𑁮. 𑀫𑀳𑀤𑁆𑀥𑀦𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁮. 𑀅𑀝𑁆𑀞𑀫𑁂 𑀦𑀺𑀥𑀸𑀦𑀕𑀢𑀁 𑀫𑀼𑀢𑁆𑀢𑀲𑀸𑀭𑀸𑀤𑀺 𑀫𑀳𑀦𑁆𑀢𑀁 𑀥𑀦𑀫𑁂𑀢𑁂𑀲𑀦𑁆𑀢𑀺 𑀫𑀳𑀤𑁆𑀥𑀦𑀸. 𑀲𑀼𑀯𑀡𑁆𑀡𑀭𑀚𑀢𑀪𑀸𑀚𑀦𑀸𑀤𑀺 𑀫𑀳𑀸𑀪𑁄𑀕𑁄 𑀏𑀢𑁂𑀲𑀦𑁆𑀢𑀺 𑀫𑀳𑀸𑀪𑁄𑀕𑀸. 𑀅𑀜𑁆𑀜𑀫𑀜𑁆𑀜𑀸𑀪𑀺𑀕𑀺𑀚𑁆𑀛𑀦𑁆𑀢𑀻𑀢𑀺 𑀅𑀜𑁆𑀜𑀫𑀜𑁆𑀜𑀁 𑀅𑀪𑀺𑀕𑀺𑀚𑁆𑀛𑀦𑁆𑀢𑀺 𑀧𑀢𑁆𑀣𑁂𑀦𑁆𑀢𑀺 𑀧𑀺𑀳𑁂𑀦𑁆𑀢𑀺. 𑀅𑀦𑀮𑀗𑁆𑀓𑀢𑀸𑀢𑀺 𑀅𑀢𑀺𑀢𑁆𑀢𑀸 𑀅𑀧𑀭𑀺𑀬𑀢𑁆𑀢𑀚𑀸𑀢𑀸. 𑀉𑀲𑁆𑀲𑀼𑀓𑁆𑀓𑀚𑀸𑀢𑁂𑀲𑀽𑀢𑀺 𑀦𑀸𑀦𑀸𑀓𑀺𑀘𑁆𑀘𑀚𑀸𑀢𑁂𑀲𑀼 𑀅𑀦𑀼𑀧𑁆𑀧𑀦𑁆𑀦𑀸𑀦𑀁 𑀭𑀽𑀧𑀸𑀤𑀻𑀦𑀁 𑀉𑀧𑁆𑀧𑀸𑀤𑀦𑀢𑁆𑀣𑀸𑀬 𑀉𑀧𑁆𑀧𑀦𑁆𑀦𑀸𑀦𑀁 𑀅𑀦𑀼𑀪𑀯𑀦𑀢𑁆𑀣𑀸𑀬 𑀉𑀲𑁆𑀲𑀼𑀓𑁆𑀓𑁂𑀲𑀼. 𑀪𑀯𑀲𑁄𑀢𑀸𑀦𑀼𑀲𑀸𑀭𑀻𑀲𑀽𑀢𑀺 𑀯𑀝𑁆𑀝𑀲𑁄𑀢𑀁 𑀅𑀦𑀼𑀲𑀭𑀦𑁆𑀢𑁂𑀲𑀼. 𑀅𑀦𑀼𑀲𑁆𑀲𑀼𑀓𑀸𑀢𑀺 𑀅𑀯𑀸𑀯𑀝𑀸. 𑀅𑀕𑀸𑀭𑀦𑁆𑀢𑀺 𑀫𑀸𑀢𑀼𑀕𑀸𑀫𑁂𑀦 𑀲𑀤𑁆𑀥𑀺𑀁 𑀕𑁂𑀳𑀁. 𑀯𑀺𑀭𑀸𑀚𑀺𑀬𑀸𑀢𑀺 𑀯𑀺𑀭𑀸𑀚𑁂𑀢𑁆𑀯𑀸. 𑀲𑁂𑀲𑀁 𑀉𑀢𑁆𑀢𑀸𑀦𑀫𑁂𑀯𑀸𑀢𑀺. 𑀅𑀝𑁆𑀞𑀫𑀁.