(𑁬) 𑀅𑀢𑀻𑀢𑀸𑀦𑀸𑀕𑀢𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁧𑁫𑁮. (𑀓) 𑀬𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀢𑁆𑀣 𑀢𑀲𑁆𑀲 𑀯𑀘𑀻𑀲𑀗𑁆𑀔𑀸𑀭𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀁 𑀧𑀘𑁆𑀙𑀺𑀫𑀘𑀺𑀢𑁆𑀢𑀁 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀯𑀘𑀻𑀲𑀗𑁆𑀔𑀸𑀭𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀢𑁆𑀣𑀸𑀢𑀺? 𑀆𑀫𑀦𑁆𑀢𑀸.

(𑀓) 𑀬𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀢𑁆𑀣 𑀢𑀲𑁆𑀲 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀢𑁆𑀣𑀸𑀢𑀺? 𑀆𑀫𑀦𑁆𑀢𑀸.

(𑀬𑀣𑀸 𑀦𑀺𑀭𑁄𑀥𑀯𑀸𑀭𑁂 𑀅𑀢𑀻𑀢𑀸𑀦𑀸𑀕𑀢𑀸 𑀧𑀼𑀘𑁆𑀙𑀸 𑀅𑀦𑀼𑀮𑁄𑀫𑀫𑁆𑀧𑀺 𑀧𑀘𑁆𑀘𑀦𑀻𑀓𑀫𑁆𑀧𑀺 𑀏𑀯𑀁 𑀉𑀧𑁆𑀧𑀸𑀤𑀦𑀺𑀭𑁄𑀥𑀯𑀸𑀭𑁂𑀧𑀺 𑀅𑀢𑀻𑀢𑀸𑀦𑀸𑀕𑀢𑀸 𑀧𑀼𑀘𑁆𑀙𑀸 𑀅𑀦𑀼𑀮𑁄𑀫𑀫𑁆𑀧𑀺 𑀧𑀘𑁆𑀘𑀦𑀻𑀓𑀫𑁆𑀧𑀺 𑀯𑀺𑀪𑀚𑀺𑀢𑀩𑁆𑀩𑀁 𑀅𑀲𑀫𑁆𑀫𑁄𑀳𑀦𑁆𑀢𑁂𑀦 𑀦𑀺𑀭𑁄𑀥𑀯𑀸𑀭𑁂𑀦 𑀲𑀤𑀺𑀲𑀁, 𑀦𑀢𑁆𑀣𑀺 𑀦𑀸𑀦𑀸𑀓𑀭𑀡𑀁.)

𑀉𑀧𑁆𑀧𑀸𑀤𑀦𑀺𑀭𑁄𑀥𑀯𑀸𑀭𑁄.