𑁬. 𑀆𑀓𑀸𑀲𑀓𑀣𑀸𑀯𑀡𑁆𑀡𑀦𑀸

𑁪𑁬𑁦-𑁪𑁬𑁨. 𑀇𑀤𑀸𑀦𑀺 𑀆𑀓𑀸𑀲𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 𑀢𑀺𑀯𑀺𑀥𑁄 𑀆𑀓𑀸𑀲𑁄 𑁋 𑀧𑀭𑀺𑀘𑁆𑀙𑁂𑀤𑀸𑀓𑀸𑀲𑁄, 𑀓𑀲𑀺𑀡𑀼𑀕𑁆𑀖𑀸𑀝𑀺𑀫𑀸𑀓𑀸𑀲𑁄, 𑀅𑀚𑀝𑀸𑀓𑀸𑀲𑁄. ‘‘𑀢𑀼𑀘𑁆𑀙𑀸𑀓𑀸𑀲𑁄’’𑀢𑀺𑀧𑀺 𑀢𑀲𑁆𑀲𑁂𑀯 𑀦𑀸𑀫𑀁. 𑀢𑁂𑀲𑀼 𑀧𑀭𑀺𑀘𑁆𑀙𑁂𑀤𑀸𑀓𑀸𑀲𑁄 𑀲𑀗𑁆𑀔𑀢𑁄, 𑀇𑀢𑀭𑁂 𑀤𑁆𑀯𑁂 𑀧𑀜𑁆𑀜𑀢𑁆𑀢𑀺𑀫𑀢𑁆𑀢𑀸. 𑀬𑁂𑀲𑀁 𑀧𑀦 ‘‘𑀤𑀼𑀯𑀺𑀥𑁄𑀧𑀺 𑀬𑀲𑁆𑀫𑀸 𑀲𑀗𑁆𑀔𑀢𑁄 𑀦 𑀳𑁄𑀢𑀺, 𑀢𑀲𑁆𑀫𑀸 𑀅𑀲𑀗𑁆𑀔𑀢𑁄’’𑀢𑀺 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀉𑀢𑁆𑀢𑀭𑀸𑀧𑀣𑀓𑀸𑀦𑀁 𑀫𑀳𑀺𑀲𑀸𑀲𑀓𑀸𑀦𑀜𑁆𑀘; 𑀢𑁂 𑀲𑀦𑁆𑀥𑀸𑀬 𑀆𑀓𑀸𑀲𑁄𑀢𑀺 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀇𑀢𑀭𑀲𑁆𑀲. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀆𑀓𑀸𑀲𑀓𑀣𑀸𑀯𑀡𑁆𑀡𑀦𑀸.