𑁯. 𑀤𑀼𑀕𑁆𑀕𑀢𑀺𑀓𑀣𑀸𑀯𑀡𑁆𑀡𑀦𑀸

𑁬𑁫𑁦-𑁬𑁫𑁨. 𑀇𑀤𑀸𑀦𑀺 𑀤𑀼𑀕𑁆𑀕𑀢𑀺𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑁂 𑀤𑀼𑀕𑁆𑀕𑀢𑀺𑀜𑁆𑀘 𑀤𑀼𑀕𑁆𑀕𑀢𑀺𑀲𑀢𑁆𑀢𑀸𑀦𑀁 𑀭𑀽𑀧𑀸𑀤𑀺𑀆𑀭𑀫𑁆𑀫𑀡𑀁 𑀢𑀡𑁆𑀳𑀜𑁆𑀘𑀸𑀢𑀺 𑀉𑀪𑀬𑀫𑁆𑀧𑀺 𑀤𑀼𑀕𑁆𑀕𑀢𑀻𑀢𑀺 𑀕𑀳𑁂𑀢𑁆𑀯𑀸 𑀧𑀼𑀦 𑀢𑀣𑀸 𑀅𑀯𑀺𑀪𑀚𑀺𑀢𑁆𑀯𑀸 𑀅𑀯𑀺𑀲𑁂𑀲𑁂𑀦𑁂𑀯 ‘‘𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑀲𑁆𑀲 𑀧𑀳𑀻𑀦𑀸 𑀤𑀼𑀕𑁆𑀕𑀢𑀻’’𑀢𑀺 𑀯𑀤𑀦𑁆𑀢𑀺, 𑀲𑁂𑀬𑁆𑀬𑀣𑀸𑀧𑀺 𑀉𑀢𑁆𑀢𑀭𑀸𑀧𑀣𑀓𑀸; 𑀢𑁂 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀆𑀧𑀸𑀬𑀺𑀓𑁂 𑀭𑀽𑀧𑁂 𑀭𑀚𑁆𑀚𑁂𑀬𑁆𑀬𑀸𑀢𑀺𑀆𑀤𑀺 𑀧𑀭𑀯𑀸𑀤𑀺𑀦𑁄 𑀮𑀤𑁆𑀥𑀺𑀬𑀸 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑀲𑁆𑀲 𑀤𑀼𑀕𑁆𑀕𑀢𑀺 𑀅𑀧𑁆𑀧𑀳𑀻𑀦𑀸, 𑀢𑀲𑁆𑀲 𑀯𑀲𑁂𑀦 𑀘𑁄𑀤𑁂𑀢𑀼𑀁 𑀯𑀼𑀢𑁆𑀢𑀁. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯. 𑀦𑀺𑀭𑀬𑀁 𑀉𑀧𑀧𑀚𑁆𑀚𑁂𑀬𑁆𑀬𑀸𑀢𑀺𑀆𑀤𑀺 𑀤𑀼𑀕𑁆𑀕𑀢𑀺𑀧𑀳𑀸𑀦𑀫𑁂𑀯 𑀤𑀼𑀕𑁆𑀕𑀢𑀺𑀕𑀸𑀫𑀺𑀦𑀺𑀢𑀡𑁆𑀳𑀸𑀧𑀳𑀸𑀦𑀁 𑀯𑀸 𑀤𑀻𑀧𑁂𑀢𑀺, 𑀦 𑀤𑀼𑀕𑁆𑀕𑀢𑀺𑀲𑀢𑁆𑀢𑀸𑀦𑀁 𑀭𑀽𑀧𑀸𑀤𑀺𑀆𑀭𑀫𑁆𑀫𑀡𑀸𑀬 𑀢𑀡𑁆𑀳𑀸𑀬 𑀧𑀳𑀸𑀦𑀁, 𑀢𑀲𑁆𑀫𑀸 𑀅𑀲𑀸𑀥𑀓𑀦𑁆𑀢𑀺.

𑀤𑀼𑀕𑁆𑀕𑀢𑀺𑀓𑀣𑀸𑀯𑀡𑁆𑀡𑀦𑀸.

𑁬𑁫𑁩. 𑀲𑀢𑁆𑀢𑀫𑀪𑀯𑀺𑀓𑀓𑀣𑀸𑀬𑀧𑀺 𑀏𑀲𑁂𑀯 𑀦𑀬𑁄𑀢𑀺.

𑀤𑁆𑀯𑀸𑀤𑀲𑀫𑁄 𑀯𑀕𑁆𑀕𑁄.