𑁧𑁦. 𑀦𑀬𑀣𑀸𑀘𑀺𑀢𑁆𑀢𑀲𑁆𑀲 𑀓𑀸𑀬𑀓𑀫𑁆𑀫𑀦𑁆𑀢𑀺𑀓𑀣𑀸𑀯𑀡𑁆𑀡𑀦𑀸

𑁫𑁬𑁬-𑁫𑁬𑁭. 𑀇𑀤𑀸𑀦𑀺 𑀦𑀬𑀣𑀸𑀘𑀺𑀢𑁆𑀢𑀲𑁆𑀲 𑀓𑀸𑀬𑀓𑀫𑁆𑀫𑀦𑁆𑀢𑀺𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀬𑀲𑁆𑀫𑀸 𑀓𑁄𑀘𑀺 𑀅𑀜𑁆𑀜𑀢𑁆𑀭 𑀕𑀘𑁆𑀙𑀺𑀲𑁆𑀲𑀸𑀫𑀻𑀢𑀺 𑀅𑀜𑁆𑀜𑀢𑁆𑀭 𑀕𑀘𑁆𑀙𑀢𑀺, 𑀢𑀲𑁆𑀫𑀸 𑀦𑀬𑀣𑀸𑀘𑀺𑀢𑁆𑀢𑀲𑁆𑀲 𑀓𑀸𑀬𑀓𑀫𑁆𑀫𑀁 𑀘𑀺𑀢𑁆𑀢𑀸𑀦𑀼𑀭𑀽𑀧𑀁 𑀘𑀺𑀢𑁆𑀢𑀸𑀦𑀼𑀕𑀢𑀺𑀓𑀁 𑀦 𑀳𑁄𑀢𑀺, 𑀯𑀺𑀦𑀸𑀧𑀺 𑀘𑀺𑀢𑁆𑀢𑁂𑀦 𑀧𑀯𑀢𑁆𑀢𑀢𑀻𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀧𑀼𑀩𑁆𑀩𑀲𑁂𑀮𑀺𑀬𑀸𑀦𑀁𑀬𑁂𑀯, 𑀢𑁂 𑀲𑀦𑁆𑀥𑀸𑀬 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀫𑁂𑀢𑁆𑀣 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑁂𑀦𑁂𑀯 𑀯𑁂𑀤𑀺𑀢𑀩𑁆𑀩𑀦𑁆𑀢𑀺.

𑀦𑀬𑀣𑀸𑀘𑀺𑀢𑁆𑀢𑀲𑁆𑀲 𑀓𑀸𑀬𑀓𑀫𑁆𑀫𑀦𑁆𑀢𑀺𑀓𑀣𑀸𑀯𑀡𑁆𑀡𑀦𑀸.