𑀘𑀫𑁂 𑀫𑀳𑀸𑀧𑀣𑀯𑀺𑀬𑀸𑀢𑀺 𑀘𑀓𑁆𑀓𑀯𑀸𑀴𑀩𑁆𑀪𑀦𑁆𑀢𑀭𑀸𑀬 𑀫𑀳𑀸𑀧𑀣𑀯𑀺𑀬𑀸 𑀉𑀤𑁆𑀥𑀭𑀺𑀢𑁆𑀯𑀸. 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄𑀢𑀺 𑀧𑀤𑀭𑀝𑁆𑀞𑀺𑀧𑀫𑀸𑀡𑀸. 𑀕𑀼𑀴𑀺𑀓𑀸𑀢𑀺 𑀫𑀢𑁆𑀢𑀺𑀓𑀕𑀼𑀴𑀺𑀓𑀸. 𑀉𑀧𑀦𑀺𑀓𑁆𑀔𑀺𑀧𑁂𑀬𑁆𑀬𑀸𑀢𑀺 𑀏𑀓𑀲𑁆𑀫𑀺𑀁 𑀞𑀸𑀦𑁂 𑀞𑀧𑁂𑀬𑁆𑀬. 𑀙𑀝𑁆𑀞𑀸𑀤𑀻𑀲𑀼 𑀯𑀼𑀢𑁆𑀢𑀦𑀬𑁂𑀦𑁂𑀯 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄. 𑀧𑀭𑀺𑀬𑁄𑀲𑀸𑀦𑁂 𑀧𑀦 𑀅𑀜𑁆𑀜𑀢𑀺𑀢𑁆𑀣𑀺𑀬𑀲𑀫𑀡𑀩𑁆𑀭𑀸𑀳𑁆𑀫𑀡𑀧𑀭𑀺𑀩𑁆𑀩𑀸𑀚𑀓𑀸𑀦𑀁 𑀅𑀥𑀺𑀕𑀫𑁄𑀢𑀺 𑀩𑀸𑀳𑀺𑀭𑀓𑀸𑀦𑀁 𑀲𑀩𑁆𑀩𑁄𑀧𑀺 𑀕𑀼𑀡𑀸𑀥𑀺𑀕𑀫𑁄 𑀧𑀞𑀫𑀫𑀕𑁆𑀕𑁂𑀦 𑀅𑀥𑀺𑀕𑀢𑀕𑀼𑀡𑀸𑀦𑀁 𑀲𑀢𑀪𑀸𑀕𑀫𑁆𑀧𑀺 𑀲𑀳𑀲𑁆𑀲𑀪𑀸𑀕𑀫𑁆𑀧𑀺 𑀲𑀢𑀲𑀳𑀲𑁆𑀲𑀪𑀸𑀕𑀫𑁆𑀧𑀺 𑀦 𑀉𑀧𑀕𑀘𑁆𑀙𑀢𑀻𑀢𑀺. 𑀧𑀜𑁆𑀘𑀫𑀸𑀤𑀻𑀦𑀺.

𑀅𑀪𑀺𑀲𑀫𑀬𑀲𑀁𑀬𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.