𑁧. 𑀲𑀫𑁆𑀫𑀼𑀢𑀺𑀧𑁂𑀬𑁆𑀬𑀸𑀮𑀸𑀤𑀺𑀯𑀡𑁆𑀡𑀦𑀸

𑁨𑁭𑁨. 𑀪𑀢𑁆𑀢𑀼𑀤𑁆𑀤𑁂𑀲𑀓𑀸𑀤𑀻𑀦𑀁 𑀯𑀺𑀦𑀺𑀘𑁆𑀙𑀬𑀓𑀣𑀸 𑀲𑀫𑀦𑁆𑀢𑀧𑀸𑀲𑀸𑀤𑀺𑀓𑀸𑀬 𑀯𑀺𑀦𑀬𑀝𑁆𑀞𑀓𑀣𑀸𑀬𑀁 (𑀘𑀽𑀴𑀯. 𑀅𑀝𑁆𑀞. 𑁩𑁨𑁫) 𑀯𑀼𑀢𑁆𑀢𑀦𑀬𑁂𑀦 𑀯𑁂𑀤𑀺𑀢𑀩𑁆𑀩𑀸𑀢𑀺. 𑀲𑀫𑁆𑀫𑀢𑁄 𑀦 𑀧𑁂𑀲𑁂𑀢𑀩𑁆𑀩𑁄𑀢𑀺 𑀧𑀓𑀢𑀺𑀬𑀸 𑀲𑀫𑁆𑀫𑀢𑁄 ‘‘𑀕𑀘𑁆𑀙 𑀪𑀢𑁆𑀢𑀸𑀦𑀺 𑀉𑀤𑁆𑀤𑀺𑀲𑀸𑀳𑀻’’𑀢𑀺 𑀦 𑀧𑁂𑀲𑁂𑀢𑀩𑁆𑀩𑁄.

𑁨𑁭𑁩-𑁨𑁮𑁫. 𑀲𑀸𑀝𑀺𑀬𑀕𑁆𑀕𑀸𑀳𑀸𑀧𑀓𑁄𑀢𑀺 𑀯𑀲𑁆𑀲𑀺𑀓𑀲𑀸𑀝𑀺𑀓𑀸𑀬 𑀕𑀸𑀳𑀸𑀧𑀓𑁄. 𑀧𑀢𑁆𑀢𑀕𑁆𑀕𑀸𑀳𑀸𑀧𑀓𑁄𑀢𑀺 ‘‘𑀬𑁄 𑀘 𑀢𑀲𑁆𑀲𑀸 𑀪𑀺𑀓𑁆𑀔𑀼𑀧𑀭𑀺𑀲𑀸𑀬 𑀧𑀢𑁆𑀢𑀧𑀭𑀺𑀬𑀦𑁆𑀢𑁄, 𑀲𑁄 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀧𑀤𑀸𑀢𑀩𑁆𑀩𑁄’’𑀢𑀺 𑀏𑀢𑁆𑀣 𑀯𑀼𑀢𑁆𑀢𑀧𑀢𑁆𑀢𑀕𑁆𑀕𑀸𑀳𑀸𑀧𑀓𑁄.

𑁨𑁯𑁩-𑁩𑁦𑁨. 𑀆𑀚𑀻𑀯𑀓𑁄𑀢𑀺 𑀦𑀕𑁆𑀕𑀧𑀭𑀺𑀩𑁆𑀩𑀸𑀚𑀓𑁄. 𑀦𑀺𑀕𑀡𑁆𑀞𑁄𑀢𑀺 𑀧𑀼𑀭𑀺𑀫𑀪𑀸𑀕𑀧𑁆𑀧𑀝𑀺𑀘𑁆𑀙𑀦𑁆𑀦𑁄. 𑀫𑀼𑀡𑁆𑀟𑀲𑀸𑀯𑀓𑁄𑀢𑀺 𑀦𑀺𑀕𑀡𑁆𑀞𑀲𑀸𑀯𑀓𑁄. 𑀚𑀝𑀺𑀮𑀓𑁄𑀢𑀺 𑀢𑀸𑀧𑀲𑁄. 𑀧𑀭𑀺𑀩𑁆𑀩𑀸𑀚𑀓𑁄𑀢𑀺 𑀙𑀦𑁆𑀦𑀧𑀭𑀺𑀩𑁆𑀩𑀸𑀚𑀓𑁄. 𑀫𑀸𑀕𑀡𑁆𑀟𑀺𑀓𑀸𑀤𑀬𑁄𑀧𑀺 𑀢𑀺𑀢𑁆𑀣𑀺𑀬𑀸 𑀏𑀯. 𑀏𑀢𑁂𑀲𑀁 𑀧𑀦 𑀲𑀻𑀮𑁂𑀲𑀼 𑀧𑀭𑀺𑀧𑀽𑀭𑀓𑀸𑀭𑀺𑀢𑀸𑀬 𑀅𑀪𑀸𑀯𑁂𑀦 𑀲𑀼𑀓𑁆𑀓𑀧𑀓𑁆𑀔𑁄 𑀦 𑀕𑀳𑀺𑀢𑁄. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀫𑁂𑀯𑀸𑀢𑀺.

𑀫𑀦𑁄𑀭𑀣𑀧𑀽𑀭𑀡𑀺𑀬𑀸 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬-𑀅𑀝𑁆𑀞𑀓𑀣𑀸𑀬