𑁨𑁦. 𑀅𑀫𑀢𑀯𑀕𑁆𑀕𑀯𑀡𑁆𑀡𑀦𑀸

𑁬𑁦𑁦-𑁬𑁧𑁧. 𑀅𑀫𑀢𑀁 𑀢𑁂, 𑀪𑀺𑀓𑁆𑀔𑀯𑁂, 𑀦 𑀧𑀭𑀺𑀪𑀼𑀜𑁆𑀚𑀦𑁆𑀢𑀻𑀢𑀺 𑀫𑀭𑀡𑀯𑀺𑀭𑀳𑀺𑀢𑀁 𑀦𑀺𑀩𑁆𑀩𑀸𑀦𑀁 𑀦 𑀧𑀭𑀺𑀪𑀼𑀜𑁆𑀚𑀦𑁆𑀢𑀻𑀢𑀺 𑀅𑀢𑁆𑀣𑁄. 𑀦𑀦𑀼 𑀘 𑀦𑀺𑀩𑁆𑀩𑀸𑀦𑀁 𑀮𑁄𑀓𑀼𑀢𑁆𑀢𑀭𑀁, 𑀓𑀸𑀬𑀕𑀢𑀸𑀲𑀢𑀺 𑀮𑁄𑀓𑀺𑀬𑀸, 𑀓𑀣𑀁 𑀢𑀁 𑀧𑀭𑀺𑀪𑀼𑀜𑁆𑀚𑀦𑁆𑀢𑀸 𑀅𑀫𑀢𑀁 𑀧𑀭𑀺𑀪𑀼𑀜𑁆𑀚𑀦𑁆𑀢𑀻𑀢𑀺? 𑀢𑀁 𑀪𑀸𑀯𑁂𑀢𑁆𑀯𑀸 𑀅𑀥𑀺𑀕𑀦𑁆𑀢𑀩𑁆𑀩𑀢𑁄. 𑀓𑀸𑀬𑀕𑀢𑀜𑁆𑀳𑀺 𑀲𑀢𑀺𑀁 𑀪𑀸𑀯𑁂𑀦𑁆𑀢𑁄 𑀅𑀫𑀢𑀫𑀥𑀺𑀕𑀘𑁆𑀙𑀢𑀺, 𑀅𑀪𑀸𑀯𑁂𑀦𑁆𑀢𑁄 𑀦𑀸𑀥𑀺𑀕𑀘𑁆𑀙𑀢𑀺. 𑀢𑀲𑁆𑀫𑀸 𑀏𑀯𑀁 𑀯𑀼𑀢𑁆𑀢𑀁. 𑀏𑀢𑁂𑀦𑀼𑀧𑀸𑀬𑁂𑀦 𑀲𑀩𑁆𑀩𑀢𑁆𑀣 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄. 𑀅𑀧𑀺 𑀘𑁂𑀢𑁆𑀣 𑀯𑀺𑀭𑀤𑁆𑀥𑀦𑁆𑀢𑀺 𑀯𑀺𑀭𑀸𑀥𑀺𑀢𑀁 𑀦𑀸𑀥𑀺𑀕𑀢𑀁. 𑀆𑀭𑀤𑁆𑀥𑀦𑁆𑀢𑀺 𑀧𑀭𑀺𑀧𑀼𑀡𑁆𑀡𑀁. 𑀧𑀫𑀸𑀤𑀺𑀁𑀲𑀽𑀢𑀺 𑀧𑀫𑀚𑁆𑀚𑀦𑁆𑀢𑀺. 𑀧𑀫𑀼𑀝𑁆𑀞𑀦𑁆𑀢𑀺 𑀲𑀫𑁆𑀫𑀼𑀝𑁆𑀞𑀁 𑀯𑀺𑀲𑁆𑀲𑀭𑀺𑀢𑀁 𑀦𑀝𑁆𑀞𑀁 𑀯𑀸. 𑀆𑀲𑁂𑀯𑀺𑀢𑀦𑁆𑀢𑀺 𑀆𑀤𑀺𑀢𑁄 𑀲𑁂𑀯𑀺𑀢𑀁. 𑀪𑀸𑀯𑀺𑀢𑀦𑁆𑀢𑀺 𑀯𑀟𑁆𑀠𑀺𑀢𑀁. 𑀩𑀳𑀼𑀮𑀻𑀓𑀢𑀦𑁆𑀢𑀺 𑀧𑀼𑀦𑀧𑁆𑀧𑀼𑀦𑀁 𑀓𑀢𑀁. 𑀅𑀦𑀪𑀺𑀜𑁆𑀜𑀸𑀢𑀦𑁆𑀢𑀺 𑀜𑀸𑀢𑀅𑀪𑀺𑀜𑁆𑀜𑀸𑀬 𑀅𑀚𑀸𑀦𑀺𑀢𑀁. 𑀅𑀧𑀭𑀺𑀜𑁆𑀜𑀸𑀢𑀦𑁆𑀢𑀺 𑀜𑀸𑀢𑀧𑀭𑀺𑀜𑁆𑀜𑀸𑀯𑀲𑁂𑀦𑁂𑀯 𑀅𑀧𑀭𑀺𑀜𑁆𑀜𑀸𑀢𑀁. 𑀅𑀲𑀘𑁆𑀙𑀺𑀓𑀢𑀦𑁆𑀢𑀺 𑀅𑀧𑀘𑁆𑀘𑀓𑁆𑀔𑀓𑀢𑀁. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀅𑀫𑀢𑀯𑀕𑁆𑀕𑀯𑀡𑁆𑀡𑀦𑀸.