𑁬. 𑀤𑀼𑀓𑁆𑀔𑀸𑀳𑀸𑀭𑀓𑀣𑀸𑀯𑀡𑁆𑀡𑀦𑀸

𑁩𑁩𑁪. 𑀇𑀤𑀸𑀦𑀺 𑀤𑀼𑀓𑁆𑀔𑀸𑀳𑀸𑀭𑀓𑀣𑀸 𑀦𑀸𑀫 𑀳𑁄𑀢𑀺. 𑀢𑀢𑁆𑀣 ‘‘𑀤𑀼𑀓𑁆𑀔𑀁 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀦𑁆𑀢𑁄 𑀤𑀼𑀓𑁆𑀔𑁂 𑀜𑀸𑀡𑀁 𑀆𑀳𑀭𑀢𑀺, 𑀢𑀁 𑀤𑀼𑀓𑁆𑀔𑀸𑀳𑀸𑀭𑁄 𑀦𑀸𑀫 𑀯𑀼𑀘𑁆𑀘𑀢𑀺. 𑀢𑀜𑁆𑀘 𑀧𑀦𑁂𑀢𑀁 𑀫𑀕𑁆𑀕𑀗𑁆𑀕𑀁 𑀫𑀕𑁆𑀕𑀧𑀭𑀺𑀬𑀸𑀧𑀦𑁆𑀦’’𑀦𑁆𑀢𑀺 𑀬𑁂𑀲𑀁 𑀮𑀤𑁆𑀥𑀺, 𑀲𑁂𑀬𑁆𑀬𑀣𑀸𑀧𑀺 𑀏𑀢𑀭𑀳𑀺 𑀧𑀼𑀩𑁆𑀩𑀲𑁂𑀮𑀺𑀬𑀸𑀦𑀁; 𑀢𑁂 𑀲𑀦𑁆𑀥𑀸𑀬 𑀤𑀼𑀓𑁆𑀔𑀸𑀳𑀸𑀭𑁄𑀢𑀺 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀧𑀭𑀯𑀸𑀤𑀺𑀲𑁆𑀲. 𑀬𑁂 𑀓𑁂𑀘𑀻𑀢𑀺 𑀧𑀞𑀫𑀧𑀜𑁆𑀳𑁂 𑀅𑀯𑀺𑀧𑀲𑁆𑀲𑀓𑁂 𑀲𑀦𑁆𑀥𑀸𑀬 𑀧𑀝𑀺𑀓𑁆𑀔𑀺𑀧𑀢𑀺, 𑀤𑀼𑀢𑀺𑀬𑀧𑀜𑁆𑀳𑁂 𑀯𑀺𑀧𑀲𑁆𑀲𑀓𑁂 𑀲𑀦𑁆𑀥𑀸𑀬 𑀧𑀝𑀺𑀚𑀸𑀦𑀸𑀢𑀺, 𑀢𑀁 𑀧𑀦𑀲𑁆𑀲 𑀮𑀤𑁆𑀥𑀺𑀫𑀢𑁆𑀢𑀫𑁂𑀯. 𑀢𑀲𑁆𑀫𑀸 ‘‘𑀲𑀩𑁆𑀩𑁂 𑀢𑁂’’𑀢𑀺 𑀯𑀸𑀤𑀲𑁆𑀲 𑀪𑀺𑀦𑁆𑀤𑀦𑀢𑁆𑀣𑀁 𑀩𑀸𑀮𑀧𑀼𑀣𑀼𑀚𑁆𑀚𑀦𑀸𑀢𑀺𑀆𑀤𑀺𑀫𑀸𑀳. 𑀢𑀁 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀤𑀼𑀓𑁆𑀔𑀸𑀳𑀸𑀭𑀓𑀣𑀸𑀯𑀡𑁆𑀡𑀦𑀸.