𑁪. 𑀭𑀸𑀕𑀧𑁂𑀬𑁆𑀬𑀸𑀮𑀁

𑁨𑁩𑁧. 𑀭𑀸𑀕𑀲𑁆𑀲, 𑀪𑀺𑀓𑁆𑀔𑀯𑁂, 𑀅𑀪𑀺𑀜𑁆𑀜𑀸𑀬𑀸𑀢𑀺 𑀧𑀜𑁆𑀘𑀓𑀸𑀫𑀕𑀼𑀡𑀺𑀓𑀭𑀸𑀕𑀲𑁆𑀲 𑀅𑀪𑀺𑀚𑀸𑀦𑀦𑀢𑁆𑀣𑀁 𑀧𑀘𑁆𑀘𑀓𑁆𑀔𑀓𑀭𑀡𑀢𑁆𑀣𑀁. 𑀧𑀭𑀺𑀜𑁆𑀜𑀸𑀬𑀸𑀢𑀺 𑀧𑀭𑀺𑀚𑀸𑀦𑀦𑀢𑁆𑀣𑀁. 𑀧𑀭𑀺𑀓𑁆𑀔𑀬𑀸𑀬𑀸𑀢𑀺 𑀧𑀭𑀺𑀓𑁆𑀔𑀬𑀕𑀫𑀦𑀢𑁆𑀣𑀁. 𑀧𑀳𑀸𑀦𑀸𑀬𑀸𑀢𑀺 𑀧𑀚𑀳𑀦𑀢𑁆𑀣𑀁. 𑀔𑀬𑀸𑀬 𑀯𑀬𑀸𑀬𑀸𑀢𑀺 𑀔𑀬𑀯𑀬𑀕𑀫𑀦𑀢𑁆𑀣𑀁. 𑀯𑀺𑀭𑀸𑀕𑀸𑀬𑀸𑀢𑀺 𑀯𑀺𑀭𑀚𑁆𑀚𑀦𑀢𑁆𑀣𑀁. 𑀦𑀺𑀭𑁄𑀥𑀸𑀬𑀸𑀢𑀺 𑀦𑀺𑀭𑀼𑀚𑁆𑀛𑀦𑀢𑁆𑀣𑀁. 𑀘𑀸𑀕𑀸𑀬𑀸𑀢𑀺 𑀘𑀚𑀦𑀢𑁆𑀣𑀁. 𑀧𑀝𑀺𑀦𑀺𑀲𑁆𑀲𑀕𑁆𑀕𑀸𑀬𑀸𑀢𑀺 𑀧𑀝𑀺𑀦𑀺𑀲𑁆𑀲𑀚𑁆𑀚𑀦𑀢𑁆𑀣𑀁.

𑁨𑁩𑁨-𑁨𑁪𑁬. 𑀣𑀫𑁆𑀪𑀲𑁆𑀲𑀸𑀢𑀺 𑀓𑁄𑀥𑀫𑀸𑀦𑀯𑀲𑁂𑀦 𑀣𑀤𑁆𑀥𑀪𑀸𑀯𑀲𑁆𑀲. 𑀲𑀸𑀭𑀩𑁆𑀪𑀲𑁆𑀲𑀸𑀢𑀺 𑀓𑀸𑀭𑀡𑀼𑀢𑁆𑀢𑀭𑀺𑀬𑀮𑀓𑁆𑀔𑀡𑀲𑁆𑀲 𑀲𑀸𑀭𑀩𑁆𑀪𑀲𑁆𑀲. 𑀫𑀸𑀦𑀲𑁆𑀲𑀸𑀢𑀺 𑀦𑀯𑀯𑀺𑀥𑀫𑀸𑀦𑀲𑁆𑀲. 𑀅𑀢𑀺𑀫𑀸𑀦𑀲𑁆𑀲𑀸𑀢𑀺 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀫𑀜𑁆𑀜𑀦𑀫𑀸𑀦𑀲𑁆𑀲. 𑀫𑀤𑀲𑁆𑀲𑀸𑀢𑀺 𑀫𑀚𑁆𑀚𑀦𑀸𑀓𑀸𑀭𑀫𑀤𑀲𑁆𑀲. 𑀧𑀫𑀸𑀤𑀲𑁆𑀲𑀸𑀢𑀺 𑀲𑀢𑀺𑀯𑀺𑀧𑁆𑀧𑀯𑀸𑀲𑀲𑁆𑀲, 𑀧𑀜𑁆𑀘𑀲𑀼 𑀓𑀸𑀫𑀕𑀼𑀡𑁂𑀲𑀼 𑀘𑀺𑀢𑁆𑀢𑀯𑁄𑀲𑁆𑀲𑀕𑁆𑀕𑀲𑁆𑀲. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀭𑀸𑀕𑀧𑁂𑀬𑁆𑀬𑀸𑀮𑀁 𑀦𑀺𑀝𑁆𑀞𑀺𑀢𑀁.