(𑁩) 𑀅𑀦𑀸𑀕𑀢𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁯𑁭. (𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻𑀦𑀁 𑀅𑀭𑀳𑀦𑁆𑀢𑀸𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 [𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑀲𑁆𑀲 𑀘𑀺𑀢𑁆𑀢𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 (𑀲𑀻. 𑀲𑁆𑀬𑀸.) 𑀉𑀧𑁆𑀧𑀸𑀤𑀯𑀸𑀭𑁂 𑀧𑀦 𑀧𑀸𑀞𑀦𑁆𑀢𑀭𑀁 𑀦𑀢𑁆𑀣𑀺] 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦…𑀧𑁂…? 𑀆𑀫𑀦𑁆𑀢𑀸.

(𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀬𑁂 𑀘𑀜𑁆𑀜𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦…𑀧𑁂…. 𑀆𑀫𑀦𑁆𑀢𑀸.

𑁯𑁮. (𑀓) 𑀬𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀬𑁂 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀬𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀬𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀅𑀦𑀼𑀮𑁄𑀫𑀑𑀓𑀸𑀲𑁄

𑁯𑁯. 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺…𑀧𑁂….

(𑀕) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄𑀓𑀸𑀲𑀸

𑁧𑁦𑁦. 𑀬𑀲𑁆𑀲 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻𑀦𑀁 𑀅𑀭𑀳𑀦𑁆𑀢𑀸𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀘𑀢𑀼𑀯𑁄𑀓𑀸𑀭𑀸𑀦𑀁 𑀧𑀜𑁆𑀘𑀯𑁄𑀓𑀸𑀭𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺…𑀧𑁂….

(𑀬𑀲𑁆𑀲𑀓𑀫𑁆𑀧𑀺 𑀬𑀲𑁆𑀲𑀬𑀢𑁆𑀣𑀓𑀫𑁆𑀧𑀺 𑀲𑀤𑀺𑀲𑀁).

(𑀖) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄

𑁧𑁦𑁧. (𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻𑀦𑀁 𑀅𑀭𑀳𑀦𑁆𑀢𑀸𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀓) 𑀬𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

𑁧𑁦𑁨. (𑀓) 𑀬𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀬𑁂 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀢𑁂𑀲𑀁 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀗) 𑀧𑀘𑁆𑀘𑀦𑀻𑀓𑀑𑀓𑀸𑀲𑁄

𑁧𑁦𑁩. 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺…𑀧𑁂….

(𑀘) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄𑀓𑀸𑀲𑀸

𑁧𑁦𑁪. (𑀓) 𑀬𑀲𑁆𑀲 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻𑀦𑀁 𑀅𑀭𑀳𑀦𑁆𑀢𑀸𑀦𑀁 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀓) 𑀬𑀲𑁆𑀲 𑀬𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀆𑀧𑀸𑀬𑀺𑀓𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀤𑀼𑀓𑁆𑀔𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀘𑀺𑀢𑁆𑀢𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀤𑀼𑀓𑁆𑀔𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

𑁧𑁦𑁫. (𑀓) 𑀬𑀲𑁆𑀲 𑀬𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑀓𑁆𑀔𑀡𑁂 𑀬𑀲𑁆𑀲 𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀸 𑀅𑀕𑁆𑀕𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀆𑀧𑀸𑀬𑀺𑀓𑀸𑀦𑀁 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀲𑀫𑀼𑀤𑀬𑀲𑀘𑁆𑀘𑀁 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀕𑁆𑀕𑀫𑀕𑁆𑀕𑀲𑁆𑀲 𑀪𑀗𑁆𑀕𑀓𑁆𑀔𑀡𑁂 𑀅𑀭𑀳𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀫𑀕𑁆𑀕𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀲𑀫𑀼𑀤𑀬𑀲𑀘𑁆𑀘𑀜𑁆𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.