𑁩. 𑀑𑀥𑀺𑀲𑁄𑀓𑀣𑀸𑀯𑀡𑁆𑀡𑀦𑀸

𑁨𑁭𑁪. 𑀇𑀤𑀸𑀦𑀺 𑀑𑀥𑀺𑀲𑁄𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑁂 𑀲𑁄𑀢𑀸𑀧𑀦𑁆𑀦𑀸𑀤𑀻𑀦𑀁 𑀦𑀸𑀦𑀸𑀪𑀺𑀲𑀫𑀬𑀯𑀲𑁂𑀦 𑀤𑀼𑀓𑁆𑀔𑀤𑀲𑁆𑀲𑀦𑀸𑀤𑀻𑀳𑀺 𑀑𑀥𑀺𑀲𑁄 𑀑𑀥𑀺𑀲𑁄 𑀏𑀓𑀤𑁂𑀲𑁂𑀦 𑀏𑀓𑀤𑁂𑀲𑁂𑀦 𑀓𑀺𑀮𑁂𑀲𑀧𑁆𑀧𑀳𑀸𑀦𑀁 𑀇𑀘𑁆𑀙𑀦𑁆𑀢𑀺 𑀲𑁂𑀬𑁆𑀬𑀣𑀸𑀧𑀺 𑀏𑀢𑀭𑀳𑀺 𑀲𑀫𑁆𑀫𑀺𑀢𑀺𑀬𑀸𑀤𑀬𑁄, 𑀢𑁂𑀲𑀁 𑀢𑀁 𑀮𑀤𑁆𑀥𑀺𑀁 𑀪𑀺𑀦𑁆𑀤𑀺𑀢𑀼𑀁 𑀑𑀥𑀺𑀲𑁄𑀢𑀺 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀧𑀭𑀯𑀸𑀤𑀺𑀲𑁆𑀲. 𑀧𑀼𑀦 𑀅𑀦𑀼𑀬𑁄𑀕𑁄 𑀲𑀓𑀯𑀸𑀤𑀺𑀲𑁆𑀲, 𑀏𑀓𑀤𑁂𑀲𑁂𑀦 𑀲𑁄𑀢𑀸𑀧𑀦𑁆𑀦𑀸𑀤𑀺𑀪𑀸𑀯𑀲𑁆𑀲 𑀅𑀪𑀸𑀯𑀢𑁄 𑀧𑀝𑀺𑀓𑁆𑀔𑁂𑀧𑁄 𑀧𑀭𑀯𑀸𑀤𑀺𑀲𑁆𑀲. 𑀇𑀫𑀺𑀦𑀸 𑀉𑀧𑀸𑀬𑁂𑀦 𑀲𑀩𑁆𑀩𑀯𑀸𑀭𑁂𑀲𑀼 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄𑀢𑀺.

𑀑𑀥𑀺𑀲𑁄𑀓𑀣𑀸𑀯𑀡𑁆𑀡𑀦𑀸.