𑁨-𑁩-𑁪. 𑀅𑀜𑁆𑀜𑀸𑀡𑀸𑀤𑀺𑀓𑀣𑀸𑀯𑀡𑁆𑀡𑀦𑀸

𑁩𑁧𑁪. 𑀇𑀤𑀸𑀦𑀺 𑀅𑀜𑁆𑀜𑀸𑀡𑀁, 𑀓𑀗𑁆𑀔𑀸, 𑀧𑀭𑀯𑀺𑀢𑀭𑀡𑀸𑀢𑀺 𑀢𑀺𑀲𑁆𑀲𑁄 𑀓𑀣𑀸 𑀦𑀸𑀫 𑀳𑁄𑀦𑁆𑀢𑀺. 𑀢𑀢𑁆𑀣 𑀬𑁂𑀲𑀁 ‘‘𑀅𑀭𑀳𑀢𑁄 𑀇𑀢𑁆𑀣𑀺𑀧𑀼𑀭𑀺𑀲𑀸𑀤𑀻𑀦𑀁 𑀦𑀸𑀫𑀕𑁄𑀢𑁆𑀢𑀸𑀤𑀻𑀲𑀼 𑀜𑀸𑀡𑀧𑁆𑀧𑀯𑀢𑁆𑀢𑀺𑀬𑀸 𑀅𑀪𑀸𑀯𑁂𑀦 𑀅𑀢𑁆𑀣𑀺 𑀅𑀜𑁆𑀜𑀸𑀡𑀁, 𑀢𑀢𑁆𑀣𑁂𑀯 𑀲𑀦𑁆𑀦𑀺𑀝𑁆𑀞𑀸𑀦𑀸𑀪𑀸𑀯𑁂𑀦 𑀅𑀢𑁆𑀣𑀺 𑀓𑀗𑁆𑀔𑀸. 𑀬𑀲𑁆𑀫𑀸 𑀘 𑀦𑁂𑀲𑀁 𑀢𑀸𑀦𑀺 𑀯𑀢𑁆𑀣𑀽𑀦𑀺 𑀧𑀭𑁂 𑀯𑀺𑀢𑀭𑀦𑁆𑀢𑀺 𑀧𑀓𑀸𑀲𑁂𑀦𑁆𑀢𑀺 𑀆𑀘𑀺𑀓𑁆𑀔𑀦𑁆𑀢𑀺, 𑀢𑀲𑁆𑀫𑀸 𑀦𑁂𑀲𑀁 𑀅𑀢𑁆𑀣𑀺 𑀧𑀭𑀯𑀺𑀢𑀭𑀡𑀸’’𑀢𑀺 𑀇𑀫𑀸 𑀮𑀤𑁆𑀥𑀺𑀬𑁄, 𑀲𑁂𑀬𑁆𑀬𑀣𑀸𑀧𑀺 𑀏𑀢𑀭𑀳𑀺 𑀧𑀼𑀩𑁆𑀩𑀲𑁂𑀮𑀺𑀬𑀸𑀤𑀻𑀦𑀁; 𑀢𑁂𑀲𑀁 𑀢𑀸 𑀮𑀤𑁆𑀥𑀺𑀬𑁄 𑀪𑀺𑀦𑁆𑀤𑀺𑀢𑀼𑀁 𑀢𑀻𑀲𑀼𑀧𑀺 𑀓𑀣𑀸𑀲𑀼 𑀧𑀼𑀘𑁆𑀙𑀸 𑀲𑀓𑀯𑀸𑀤𑀺𑀲𑁆𑀲, 𑀧𑀝𑀺𑀜𑁆𑀜𑀸 𑀘 𑀧𑀝𑀺𑀓𑁆𑀔𑁂𑀧𑁄 𑀘 𑀇𑀢𑀭𑀲𑁆𑀲. 𑀢𑀢𑁆𑀣 𑀲𑀩𑁆𑀩𑁂𑀲𑀼𑀧𑀺 𑀧𑀜𑁆𑀳𑁂𑀲𑀼 𑀘𑁂𑀯 𑀯𑀺𑀲𑁆𑀲𑀚𑁆𑀚𑀦𑁂𑀲𑀼 𑀘 𑀧𑀸𑀴𑀺𑀁 𑀅𑀦𑀼𑀕𑀦𑁆𑀢𑁆𑀯𑀸𑀯 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄𑀢𑀺.

𑀅𑀜𑁆𑀜𑀸𑀡𑀸𑀤𑀺𑀓𑀣𑀸𑀯𑀡𑁆𑀡𑀦𑀸.