𑁬. 𑀫𑀮𑁆𑀮𑀺𑀓𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁨𑁭. 𑀙𑀝𑁆𑀞𑁂 𑀉𑀧𑀲𑀗𑁆𑀓𑀫𑀻𑀢𑀺 𑀫𑀮𑁆𑀮𑀺𑀓𑀸𑀬 𑀤𑁂𑀯𑀺𑀬𑀸 𑀕𑀩𑁆𑀪𑀯𑀼𑀝𑁆𑀞𑀸𑀦𑀓𑀸𑀮𑁂 𑀲𑀽𑀢𑀺𑀖𑀭𑀁 𑀧𑀝𑀺𑀚𑀕𑁆𑀕𑀸𑀧𑁂𑀢𑁆𑀯𑀸 𑀆𑀭𑀓𑁆𑀔𑀁 𑀤𑀢𑁆𑀯𑀸 𑀉𑀧𑀲𑀗𑁆𑀓𑀫𑀺. 𑀅𑀦𑀢𑁆𑀢𑀫𑀦𑁄 𑀅𑀳𑁄𑀲𑀻𑀢𑀺, ‘‘𑀤𑀼𑀕𑁆𑀕𑀢𑀓𑀼𑀮𑀲𑁆𑀲 𑀫𑁂 𑀥𑀻𑀢𑀼 𑀫𑀳𑀦𑁆𑀢𑀁 𑀇𑀲𑁆𑀲𑀭𑀺𑀬𑀁 𑀤𑀺𑀦𑁆𑀦𑀁, 𑀲𑀘𑁂 𑀧𑀼𑀢𑁆𑀢𑀁 𑀅𑀮𑀪𑀺𑀲𑁆𑀲, 𑀫𑀳𑀦𑁆𑀢𑀁 𑀲𑀓𑁆𑀓𑀸𑀭𑀁 𑀅𑀥𑀺𑀕𑀫𑀺𑀲𑁆𑀲, 𑀢𑀢𑁄 𑀤𑀸𑀦𑀺 𑀧𑀭𑀺𑀳𑀻𑀦𑀸’’𑀢𑀺 𑀅𑀦𑀢𑁆𑀢𑀫𑀦𑁄 𑀅𑀳𑁄𑀲𑀺. 𑀲𑁂𑀬𑁆𑀬𑀸𑀢𑀺 𑀤𑀦𑁆𑀥𑀧𑀜𑁆𑀜𑀲𑁆𑀫𑀸 𑀏𑀮𑀫𑀽𑀕𑀧𑀼𑀢𑁆𑀢𑀢𑁄 𑀏𑀓𑀘𑁆𑀘𑀸 𑀇𑀢𑁆𑀣𑀻𑀬𑁂𑀯 𑀲𑁂𑀬𑁆𑀬𑀸. 𑀧𑁄𑀲𑀸𑀢𑀺 𑀧𑁄𑀲𑁂𑀳𑀺. 𑀚𑀦𑀸𑀥𑀺𑀧𑀸𑀢𑀺 𑀚𑀦𑀸𑀥𑀺𑀪𑀼𑀁 𑀭𑀸𑀚𑀸𑀦𑀁 𑀆𑀮𑀧𑀢𑀺. 𑀲𑀲𑁆𑀲𑀼𑀤𑁂𑀯𑀸𑀢𑀺 𑀲𑀲𑁆𑀲𑀼𑀲𑀲𑀼𑀭𑀤𑁂𑀯𑀢𑀸. 𑀤𑀺𑀲𑀫𑁆𑀧𑀢𑀻𑀢𑀺 𑀤𑀺𑀲𑀸𑀚𑁂𑀝𑁆𑀞𑀓𑀸. 𑀢𑀸𑀤𑀺𑀲𑀸 𑀲𑀼𑀪𑀕𑀺𑀬𑀸𑀢𑀺 𑀢𑀸𑀤𑀺𑀲𑀸𑀬 𑀲𑀼𑀪𑀭𑀺𑀬𑀸𑀬. 𑀙𑀝𑁆𑀞𑀁.