𑁩. 𑀲𑀼𑀤𑁆𑀥𑀲𑀘𑁆𑀘𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀁

𑁨𑁦. (𑀓) 𑀤𑀼𑀓𑁆𑀔𑀁 𑀲𑀘𑁆𑀘𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀲𑀘𑁆𑀘𑀸 𑀤𑀼𑀓𑁆𑀔𑀲𑀘𑁆𑀘𑀦𑁆𑀢𑀺?

𑀤𑀼𑀓𑁆𑀔𑀲𑀘𑁆𑀘𑀁 𑀲𑀘𑁆𑀘𑀜𑁆𑀘𑁂𑀯 𑀤𑀼𑀓𑁆𑀔𑀲𑀘𑁆𑀘𑀜𑁆𑀘. 𑀅𑀯𑀲𑁂𑀲𑀸 𑀲𑀘𑁆𑀘𑀸 𑀦 𑀤𑀼𑀓𑁆𑀔𑀲𑀘𑁆𑀘𑀁.

𑀲𑀫𑀼𑀤𑀬𑁄 𑀲𑀘𑁆𑀘𑀦𑁆𑀢𑀺? 𑀆𑀫𑀦𑁆𑀢𑀸…𑀧𑁂….

𑀦𑀺𑀭𑁄𑀥𑁄 𑀲𑀘𑁆𑀘𑀦𑁆𑀢𑀺? 𑀆𑀫𑀦𑁆𑀢𑀸…𑀧𑁂….

(𑀓) 𑀫𑀕𑁆𑀕𑁄 𑀲𑀘𑁆𑀘𑀦𑁆𑀢𑀺? 𑀆𑀫𑀦𑁆𑀢𑀸.

(𑀔) 𑀲𑀘𑁆𑀘𑀸 𑀫𑀕𑁆𑀕𑀲𑀘𑁆𑀘𑀦𑁆𑀢𑀺?

𑀫𑀕𑁆𑀕𑀲𑀘𑁆𑀘𑀁 𑀲𑀘𑁆𑀘𑀜𑁆𑀘𑁂𑀯 𑀫𑀕𑁆𑀕𑀲𑀘𑁆𑀘𑀜𑁆𑀘. 𑀅𑀯𑀲𑁂𑀲𑀸 𑀲𑀘𑁆𑀘𑀸 𑀦 𑀫𑀕𑁆𑀕𑀲𑀘𑁆𑀘𑀁.

(𑀔) 𑀧𑀘𑁆𑀘𑀦𑀻𑀓𑀁

𑁨𑁧. (𑀓) 𑀦 𑀤𑀼𑀓𑁆𑀔𑀁 𑀦 𑀲𑀘𑁆𑀘𑀦𑁆𑀢𑀺?

𑀤𑀼𑀓𑁆𑀔𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀲𑀘𑁆𑀘𑀸 𑀦 𑀤𑀼𑀓𑁆𑀔𑀁, 𑀲𑀘𑁆𑀘𑀸. 𑀤𑀼𑀓𑁆𑀔𑀜𑁆𑀘 𑀲𑀘𑁆𑀘𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀤𑀼𑀓𑁆𑀔𑀁 𑀦 𑀘 𑀲𑀘𑁆𑀘𑀸.

(𑀔) 𑀦 𑀲𑀘𑁆𑀘𑀸 𑀦 𑀤𑀼𑀓𑁆𑀔𑀲𑀘𑁆𑀘𑀦𑁆𑀢𑀺? 𑀆𑀫𑀦𑁆𑀢𑀸.

𑀦 𑀲𑀫𑀼𑀤𑀬𑁄 𑀦 𑀲𑀘𑁆𑀘𑀦𑁆𑀢𑀺?

𑀲𑀫𑀼𑀤𑀬𑀁 𑀞𑀧𑁂𑀢𑁆𑀯𑀸…𑀧𑁂… 𑀦𑀺𑀭𑁄𑀥𑀁 𑀞𑀧𑁂𑀢𑁆𑀯𑀸…𑀧𑁂….

(𑀓) 𑀦 𑀫𑀕𑁆𑀕𑁄 𑀦 𑀲𑀘𑁆𑀘𑀦𑁆𑀢𑀺?

𑀫𑀕𑁆𑀕𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀲𑀘𑁆𑀘𑀸 𑀦 𑀫𑀕𑁆𑀕𑁄, 𑀲𑀘𑁆𑀘𑀸. 𑀫𑀕𑁆𑀕𑀜𑁆𑀘 𑀲𑀘𑁆𑀘𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀫𑀕𑁆𑀕𑁄 𑀦 𑀘 𑀲𑀘𑁆𑀘𑀸.

(𑀔) 𑀦 𑀲𑀘𑁆𑀘𑀸 𑀦 𑀫𑀕𑁆𑀕𑀲𑀘𑁆𑀘𑀦𑁆𑀢𑀺? 𑀆𑀫𑀦𑁆𑀢𑀸.