(𑁫) 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀸𑀕𑀢𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁫𑁯. (𑀓) 𑀬𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺. 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺.

(𑀓) 𑀬𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺. 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺.

𑁬𑁦. (𑀓) 𑀬𑀲𑁆𑀲 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀯𑀺𑀢𑀓𑁆𑀓𑀯𑀺𑀘𑀸𑀭𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀯𑀺𑀢𑀓𑁆𑀓𑀯𑀺𑀘𑀸𑀭𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺. 𑀯𑀺𑀢𑀓𑁆𑀓𑀯𑀺𑀘𑀸𑀭𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺.

(𑀔) 𑀅𑀦𑀼𑀮𑁄𑀫𑀑𑀓𑀸𑀲𑁄

𑁬𑁧. 𑀬𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂….

(𑀕) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄𑀓𑀸𑀲𑀸

𑁬𑁨. (𑀓) 𑀬𑀲𑁆𑀲 𑀬𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀤𑀼𑀢𑀺𑀬𑀚𑁆𑀛𑀸𑀦𑀁 𑀢𑀢𑀺𑀬𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀞𑀫𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀓𑀸𑀫𑀸𑀯𑀘𑀭𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀧𑀞𑀫𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀓𑀸𑀫𑀸𑀯𑀘𑀭𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁𑀬𑁂𑀯 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀭𑀽𑀧𑀸𑀯𑀘𑀭𑀸𑀦𑀁 𑀅𑀭𑀽𑀧𑀸𑀯𑀘𑀭𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺. 𑀧𑀞𑀫𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀓𑀸𑀫𑀸𑀯𑀘𑀭𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺.

(𑀓) 𑀬𑀲𑁆𑀲 𑀬𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺. 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺.

𑁬𑁩. (𑀓) 𑀬𑀲𑁆𑀲 𑀬𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀯𑀺𑀢𑀓𑁆𑀓𑀯𑀺𑀘𑀸𑀭𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀯𑀺𑀢𑀓𑁆𑀓𑀯𑀺𑀘𑀸𑀭𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀉𑀧𑁆𑀧𑀚𑁆𑀚𑀢𑀺. 𑀯𑀺𑀢𑀓𑁆𑀓𑀯𑀺𑀘𑀸𑀭𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀉𑀧𑁆𑀧𑀚𑁆𑀚𑀢𑀺.

(𑀖) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄

𑁬𑁪. (𑀓) 𑀬𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀁 𑀧𑀘𑁆𑀙𑀺𑀫𑀘𑀺𑀢𑁆𑀢𑀁 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸.

(𑀓) 𑀬𑀲𑁆𑀲 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀢𑁂𑀲𑀁 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦…𑀧𑁂…? 𑀆𑀫𑀦𑁆𑀢𑀸.

𑁬𑁫. (𑀓) 𑀬𑀲𑁆𑀲 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀯𑀺𑀢𑀓𑁆𑀓𑀯𑀺𑀘𑀸𑀭𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀻𑀢𑀺?

𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺. 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀢𑁂𑀲𑀁 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺.

𑁪. (𑀗) 𑀧𑀘𑁆𑀘𑀦𑀻𑀓𑀑𑀓𑀸𑀲𑁄

𑁬𑁬. 𑀬𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺…𑀧𑁂….

(𑀘) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄𑀓𑀸𑀲𑀸

𑁬𑁭. (𑀓) 𑀬𑀲𑁆𑀲 𑀬𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀧𑀞𑀫𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀓𑀸𑀫𑀸𑀯𑀘𑀭𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁𑀬𑁂𑀯 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀭𑀽𑀧𑀸𑀯𑀘𑀭𑀸𑀦𑀁 𑀅𑀭𑀽𑀧𑀸𑀯𑀘𑀭𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀁 𑀧𑀘𑁆𑀙𑀺𑀫𑀘𑀺𑀢𑁆𑀢𑀁 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀤𑀼𑀢𑀺𑀬𑀚𑁆𑀛𑀸𑀦𑀁 𑀢𑀢𑀺𑀬𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁𑀬𑁂𑀯 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀘𑀢𑀼𑀢𑁆𑀣𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀻𑀢𑀺?

𑀤𑀼𑀢𑀺𑀬𑀚𑁆𑀛𑀸𑀦𑀁 𑀢𑀢𑀺𑀬𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀁 𑀧𑀘𑁆𑀙𑀺𑀫𑀘𑀺𑀢𑁆𑀢𑀁 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀤𑀼𑀢𑀺𑀬𑀚𑁆𑀛𑀸𑀦𑀁 𑀢𑀢𑀺𑀬𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸𑀦𑀁 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁𑀬𑁂𑀯 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀘𑀢𑀼𑀢𑁆𑀣𑀚𑁆𑀛𑀸𑀦𑀁 𑀲𑀫𑀸𑀧𑀦𑁆𑀦𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺.

(𑀓) 𑀬𑀲𑁆𑀲 𑀬𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀓𑀸𑀬𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸.

𑁬𑁮. (𑀓) 𑀬𑀲𑁆𑀲 𑀬𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀯𑀺𑀦𑀸 𑀯𑀺𑀢𑀓𑁆𑀓𑀯𑀺𑀘𑀸𑀭𑁂𑀳𑀺 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀻𑀢𑀺?

𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑀘𑀻𑀲𑀗𑁆𑀔𑀸𑀭𑁄 𑀦𑀼𑀧𑁆𑀧𑀚𑁆𑀚𑀢𑀺. 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑀫𑀗𑁆𑀕𑀻𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀘𑀺𑀢𑁆𑀢𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑀘𑀻𑀲𑀗𑁆𑀔𑀸𑀭𑁄 𑀘 𑀦𑀼𑀧𑁆𑀧𑀚𑁆𑀚𑀢𑀺.