𑁧𑁧. 𑀢𑀺𑀓𑀯𑀕𑁆𑀕𑁄

𑁧. 𑀭𑀸𑀕𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁭. 𑀏𑀓𑀸𑀤𑀲𑀫𑀲𑁆𑀲 𑀧𑀞𑀫𑁂 𑀅𑀲𑀼𑀪𑀸𑀢𑀺 𑀅𑀲𑀼𑀪𑀓𑀫𑁆𑀫𑀝𑁆𑀞𑀸𑀦𑀁. 𑀫𑁂𑀢𑁆𑀢𑀸𑀢𑀺 𑀫𑁂𑀢𑁆𑀢𑀸𑀓𑀫𑁆𑀫𑀝𑁆𑀞𑀸𑀦𑀁. 𑀧𑀜𑁆𑀜𑀸𑀢𑀺 𑀲𑀳𑀯𑀺𑀧𑀲𑁆𑀲𑀦𑀸 𑀫𑀕𑁆𑀕𑀧𑀜𑁆𑀜𑀸.

𑁬. 𑀅𑀲𑁆𑀲𑀸𑀤𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁨. 𑀙𑀝𑁆𑀞𑁂 𑀅𑀲𑁆𑀲𑀸𑀤𑀤𑀺𑀝𑁆𑀞𑀻𑀢𑀺 𑀲𑀲𑁆𑀲𑀢𑀤𑀺𑀝𑁆𑀞𑀺. 𑀅𑀢𑁆𑀢𑀸𑀦𑀼𑀤𑀺𑀝𑁆𑀞𑀻𑀢𑀺 𑀅𑀢𑁆𑀢𑀸𑀦𑀁 𑀅𑀦𑀼𑀕𑀢𑀸 𑀯𑀻𑀲𑀢𑀺𑀯𑀢𑁆𑀣𑀼𑀓𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺. 𑀫𑀺𑀘𑁆𑀙𑀸𑀤𑀺𑀝𑁆𑀞𑀻𑀢𑀺 𑀤𑁆𑀯𑀸𑀲𑀝𑁆𑀞𑀺𑀯𑀺𑀥𑀸𑀧𑀺 𑀤𑀺𑀝𑁆𑀞𑀺. 𑀲𑀫𑁆𑀫𑀸𑀤𑀺𑀝𑁆𑀞𑀻𑀢𑀺 𑀫𑀕𑁆𑀕𑀲𑀫𑁆𑀫𑀸𑀤𑀺𑀝𑁆𑀞𑀺, 𑀦𑀢𑁆𑀣𑀺 𑀤𑀺𑀦𑁆𑀦𑀦𑁆𑀢𑀺𑀆𑀤𑀺𑀓𑀸 𑀯𑀸 𑀫𑀺𑀘𑁆𑀙𑀸𑀤𑀺𑀝𑁆𑀞𑀺, 𑀓𑀫𑁆𑀫𑀲𑁆𑀲𑀓𑀢𑀜𑀸𑀡𑀁 𑀲𑀫𑁆𑀫𑀸𑀤𑀺𑀝𑁆𑀞𑀺.

𑁭. 𑀅𑀭𑀢𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁩. 𑀲𑀢𑁆𑀢𑀫𑁂 𑀅𑀥𑀫𑁆𑀫𑀘𑀭𑀺𑀬𑀸𑀢𑀺 𑀤𑀲 𑀅𑀓𑀼𑀲𑀮𑀓𑀫𑁆𑀫𑀧𑀣𑀸.

𑁧𑁦. 𑀉𑀤𑁆𑀥𑀘𑁆𑀘𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁬. 𑀤𑀲𑀫𑁂 𑀅𑀲𑀁𑀯𑀭𑁄𑀢𑀺 𑀅𑀦𑀥𑀺𑀯𑀸𑀲𑀓𑀪𑀸𑀯𑁄. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀫𑁂𑀯𑀸𑀢𑀺.

𑀢𑀺𑀓𑀯𑀕𑁆𑀕𑁄 𑀏𑀓𑀸𑀤𑀲𑀫𑁄.