𑁫. 𑀦𑀺𑀯𑀼𑀢𑀓𑀣𑀸𑀯𑀡𑁆𑀡𑀦𑀸

𑁬𑁬𑁫-𑁬𑁬𑁭. 𑀇𑀤𑀸𑀦𑀺 𑀦𑀺𑀯𑀼𑀢𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀲𑀼𑀤𑁆𑀥𑀲𑁆𑀲 𑀲𑀼𑀤𑁆𑀥𑀓𑀺𑀘𑁆𑀘𑀸𑀪𑀸𑀯𑀢𑁄 𑀦𑀻𑀯𑀭𑀡𑁂𑀳𑀺 𑀦𑀺𑀯𑀼𑀢𑁄 𑀑𑀨𑀼𑀝𑁄 𑀧𑀭𑀺𑀬𑁄𑀦𑀤𑁆𑀥𑁄 𑀘 𑀦𑀻𑀯𑀭𑀡𑀁 𑀚𑀳𑀢𑀻𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀉𑀢𑁆𑀢𑀭𑀸𑀧𑀣𑀓𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀦𑀺𑀯𑀼𑀢𑁄𑀢𑀺𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀭𑀢𑁆𑀢𑁄 𑀭𑀸𑀕𑀦𑁆𑀢𑀺𑀆𑀤𑀺 𑀦𑀺𑀯𑀼𑀢𑀲𑁆𑀲 𑀦𑀻𑀯𑀭𑀡𑀚𑀳𑀦𑁂 𑀤𑁄𑀲𑀤𑀲𑁆𑀲𑀦𑀢𑁆𑀣𑀁 𑀯𑀼𑀢𑁆𑀢𑀁. 𑀧𑀭𑀺𑀲𑀼𑀤𑁆𑀥𑁂 𑀧𑀭𑀺𑀬𑁄𑀤𑀸𑀢𑁂𑀢𑀺𑀆𑀤𑀺 𑀯𑀺𑀓𑁆𑀔𑀫𑁆𑀪𑀦𑀯𑀺𑀲𑀼𑀤𑁆𑀥𑀺𑀬𑀸 𑀯𑀺𑀲𑀼𑀤𑁆𑀥𑀲𑁆𑀲 𑀲𑀫𑀼𑀘𑁆𑀙𑁂𑀤𑀯𑀺𑀲𑀼𑀤𑁆𑀥𑀺𑀤𑀲𑁆𑀲𑀦𑀢𑁆𑀣𑀁 𑀯𑀼𑀢𑁆𑀢𑀁. 𑀢𑀲𑁆𑀲 𑀏𑀯𑀁 𑀚𑀸𑀦𑀢𑁄𑀢𑀺𑀆𑀤𑀺 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀓𑁆𑀔𑀬𑀁 𑀤𑀻𑀧𑁂𑀢𑀺, 𑀦 𑀦𑀺𑀯𑀼𑀢𑀲𑁆𑀲 𑀦𑀻𑀯𑀭𑀡𑀚𑀳𑀦𑀁, 𑀢𑀲𑁆𑀫𑀸 𑀅𑀲𑀸𑀥𑀓𑀦𑁆𑀢𑀺.

𑀦𑀺𑀯𑀼𑀢𑀓𑀣𑀸𑀯𑀡𑁆𑀡𑀦𑀸.