𑁨. 𑀅𑀫𑀢𑀸𑀭𑀫𑁆𑀫𑀡𑀓𑀣𑀸𑀯𑀡𑁆𑀡𑀦𑀸

𑁫𑁪𑁯. 𑀇𑀤𑀸𑀦𑀺 𑀅𑀫𑀢𑀸𑀭𑀫𑁆𑀫𑀡𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑁂𑀲𑀁 ‘‘𑀦𑀺𑀩𑁆𑀩𑀸𑀦𑀁 𑀫𑀜𑁆𑀜𑀢𑀻’’𑀢𑀺𑀆𑀤𑀻𑀦𑀁 𑀅𑀬𑁄𑀦𑀺𑀲𑁄 𑀅𑀢𑁆𑀣𑀁 𑀕𑀳𑁂𑀢𑁆𑀯𑀸 𑀅𑀫𑀢𑀸𑀭𑀫𑁆𑀫𑀡𑀁 𑀲𑀁𑀬𑁄𑀚𑀦𑀁 𑀳𑁄𑀢𑀻𑀢𑀺 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀧𑀼𑀩𑁆𑀩𑀲𑁂𑀮𑀺𑀬𑀸𑀦𑀁, 𑀢𑁂 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀅𑀣 𑀦𑀁 𑀲𑀘𑁂 𑀅𑀫𑀢𑀸𑀭𑀫𑁆𑀫𑀡𑀁 𑀲𑀁𑀬𑁄𑀚𑀦𑀁, 𑀅𑀫𑀢𑀲𑁆𑀲 𑀲𑀁𑀬𑁄𑀚𑀦𑀺𑀬𑀸𑀤𑀺𑀪𑀸𑀯𑁄 𑀆𑀧𑀚𑁆𑀚𑀢𑀻𑀢𑀺 𑀘𑁄𑀤𑁂𑀢𑀼𑀁 𑀅𑀫𑀢𑀁 𑀲𑀁𑀬𑁄𑀚𑀦𑀺𑀬𑀦𑁆𑀢𑀺𑀆𑀤𑀺𑀫𑀸𑀳. 𑀇𑀢𑀭𑁄 𑀲𑀼𑀢𑁆𑀢𑀯𑀺𑀭𑁄𑀥𑀪𑀬𑁂𑀦 𑀲𑀩𑁆𑀩𑀁 𑀧𑀝𑀺𑀓𑁆𑀔𑀺𑀧𑀢𑀺. 𑀇𑀫𑀺𑀦𑀸 𑀉𑀧𑀸𑀬𑁂𑀦 𑀲𑀩𑁆𑀩𑀯𑀸𑀭𑁂𑀲𑀼 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄. 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀢𑁄𑀢𑀺 𑀆𑀳𑀝𑀲𑀼𑀢𑁆𑀢𑀁 𑀧𑀦 𑀤𑀺𑀝𑁆𑀞𑀥𑀫𑁆𑀫𑀦𑀺𑀩𑁆𑀩𑀸𑀦𑀁 𑀲𑀦𑁆𑀥𑀸𑀬 𑀪𑀸𑀲𑀺𑀢𑀁, 𑀢𑀲𑁆𑀫𑀸 𑀅𑀲𑀸𑀥𑀓𑀦𑁆𑀢𑀺.

𑀅𑀫𑀢𑀸𑀭𑀫𑁆𑀫𑀡𑀓𑀣𑀸𑀯𑀡𑁆𑀡𑀦𑀸.