𑁨. 𑀓𑀼𑀲𑀮𑀧𑀝𑀺𑀮𑀸𑀪𑀓𑀣𑀸𑀯𑀡𑁆𑀡𑀦𑀸

𑁬𑁫𑁮-𑁬𑁫𑁯. 𑀇𑀤𑀸𑀦𑀺 𑀓𑀼𑀲𑀮𑀧𑀝𑀺𑀮𑀸𑀪𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀓𑀧𑁆𑀧𑀝𑁆𑀞𑁄 𑀲𑀓𑀲𑀫𑀬𑁂 𑀓𑀸𑀫𑀸𑀯𑀘𑀭𑀓𑀼𑀲𑀮𑀫𑁂𑀯 𑀧𑀝𑀺𑀮𑀪𑀢𑀺. 𑀬𑁂𑀦 𑀧𑀦 𑀢𑀁 𑀉𑀧𑀧𑀢𑁆𑀢𑀺𑀁 𑀧𑀝𑀺𑀩𑀸𑀳𑁂𑀬𑁆𑀬, 𑀢𑀁 𑀫𑀳𑀕𑁆𑀕𑀢𑀁 𑀮𑁄𑀓𑀼𑀢𑁆𑀢𑀭𑀁 𑀯𑀸 𑀦 𑀧𑀝𑀺𑀮𑀪𑀢𑀺. 𑀬𑁂𑀲𑀁 𑀧𑀦 𑀇𑀫𑀁 𑀯𑀺𑀪𑀸𑀕𑀁 𑀅𑀓𑀢𑁆𑀯𑀸 𑀅𑀯𑀺𑀲𑁂𑀲𑁂𑀦𑁂𑀯 ‘‘𑀲𑁄 𑀓𑀼𑀲𑀮𑀘𑀺𑀢𑁆𑀢𑀁 𑀦 𑀧𑀝𑀺𑀮𑀪𑀢𑀻’’𑀢𑀺 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀉𑀢𑁆𑀢𑀭𑀸𑀧𑀣𑀓𑀸𑀦𑀁; 𑀢𑁂𑀲𑀁 𑀯𑀺𑀪𑀸𑀕𑀤𑀲𑁆𑀲𑀦𑁂𑀦 𑀢𑀁 𑀮𑀤𑁆𑀥𑀺𑀁 𑀪𑀺𑀦𑁆𑀤𑀺𑀢𑀼𑀁 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀓𑀼𑀲𑀮𑀧𑀝𑀺𑀮𑀸𑀪𑀓𑀣𑀸𑀯𑀡𑁆𑀡𑀦𑀸.