𑁧. 𑀧𑀤𑀲𑁄𑀥𑀦𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀁

𑁧𑁦. (𑀓) 𑀘𑀓𑁆𑀔𑀼 𑀘𑀓𑁆𑀔𑀼𑀥𑀸𑀢𑀽𑀢𑀺?

𑀤𑀺𑀩𑁆𑀩𑀘𑀓𑁆𑀔𑀼 𑀧𑀜𑁆𑀜𑀸𑀘𑀓𑁆𑀔𑀼 𑀘𑀓𑁆𑀔𑀼, 𑀦 𑀘𑀓𑁆𑀔𑀼𑀥𑀸𑀢𑀼. 𑀘𑀓𑁆𑀔𑀼𑀥𑀸𑀢𑀼 𑀘𑀓𑁆𑀔𑀼 𑀘𑁂𑀯 𑀘𑀓𑁆𑀔𑀼𑀥𑀸𑀢𑀼 𑀘.

(𑀔) 𑀘𑀓𑁆𑀔𑀼𑀥𑀸𑀢𑀼 𑀘𑀓𑁆𑀔𑀽𑀢𑀺? 𑀆𑀫𑀦𑁆𑀢𑀸.

(𑀓) 𑀲𑁄𑀢𑀁 𑀲𑁄𑀢𑀥𑀸𑀢𑀽𑀢𑀺?

𑀤𑀺𑀩𑁆𑀩𑀲𑁄𑀢𑀁 𑀢𑀡𑁆𑀳𑀸𑀲𑁄𑀢𑀁 𑀲𑁄𑀢𑀁, 𑀦 𑀲𑁄𑀢𑀥𑀸𑀢𑀼. 𑀲𑁄𑀢𑀥𑀸𑀢𑀼 𑀲𑁄𑀢𑀜𑁆𑀘𑁂𑀯 𑀲𑁄𑀢𑀥𑀸𑀢𑀼 𑀘.

(𑀔) 𑀲𑁄𑀢𑀥𑀸𑀢𑀼 𑀲𑁄𑀢𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀖𑀸𑀦𑀁 𑀖𑀸𑀦𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀖𑀸𑀦𑀥𑀸𑀢𑀼 𑀖𑀸𑀦𑀦𑁆𑀢𑀺? 𑀆𑀫𑀦𑁆𑀢𑀸. (𑀚𑀺𑀯𑁆𑀳𑀸𑀧𑀺 𑀖𑀸𑀦𑀥𑀸𑀢𑀼𑀲𑀤𑀺𑀲𑀸).

(𑀓) 𑀓𑀸𑀬𑁄 𑀓𑀸𑀬𑀥𑀸𑀢𑀽𑀢𑀺?

𑀓𑀸𑀬𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀓𑀸𑀬𑁄 [𑀅𑀯𑀲𑁂𑀲𑁄 𑀓𑀸𑀬𑁄 𑀓𑀸𑀬𑁄 (𑀲𑁆𑀬𑀸.)], 𑀦 𑀓𑀸𑀬𑀥𑀸𑀢𑀼. 𑀓𑀸𑀬𑀥𑀸𑀢𑀼 𑀓𑀸𑀬𑁄 𑀘𑁂𑀯 𑀓𑀸𑀬𑀥𑀸𑀢𑀼 𑀘.

(𑀔) 𑀓𑀸𑀬𑀥𑀸𑀢𑀼 𑀓𑀸𑀬𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀭𑀽𑀧𑀁 𑀭𑀽𑀧𑀥𑀸𑀢𑀽𑀢𑀺?

𑀭𑀽𑀧𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀭𑀽𑀧𑀁, 𑀦 𑀭𑀽𑀧𑀥𑀸𑀢𑀼. 𑀭𑀽𑀧𑀥𑀸𑀢𑀼 𑀭𑀽𑀧𑀜𑁆𑀘𑁂𑀯 𑀭𑀽𑀧𑀥𑀸𑀢𑀼 𑀘.

(𑀔) 𑀭𑀽𑀧𑀥𑀸𑀢𑀼 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. (𑀲𑀤𑁆𑀤𑁄 𑀖𑀸𑀦𑀲𑀤𑀺𑀲𑁄).

(𑀓) 𑀕𑀦𑁆𑀥𑁄 𑀕𑀦𑁆𑀥𑀥𑀸𑀢𑀽𑀢𑀺?

𑀲𑀻𑀮𑀕𑀦𑁆𑀥𑁄 𑀲𑀫𑀸𑀥𑀺𑀕𑀦𑁆𑀥𑁄 𑀧𑀜𑁆𑀜𑀸𑀕𑀦𑁆𑀥𑁄 𑀕𑀦𑁆𑀥𑁄, 𑀦 𑀕𑀦𑁆𑀥𑀥𑀸𑀢𑀼. 𑀕𑀦𑁆𑀥𑀥𑀸𑀢𑀼 𑀕𑀦𑁆𑀥𑁄 𑀘𑁂𑀯 𑀕𑀦𑁆𑀥𑀥𑀸𑀢𑀼 𑀘.

(𑀔) 𑀕𑀦𑁆𑀥𑀥𑀸𑀢𑀼 𑀕𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀭𑀲𑁄 𑀭𑀲𑀥𑀸𑀢𑀽𑀢𑀺?

𑀅𑀢𑁆𑀣𑀭𑀲𑁄 𑀥𑀫𑁆𑀫𑀭𑀲𑁄 𑀯𑀺𑀫𑀼𑀢𑁆𑀢𑀺𑀭𑀲𑁄 𑀭𑀲𑁄, 𑀦 𑀭𑀲𑀥𑀸𑀢𑀼. 𑀭𑀲𑀥𑀸𑀢𑀼 𑀭𑀲𑁄 𑀘𑁂𑀯 𑀭𑀲𑀥𑀸𑀢𑀼 𑀘.

(𑀔) 𑀭𑀲𑀥𑀸𑀢𑀼 𑀭𑀲𑁄𑀢𑀺? 𑀆𑀫𑀦𑁆𑀢𑀸. (𑀨𑁄𑀝𑁆𑀞𑀩𑁆𑀩𑁄 𑀖𑀸𑀦𑀲𑀤𑀺𑀲𑁄).

(𑀓) 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀼 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸.

𑀲𑁄𑀢𑀯𑀺𑀜𑁆𑀜𑀸𑀡𑀁…𑀧𑁂… 𑀖𑀸𑀦𑀯𑀺𑀜𑁆𑀜𑀸𑀡𑀁… 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀁… 𑀓𑀸𑀬𑀯𑀺𑀜𑁆𑀜𑀸𑀡𑀁….

(𑀓) 𑀫𑀦𑁄 𑀫𑀦𑁄𑀥𑀸𑀢𑀽𑀢𑀺?

𑀫𑀦𑁄𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀫𑀦𑁄, 𑀦 𑀫𑀦𑁄𑀥𑀸𑀢𑀼. 𑀫𑀦𑁄𑀥𑀸𑀢𑀼 𑀫𑀦𑁄 𑀘𑁂𑀯 𑀫𑀦𑁄𑀥𑀸𑀢𑀼 𑀘.

(𑀔) 𑀫𑀦𑁄𑀥𑀸𑀢𑀼 𑀫𑀦𑁄𑀢𑀺? 𑀆𑀫𑀦𑁆𑀢𑀸.

(𑀓) 𑀫𑀦𑁄𑀯𑀺𑀜𑁆𑀜𑀸𑀡𑀁 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀫𑀦𑁄𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀥𑀫𑁆𑀫𑁄 𑀥𑀫𑁆𑀫𑀥𑀸𑀢𑀽𑀢𑀺?

𑀥𑀫𑁆𑀫𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀥𑀫𑁆𑀫𑁄, 𑀦 𑀥𑀫𑁆𑀫𑀥𑀸𑀢𑀼. 𑀥𑀫𑁆𑀫𑀥𑀸𑀢𑀼 𑀥𑀫𑁆𑀫𑁄 𑀘𑁂𑀯 𑀥𑀫𑁆𑀫𑀥𑀸𑀢𑀼 𑀘.

(𑀔) 𑀥𑀫𑁆𑀫𑀥𑀸𑀢𑀼 𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸.

(𑀔) 𑀧𑀘𑁆𑀘𑀦𑀻𑀓𑀁

𑁧𑁧. (𑀓) 𑀦 𑀘𑀓𑁆𑀔𑀼 𑀦 𑀘𑀓𑁆𑀔𑀼𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀘𑀓𑁆𑀔𑀼𑀥𑀸𑀢𑀼 𑀦 𑀘𑀓𑁆𑀔𑀽𑀢𑀺?

𑀤𑀺𑀩𑁆𑀩𑀘𑀓𑁆𑀔𑀼 𑀧𑀜𑁆𑀜𑀸𑀘𑀓𑁆𑀔𑀼 𑀦 𑀘𑀓𑁆𑀔𑀼𑀥𑀸𑀢𑀼, 𑀘𑀓𑁆𑀔𑀼. 𑀘𑀓𑁆𑀔𑀼𑀜𑁆𑀘 𑀘𑀓𑁆𑀔𑀼𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀘𑀓𑁆𑀔𑀼 𑀦 𑀘 𑀘𑀓𑁆𑀔𑀼𑀥𑀸𑀢𑀼.

(𑀓) 𑀦 𑀲𑁄𑀢𑀁 𑀦 𑀲𑁄𑀢𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀲𑁄𑀢𑀥𑀸𑀢𑀼 𑀦 𑀲𑁄𑀢𑀦𑁆𑀢𑀺?

𑀤𑀺𑀩𑁆𑀩𑀲𑁄𑀢𑀁 𑀢𑀡𑁆𑀳𑀸𑀲𑁄𑀢𑀁 𑀦 𑀲𑁄𑀢𑀥𑀸𑀢𑀼, 𑀲𑁄𑀢𑀁. 𑀲𑁄𑀢𑀜𑁆𑀘 𑀲𑁄𑀢𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀲𑁄𑀢𑀁 𑀦 𑀘 𑀲𑁄𑀢𑀥𑀸𑀢𑀼.

(𑀓) 𑀦 𑀖𑀸𑀦𑀁 𑀦 𑀖𑀸𑀦𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀖𑀸𑀦𑀥𑀸𑀢𑀼 𑀦 𑀖𑀸𑀦𑀦𑁆𑀢𑀺? 𑀆𑀫𑀦𑁆𑀢𑀸.

𑀦 𑀚𑀺𑀯𑁆𑀳𑀸… (𑀲𑀁𑀔𑀺𑀢𑁆𑀢𑀁 [𑀬𑀁 𑀲𑀁𑀔𑀺𑀢𑁆𑀢𑀁 (𑀲𑁆𑀬𑀸.)], 𑀉𑀪𑀢𑁄 𑀆𑀫𑀦𑁆𑀢𑀸).

(𑀓) 𑀦 𑀓𑀸𑀬𑁄 𑀦 𑀓𑀸𑀬𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀓𑀸𑀬𑀥𑀸𑀢𑀼 𑀦 𑀓𑀸𑀬𑁄𑀢𑀺?

𑀓𑀸𑀬𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀓𑀸𑀬𑀥𑀸𑀢𑀼, 𑀓𑀸𑀬𑁄. 𑀓𑀸𑀬𑀜𑁆𑀘 𑀓𑀸𑀬𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 [𑀅𑀯𑀲𑁂𑀲𑁄 𑀓𑀸𑀬𑁄 (𑀲𑁆𑀬𑀸.)] 𑀦 𑀘𑁂𑀯 𑀓𑀸𑀬𑁄 𑀦 𑀘 𑀓𑀸𑀬𑀥𑀸𑀢𑀼.

(𑀓) 𑀦 𑀭𑀽𑀧𑀁 𑀦 𑀭𑀽𑀧𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀭𑀽𑀧𑀥𑀸𑀢𑀼 𑀦 𑀭𑀽𑀧𑀦𑁆𑀢𑀺?

𑀭𑀽𑀧𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀭𑀽𑀧𑀥𑀸𑀢𑀼, 𑀭𑀽𑀧𑀁. 𑀭𑀽𑀧𑀜𑁆𑀘 𑀭𑀽𑀧𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀦 𑀘𑁂𑀯 𑀭𑀽𑀧𑀁 𑀦 𑀘 𑀭𑀽𑀧𑀥𑀸𑀢𑀼.

𑀦 𑀲𑀤𑁆𑀤𑁄…𑀧𑁂… 𑀦 𑀕𑀦𑁆𑀥𑁄 𑀦 𑀕𑀦𑁆𑀥𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

𑀦 𑀕𑀦𑁆𑀥𑀥𑀸𑀢𑀼 𑀦 𑀕𑀦𑁆𑀥𑁄𑀢𑀺?

𑀲𑀻𑀮𑀕𑀦𑁆𑀥𑁄 𑀲𑀫𑀸𑀥𑀺𑀕𑀦𑁆𑀥𑁄 𑀧𑀜𑁆𑀜𑀸𑀕𑀦𑁆𑀥𑁄 𑀦 𑀕𑀦𑁆𑀥𑀥𑀸𑀢𑀼, 𑀕𑀦𑁆𑀥𑁄. 𑀕𑀦𑁆𑀥𑀜𑁆𑀘 𑀕𑀦𑁆𑀥𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀘𑁂𑀯 𑀕𑀦𑁆𑀥𑁄 𑀦 𑀘 𑀕𑀦𑁆𑀥𑀥𑀸𑀢𑀼.

(𑀓) 𑀦 𑀭𑀲𑁄 𑀦 𑀭𑀲𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀭𑀲𑀥𑀸𑀢𑀼 𑀦 𑀭𑀲𑁄𑀢𑀺?

𑀅𑀢𑁆𑀣𑀭𑀲𑁄 𑀥𑀫𑁆𑀫𑀭𑀲𑁄 𑀯𑀺𑀫𑀼𑀢𑁆𑀢𑀺𑀭𑀲𑁄 𑀦 𑀭𑀲𑀥𑀸𑀢𑀼, 𑀭𑀲𑁄. 𑀭𑀲𑀜𑁆𑀘 𑀭𑀲𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀘𑁂𑀯 𑀭𑀲𑁄 𑀦 𑀘 𑀭𑀲𑀥𑀸𑀢𑀼.

𑀦 𑀨𑁄𑀝𑁆𑀞𑀩𑁆𑀩𑁄…𑀧𑁂… 𑀦 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀦 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

𑀦 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀼 𑀦 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸.

𑀦 𑀲𑁄𑀢𑀯𑀺𑀜𑁆𑀜𑀸𑀡𑀁…𑀧𑁂… 𑀦 𑀖𑀸𑀦𑀯𑀺𑀜𑁆𑀜𑀸𑀡𑀁… 𑀦 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀁… 𑀦 𑀓𑀸𑀬𑀯𑀺𑀜𑁆𑀜𑀸𑀡𑀁….

(𑀓) 𑀦 𑀫𑀦𑁄 𑀦 𑀫𑀦𑁄𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀫𑀦𑁄𑀥𑀸𑀢𑀼 𑀦 𑀫𑀦𑁄𑀢𑀺?

𑀫𑀦𑁄𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀫𑀦𑁄𑀥𑀸𑀢𑀼, 𑀫𑀦𑁄. 𑀫𑀦𑀜𑁆𑀘 𑀫𑀦𑁄𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀘𑁂𑀯 𑀫𑀦𑁄 𑀦 𑀘 𑀫𑀦𑁄𑀥𑀸𑀢𑀼.

(𑀓) 𑀦 𑀫𑀦𑁄𑀯𑀺𑀜𑁆𑀜𑀸𑀡𑀁 𑀦 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀦 𑀫𑀦𑁄𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸.

(𑀓) 𑀦 𑀥𑀫𑁆𑀫𑁄 𑀦 𑀥𑀫𑁆𑀫𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸.

(𑀔) 𑀦 𑀥𑀫𑁆𑀫𑀥𑀸𑀢𑀼 𑀦 𑀥𑀫𑁆𑀫𑁄𑀢𑀺?

𑀥𑀫𑁆𑀫𑀥𑀸𑀢𑀼𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀥𑀫𑁆𑀫𑀥𑀸𑀢𑀼, 𑀥𑀫𑁆𑀫𑁄. 𑀥𑀫𑁆𑀫𑀜𑁆𑀘 𑀥𑀫𑁆𑀫𑀥𑀸𑀢𑀼𑀜𑁆𑀘 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑁄 𑀦 𑀘𑁂𑀯 𑀥𑀫𑁆𑀫𑁄 𑀦 𑀘 𑀥𑀫𑁆𑀫𑀥𑀸𑀢𑀼.