(𑁧) 𑀧𑀘𑁆𑀘𑀼𑀧𑁆𑀧𑀦𑁆𑀦𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁧𑁮. (𑀓) 𑀬𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀲𑁄𑀢𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀘𑀓𑁆𑀔𑀼𑀓𑀸𑀦𑀁 𑀅𑀲𑁄𑀢𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀲𑁄𑀢𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀘𑀓𑁆𑀔𑀼𑀓𑀸𑀦𑀁 𑀲𑀲𑁄𑀢𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺 𑀲𑁄𑀢𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀲𑁄𑀢𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀲𑁄𑀢𑀓𑀸𑀦𑀁 𑀅𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀲𑁄𑀢𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀲𑁄𑀢𑀓𑀸𑀦𑀁 𑀲𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀲𑁄𑀢𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺.

(𑀓) 𑀬𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀖𑀸𑀦𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀘𑀓𑁆𑀔𑀼𑀓𑀸𑀦𑀁 𑀅𑀖𑀸𑀦𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀖𑀸𑀦𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀘𑀓𑁆𑀔𑀼𑀓𑀸𑀦𑀁 𑀲𑀖𑀸𑀦𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺 𑀖𑀸𑀦𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀖𑀸𑀦𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀖𑀸𑀦𑀓𑀸𑀦𑀁 𑀅𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀖𑀸𑀦𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀖𑀸𑀦𑀓𑀸𑀦𑀁 𑀲𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀖𑀸𑀦𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺.

(𑀓) 𑀬𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀭𑀽𑀧𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀭𑀽𑀧𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀭𑀽𑀧𑀓𑀸𑀦𑀁 𑀅𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀭𑀽𑀧𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀭𑀽𑀧𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺.

(𑀓) 𑀬𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀲𑀘𑀺𑀢𑁆𑀢𑀓𑀸𑀦𑀁 𑀅𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺.

(𑀓) 𑀬𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀥𑀫𑁆𑀫𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀥𑀫𑁆𑀫𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺 𑀢𑀲𑁆𑀲 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀻𑀢𑀺?

𑀅𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀥𑀫𑁆𑀫𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺, 𑀦𑁄 𑀘 𑀢𑁂𑀲𑀁 𑀘𑀓𑁆𑀔𑀼𑀥𑀸𑀢𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀘𑀓𑁆𑀔𑀼𑀓𑀸𑀦𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀥𑀫𑁆𑀫𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑁆𑀧𑀚𑁆𑀚𑀢𑀺.

(𑀬𑀣𑀸 𑀆𑀬𑀢𑀦𑀬𑀫𑀓𑀁 𑀯𑀺𑀪𑀢𑁆𑀢𑀁 𑀏𑀯𑀁 𑀥𑀸𑀢𑀼𑀬𑀫𑀓𑀫𑁆𑀧𑀺 𑀯𑀺𑀪𑀚𑀺𑀢𑀩𑁆𑀩𑀁, 𑀲𑀤𑀺𑀲𑀁 𑀓𑀸𑀢𑀩𑁆𑀩𑀁).