(𑁬) 𑀅𑀢𑀻𑀢𑀸𑀦𑀸𑀕𑀢𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁧𑁨𑁬. (𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻𑀦𑀁 𑀅𑀭𑀳𑀦𑁆𑀢𑀸𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦…𑀧𑁂…? 𑀆𑀫𑀦𑁆𑀢𑀸.

(𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀬𑁂 𑀘𑀜𑁆𑀜𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦…𑀧𑁂…? 𑀆𑀫𑀦𑁆𑀢𑀸.

𑁧𑁨𑁭. (𑀓) 𑀬𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀬𑁂 𑀘𑀜𑁆𑀜𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦…𑀧𑁂…? 𑀆𑀫𑀦𑁆𑀢𑀸.

(𑀔) 𑀅𑀦𑀼𑀮𑁄𑀫𑀑𑀓𑀸𑀲𑁄

𑁧𑁨𑁮. 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣…𑀧𑁂….

(𑀕) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄𑀓𑀸𑀲𑀸

𑁧𑁨𑁯. (𑀓) 𑀬𑀲𑁆𑀲 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻𑀦𑀁 𑀅𑀭𑀳𑀦𑁆𑀢𑀸𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀘𑀢𑀼𑀯𑁄𑀓𑀸𑀭𑀸𑀦𑀁 𑀧𑀜𑁆𑀘𑀯𑁄𑀓𑀸𑀭𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺?

𑀲𑀼𑀤𑁆𑀥𑀸𑀯𑀸𑀲𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣. 𑀇𑀢𑀭𑁂𑀲𑀁 𑀘𑀢𑀼𑀯𑁄𑀓𑀸𑀭𑀸𑀦𑀁 𑀧𑀜𑁆𑀘𑀯𑁄𑀓𑀸𑀭𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣.

(𑀓) 𑀬𑀲𑁆𑀲 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀆𑀧𑀸𑀬𑀺𑀓𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀬𑁂 𑀘𑀜𑁆𑀜𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺?

𑀲𑀼𑀤𑁆𑀥𑀸𑀯𑀸𑀲𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀬𑁂 𑀘𑀜𑁆𑀜𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣.

𑁧𑁩𑁦. (𑀓) 𑀬𑀲𑁆𑀲 𑀬𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀆𑀧𑀸𑀬𑀺𑀓𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀬𑁂 𑀘𑀜𑁆𑀜𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺.

𑀲𑀼𑀤𑁆𑀥𑀸𑀯𑀸𑀲𑀸𑀦𑀁 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀢𑁆𑀣. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀬𑁂 𑀘𑀜𑁆𑀜𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀢𑁆𑀣.

(𑀖) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄

𑁧𑁩𑁧. (𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀦𑀢𑁆𑀣𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺? 𑀦𑀺𑀭𑀼𑀚𑁆𑀛𑀺𑀢𑁆𑀣.

(𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀦𑀢𑁆𑀣𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺? 𑀦𑀺𑀭𑀼𑀚𑁆𑀛𑀺𑀢𑁆𑀣.

𑁧𑁩𑁨. (𑀓) 𑀬𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀦𑀢𑁆𑀣𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺? 𑀦𑀺𑀭𑀼𑀚𑁆𑀛𑀺𑀢𑁆𑀣.

(𑀗) 𑀧𑀘𑁆𑀘𑀦𑀻𑀓𑀑𑀓𑀸𑀲𑁄

𑁧𑁩𑁩. 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣…𑀧𑁂….

(𑀘) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄𑀓𑀸𑀲𑀸

𑁧𑁩𑁪. (𑀓) 𑀬𑀲𑁆𑀲 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺? 𑀦𑀺𑀭𑀼𑀚𑁆𑀛𑀺𑀢𑁆𑀣.

(𑀓) 𑀬𑀲𑁆𑀲 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺? 𑀦𑀺𑀭𑀼𑀚𑁆𑀛𑀺𑀢𑁆𑀣.

𑁧𑁩𑁫. (𑀓) 𑀬𑀲𑁆𑀲 𑀬𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣 𑀢𑀲𑁆𑀲 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀲𑀼𑀤𑁆𑀥𑀸𑀯𑀸𑀲𑀸𑀦𑀁 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣𑀸𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀆𑀧𑀸𑀬𑀺𑀓𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀢𑁆𑀣.

𑀦𑀺𑀭𑁄𑀥𑀯𑀸𑀭𑁄.