𑁯. 𑀲𑀢𑁆𑀣𑀼𑀲𑀸𑀲𑀦𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁩. 𑀦𑀯𑀫𑁂 𑀏𑀓𑁄𑀢𑀺 𑀅𑀤𑀼𑀢𑀺𑀬𑁄. 𑀯𑀽𑀧𑀓𑀝𑁆𑀞𑁄𑀢𑀺 𑀓𑀸𑀬𑁂𑀦 𑀕𑀡𑀢𑁄, 𑀘𑀺𑀢𑁆𑀢𑁂𑀦 𑀓𑀺𑀮𑁂𑀲𑁂𑀳𑀺 𑀯𑀽𑀧𑀓𑀝𑁆𑀞𑁄 𑀯𑀺𑀯𑁂𑀓𑀝𑁆𑀞𑁄 𑀤𑀽𑀭𑀻𑀪𑀽𑀢𑁄. 𑀅𑀧𑁆𑀧𑀫𑀢𑁆𑀢𑁄𑀢𑀺 𑀲𑀢𑀺𑀅𑀯𑀺𑀧𑁆𑀧𑀯𑀸𑀲𑁂 𑀞𑀺𑀢𑁄. 𑀧𑀳𑀺𑀢𑀢𑁆𑀢𑁄𑀢𑀺 𑀧𑁂𑀲𑀺𑀢𑀢𑁆𑀢𑁄. 𑀦𑀺𑀩𑁆𑀩𑀺𑀤𑀸𑀬𑀸𑀢𑀺 𑀯𑀝𑁆𑀝𑁂 𑀉𑀓𑁆𑀓𑀡𑁆𑀞𑀦𑀢𑁆𑀣𑀸𑀬. 𑀯𑀺𑀭𑀸𑀕𑀸𑀬𑀸𑀢𑀺 𑀭𑀸𑀕𑀸𑀤𑀻𑀦𑀁 𑀯𑀺𑀭𑀚𑁆𑀚𑀦𑀢𑁆𑀣𑀸𑀬. 𑀦𑀺𑀭𑁄𑀥𑀸𑀬𑀸𑀢𑀺 𑀅𑀧𑁆𑀧𑀯𑀢𑁆𑀢𑀺𑀓𑀭𑀡𑀢𑁆𑀣𑀸𑀬. 𑀯𑀽𑀧𑀲𑀫𑀸𑀬𑀸𑀢𑀺 𑀓𑀺𑀮𑁂𑀲𑀯𑀽𑀧𑀲𑀫𑀸𑀬 𑀅𑀧𑁆𑀧𑀯𑀢𑁆𑀢𑀺𑀬𑀸. 𑀅𑀪𑀺𑀜𑁆𑀜𑀸𑀬𑀸𑀢𑀺 𑀢𑀺𑀮𑀓𑁆𑀔𑀡𑀁 𑀆𑀭𑁄𑀧𑁂𑀢𑁆𑀯𑀸 𑀅𑀪𑀺𑀚𑀸𑀦𑀦𑀢𑁆𑀣𑀸𑀬. 𑀲𑀫𑁆𑀩𑁄𑀥𑀸𑀬𑀸𑀢𑀺 𑀫𑀕𑁆𑀕𑀲𑀗𑁆𑀔𑀸𑀢𑀲𑁆𑀲 𑀲𑀫𑁆𑀩𑁄𑀥𑀲𑁆𑀲 𑀅𑀢𑁆𑀣𑀸𑀬. 𑀦𑀺𑀩𑁆𑀩𑀸𑀦𑀸𑀬𑀸𑀢𑀺 𑀦𑀺𑀩𑁆𑀩𑀸𑀦𑀲𑁆𑀲 𑀲𑀘𑁆𑀙𑀺𑀓𑀭𑀡𑀢𑁆𑀣𑀸𑀬.