𑁮. 𑀲𑀼𑀲𑀫𑁆𑀫𑀼𑀝𑁆𑀞𑀲𑀼𑀢𑁆𑀢𑀯𑀡𑁆𑀡𑀦𑀸

𑁮. 𑀅𑀝𑁆𑀞𑀫𑁂 𑀲𑀼𑀲𑀫𑁆𑀫𑀼𑀝𑁆𑀞𑀸𑀢𑀺 𑀧𑀜𑁆𑀜𑀸𑀬 𑀅𑀧𑁆𑀧𑀝𑀺𑀯𑀺𑀤𑁆𑀥𑀪𑀸𑀯𑁂𑀦𑁂𑀯 𑀲𑀼𑀦𑀝𑁆𑀞𑀸. 𑀬𑀣𑀸 𑀳𑀺 𑀤𑁆𑀯𑁂 𑀔𑁂𑀢𑁆𑀢𑀸𑀦𑀺 𑀓𑀲𑀺𑀢𑁆𑀯𑀸, 𑀏𑀓𑀁 𑀯𑀧𑀺𑀢𑁆𑀯𑀸, 𑀩𑀳𑀼𑀥𑀜𑁆𑀜𑀁 𑀅𑀥𑀺𑀕𑀢𑀲𑁆𑀲 𑀅𑀯𑀸𑀧𑀺𑀢𑀔𑁂𑀢𑁆𑀢𑀢𑁄 𑀅𑀮𑀤𑁆𑀥𑀁 𑀲𑀦𑁆𑀥𑀸𑀬 ‘‘𑀩𑀳𑀼𑀁 𑀫𑁂 𑀥𑀜𑁆𑀜𑀁 𑀦𑀝𑁆𑀞’’𑀦𑁆𑀢𑀺 𑀯𑀤𑀦𑁆𑀢𑁄 𑀅𑀮𑀤𑁆𑀥𑀫𑁂𑀯 ‘‘𑀦𑀝𑁆𑀞’’𑀦𑁆𑀢𑀺 𑀯𑀤𑀢𑀺, 𑀏𑀯𑀫𑀺𑀥𑀸𑀧𑀺 𑀅𑀧𑁆𑀧𑀝𑀺𑀯𑀺𑀤𑀺𑀢𑀸𑀯 𑀲𑀼𑀲𑀫𑁆𑀫𑀼𑀝𑁆𑀞𑀸 𑀦𑀸𑀫. 𑀅𑀲𑀫𑁆𑀫𑀼𑀝𑁆𑀞𑀸𑀢𑀺 𑀧𑀜𑁆𑀜𑀸𑀬 𑀧𑀝𑀺𑀯𑀺𑀤𑁆𑀥𑀪𑀸𑀯𑁂𑀦𑁂𑀯 𑀅𑀦𑀝𑁆𑀞𑀸. 𑀲𑁂𑀲𑀁 𑀧𑀼𑀭𑀺𑀫𑀲𑀤𑀺𑀲𑀫𑁂𑀯𑀸𑀢𑀺.

𑀲𑀼𑀲𑀫𑁆𑀫𑀼𑀝𑁆𑀞𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.