𑁪. 𑀲𑀼𑀤𑁆𑀥𑀥𑀸𑀢𑀼𑀫𑀽𑀮𑀘𑀓𑁆𑀓𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀁

𑁧𑁬. (𑀓) 𑀘𑀓𑁆𑀔𑀼 𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀥𑀸𑀢𑀽 𑀲𑁄𑀢𑀥𑀸𑀢𑀽𑀢𑀺?

𑀲𑁄𑀢𑀥𑀸𑀢𑀼 𑀥𑀸𑀢𑀼 𑀘𑁂𑀯 𑀲𑁄𑀢𑀥𑀸𑀢𑀼 𑀘. 𑀅𑀯𑀲𑁂𑀲𑀸 𑀥𑀸𑀢𑀽 𑀦 𑀲𑁄𑀢𑀥𑀸𑀢𑀼.

𑀘𑀓𑁆𑀔𑀼 𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

𑀥𑀸𑀢𑀽 𑀖𑀸𑀦𑀥𑀸𑀢𑀼…𑀧𑁂… 𑀥𑀸𑀢𑀽 𑀥𑀫𑁆𑀫𑀥𑀸𑀢𑀽𑀢𑀺?

𑀥𑀫𑁆𑀫𑀥𑀸𑀢𑀼 𑀥𑀸𑀢𑀼 𑀘𑁂𑀯 𑀥𑀫𑁆𑀫𑀥𑀸𑀢𑀼 𑀘. 𑀅𑀯𑀲𑁂𑀲𑀸 𑀥𑀸𑀢𑀽 𑀦 𑀥𑀫𑁆𑀫𑀥𑀸𑀢𑀼. (𑀘𑀓𑁆𑀓𑀁 𑀩𑀦𑁆𑀥𑀺𑀢𑀩𑁆𑀩𑀁).

(𑀔) 𑀧𑀘𑁆𑀘𑀦𑀻𑀓𑀁

𑁧𑁭. (𑀓) 𑀦 𑀘𑀓𑁆𑀔𑀼 𑀦 𑀥𑀸𑀢𑀽𑀢𑀺?

𑀘𑀓𑁆𑀔𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀥𑀸𑀢𑀽 𑀦 𑀘𑀓𑁆𑀔𑀼𑀥𑀸𑀢𑀼. 𑀘𑀓𑁆𑀔𑀼𑀜𑁆𑀘 𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀘𑀓𑁆𑀔𑀼 𑀦 𑀘 𑀥𑀸𑀢𑀼.

(𑀔) 𑀦 𑀥𑀸𑀢𑀽 𑀦 𑀲𑁄𑀢𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

𑀦 𑀘𑀓𑁆𑀔𑀼 𑀦 𑀥𑀸𑀢𑀽𑀢𑀺?

𑀘𑀓𑁆𑀔𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀥𑀸𑀢𑀽 𑀦 𑀘𑀓𑁆𑀔𑀼, 𑀥𑀸𑀢𑀼. 𑀘𑀓𑁆𑀔𑀼 𑀘 𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀸 𑀦 𑀘𑁂𑀯 𑀘𑀓𑁆𑀔𑀼 𑀦 𑀘 𑀥𑀸𑀢𑀼. 𑀦 𑀥𑀸𑀢𑀽 𑀦 𑀖𑀸𑀦𑀥𑀸𑀢𑀼…𑀧𑁂… 𑀦 𑀥𑀸𑀢𑀽 𑀦 𑀥𑀫𑁆𑀫𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀥𑀫𑁆𑀫𑁄 𑀦 𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀥𑀸𑀢𑀽 𑀦 𑀘𑀓𑁆𑀔𑀼𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

𑀦 𑀥𑀫𑁆𑀫𑁄 𑀦 𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

𑀦 𑀥𑀸𑀢𑀽 𑀦 𑀲𑁄𑀢𑀥𑀸𑀢𑀼…𑀧𑁂… 𑀦 𑀥𑀸𑀢𑀽 𑀦 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. (𑀘𑀓𑁆𑀓𑀁 𑀩𑀦𑁆𑀥𑀺𑀢𑀩𑁆𑀩𑀁).

(𑀬𑀣𑀸 𑀆𑀬𑀢𑀦𑀬𑀫𑀓𑀲𑁆𑀲 𑀧𑀡𑁆𑀡𑀢𑁆𑀢𑀺 𑀏𑀯𑀁 𑀥𑀸𑀢𑀼𑀬𑀫𑀓𑀲𑁆𑀲 𑀧𑀡𑁆𑀡𑀢𑁆𑀢𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀸)

𑀧𑀡𑁆𑀡𑀢𑁆𑀢𑀺𑀦𑀺𑀤𑁆𑀤𑁂𑀲𑀯𑀸𑀭𑁄.