𑁧-𑁧𑁦. 𑀉𑀫𑀸𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀸𑀤𑀺𑀯𑀡𑁆𑀡𑀦𑀸

𑀢𑁂𑀢𑁆𑀢𑀺𑀁𑀲𑀢𑀺𑀫𑁂 𑀯𑀕𑁆𑀕𑁂 𑀧𑀞𑀫𑀤𑀼𑀢𑀺𑀬𑀢𑀢𑀺𑀬𑀘𑀢𑀼𑀢𑁆𑀣𑀧𑀜𑁆𑀘𑀫𑀙𑀝𑁆𑀞𑀸𑀧𑀤𑀸𑀦𑀸𑀦𑀺 𑀉𑀢𑁆𑀢𑀸𑀦𑀸𑀦𑀺𑀬𑁂𑀯.

𑁫𑁫. 𑀲𑀢𑁆𑀢𑀫𑀸𑀧𑀤𑀸𑀦𑁂 𑀲𑀫𑀬𑀁 𑀅𑀕𑀫𑀸𑀲𑀳𑀦𑁆𑀢𑀺 𑀲𑀫𑀽𑀳𑀁 𑀲𑀫𑀸𑀕𑀫𑀝𑁆𑀞𑀸𑀦𑀁 𑀅𑀳𑀁 𑀅𑀕𑀫𑀸𑀲𑀺𑀦𑁆𑀢𑀺 𑀅𑀢𑁆𑀣𑁄.

𑁬𑁨. 𑀅𑀩𑁆𑀩𑀼𑀤𑀦𑀺𑀭𑀩𑁆𑀩𑀼𑀤𑀸𑀦𑀻𑀢𑀺 ‘‘𑀧𑀓𑁄𑀝𑀺𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀅𑀩𑁆𑀩𑀼𑀤𑀁, 𑀅𑀩𑁆𑀩𑀼𑀤𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀦𑀺𑀭𑀩𑁆𑀩𑀼𑀤’’𑀦𑁆𑀢𑀺 𑀯𑀼𑀢𑁆𑀢𑀢𑁆𑀢𑀸 𑀆𑀬𑀼𑀦𑀸 𑀅𑀩𑁆𑀩𑀼𑀤𑀦𑀺𑀭𑀩𑁆𑀩𑀼𑀤𑀸𑀦𑀺 𑀕𑀢𑀫𑀳𑀸𑀆𑀬𑀼𑀯𑀦𑁆𑀢𑀸 𑀫𑀦𑀼𑀚𑀸𑀥𑀺𑀧𑀸 𑀘𑀓𑁆𑀓𑀯𑀢𑁆𑀢𑀺𑀦𑁄 𑀔𑀢𑁆𑀢𑀺𑀬𑀸 𑀅𑀝𑁆𑀞 𑀅𑀝𑁆𑀞 𑀳𑀼𑀢𑁆𑀯𑀸 𑀓𑀧𑁆𑀧𑀸𑀦𑀁 𑀧𑀜𑁆𑀘𑀯𑀻𑀲𑀲𑀳𑀲𑁆𑀲𑀫𑁆𑀳𑀺 𑀆𑀲𑀺𑀁𑀲𑀼 𑀅𑀳𑁂𑀲𑀼𑀦𑁆𑀢𑀺 𑀅𑀢𑁆𑀣𑁄. 𑀅𑀝𑁆𑀞𑀫𑀦𑀯𑀫𑀤𑀲𑀫𑀸𑀧𑀤𑀸𑀦𑀸𑀦𑀺 𑀧𑀸𑀓𑀝𑀸𑀦𑁂𑀯𑀸𑀢𑀺.

𑀢𑁂𑀢𑁆𑀢𑀺𑀁𑀲𑀢𑀺𑀫𑀯𑀕𑁆𑀕𑀯𑀡𑁆𑀡𑀦𑀸 𑀲𑀫𑀢𑁆𑀢𑀸.