𑁭. 𑀢𑀭𑀼𑀡𑀭𑀼𑀓𑁆𑀔𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁭-𑁫𑁯. 𑀲𑀢𑁆𑀢𑀫𑁂 𑀢𑀭𑀼𑀡𑁄𑀢𑀺 𑀅𑀚𑀸𑀢𑀨𑀮𑁄. 𑀧𑀮𑀺𑀫𑀚𑁆𑀚𑁂𑀬𑁆𑀬𑀸𑀢𑀺 𑀲𑁄𑀥𑁂𑀬𑁆𑀬. 𑀧𑀁𑀲𑀼𑀁 𑀤𑀤𑁂𑀬𑁆𑀬𑀸𑀢𑀺 𑀣𑀤𑁆𑀥𑀨𑀭𑀼𑀲𑀧𑀁𑀲𑀼𑀁 𑀳𑀭𑀺𑀢𑁆𑀯𑀸 𑀫𑀼𑀤𑀼𑀕𑁄𑀫𑀬𑀘𑀼𑀡𑁆𑀡𑀫𑀺𑀲𑁆𑀲𑀁 𑀫𑀥𑀼𑀭𑀧𑀁𑀲𑀼𑀁 𑀧𑀓𑁆𑀔𑀺𑀧𑁂𑀬𑁆𑀬. 𑀯𑀼𑀤𑁆𑀥𑀺𑀦𑁆𑀢𑀺 𑀯𑀼𑀤𑁆𑀥𑀺𑀁 𑀆𑀧𑀚𑁆𑀚𑀺𑀢𑁆𑀯𑀸 𑀧𑀼𑀧𑁆𑀨𑀽𑀧𑀕𑁄 𑀧𑀼𑀧𑁆𑀨𑀁, 𑀨𑀮𑀽𑀧𑀕𑁄 𑀨𑀮𑀁 𑀕𑀡𑁆𑀳𑁂𑀬𑁆𑀬. 𑀇𑀤𑀁 𑀧𑀦𑁂𑀢𑁆𑀣 𑀑𑀧𑀫𑁆𑀫𑀲𑀁𑀲𑀦𑁆𑀤𑀦𑀁 𑁋 𑀢𑀭𑀼𑀡𑀭𑀼𑀓𑁆𑀔𑁄 𑀯𑀺𑀬 𑀳𑀺 𑀢𑁂𑀪𑀽𑀫𑀓𑀯𑀝𑁆𑀝𑀁, 𑀭𑀼𑀓𑁆𑀔𑀚𑀕𑁆𑀕𑀓𑁄 𑀧𑀼𑀭𑀺𑀲𑁄 𑀯𑀺𑀬 𑀯𑀝𑁆𑀝𑀦𑀺𑀲𑁆𑀲𑀺𑀢𑁄 𑀧𑀼𑀣𑀼𑀚𑁆𑀚𑀦𑁄, 𑀫𑀽𑀮𑀨𑀮𑀲𑀦𑁆𑀢𑀸𑀦𑀸𑀤𑀻𑀦𑀺 𑀯𑀺𑀬 𑀢𑀻𑀳𑀺 𑀤𑁆𑀯𑀸𑀭𑁂𑀳𑀺 𑀓𑀼𑀲𑀮𑀸𑀓𑀼𑀲𑀮𑀓𑀫𑁆𑀫𑀸𑀬𑀽𑀳𑀦𑀁, 𑀭𑀼𑀓𑁆𑀔𑀲𑁆𑀲 𑀯𑀼𑀟𑁆𑀠𑀺𑀆𑀧𑀚𑁆𑀚𑀦𑀁 𑀯𑀺𑀬 𑀧𑀼𑀣𑀼𑀚𑁆𑀚𑀦𑀲𑁆𑀲 𑀢𑀻𑀳𑀺 𑀤𑁆𑀯𑀸𑀭𑁂𑀳𑀺 𑀓𑀫𑁆𑀫𑀁 𑀆𑀬𑀽𑀳𑀢𑁄 𑀅𑀧𑀭𑀸𑀧𑀭𑀁 𑀯𑀝𑁆𑀝𑀧𑁆𑀧𑀯𑀢𑁆𑀢𑀺. 𑀯𑀺𑀯𑀝𑁆𑀝𑀁 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀁. 𑀅𑀝𑁆𑀞𑀫𑀦𑀯𑀫𑀸𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯. 𑀲𑀢𑁆𑀢𑀫𑀸𑀤𑀻𑀦𑀺.