𑁫. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀸𑀕𑀢𑀯𑀸𑀭𑁄

𑁨𑁫𑁩. (𑀓) 𑀬𑁄 𑀘𑀓𑁆𑀔𑀸𑀬𑀢𑀦𑀁 𑀧𑀭𑀺𑀚𑀸𑀦𑀸𑀢𑀺 𑀲𑁄 𑀲𑁄𑀢𑀸𑀬𑀢𑀦𑀁 𑀧𑀭𑀺𑀚𑀸𑀦𑀺𑀲𑁆𑀲𑀢𑀻𑀢𑀺? 𑀦𑁄.

(𑀔) 𑀬𑁄 𑀯𑀸 𑀧𑀦 𑀲𑁄𑀢𑀸𑀬𑀢𑀦𑀁 𑀧𑀭𑀺𑀚𑀸𑀦𑀺𑀲𑁆𑀲𑀢𑀺 𑀲𑁄 𑀘𑀓𑁆𑀔𑀸𑀬𑀢𑀦𑀁 𑀧𑀭𑀺𑀚𑀸𑀦𑀸𑀢𑀻𑀢𑀺? 𑀦𑁄.

(𑀓) 𑀬𑁄 𑀘𑀓𑁆𑀔𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀸𑀢𑀺 𑀲𑁄 𑀲𑁄𑀢𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀻𑀢𑀺?

𑀬𑁂 𑀫𑀕𑁆𑀕𑀁 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀘𑀓𑁆𑀔𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀦𑁆𑀢𑀺, 𑀦𑁄 𑀘 𑀲𑁄𑀢𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺. 𑀅𑀭𑀳𑀸 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀘𑀓𑁆𑀔𑀸𑀬𑀢𑀦𑀜𑁆𑀘 𑀦 𑀧𑀭𑀺𑀚𑀸𑀦𑀦𑁆𑀢𑀺 𑀲𑁄𑀢𑀸𑀬𑀢𑀦𑀜𑁆𑀘 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺.

(𑀔) 𑀬𑁄 𑀯𑀸 𑀧𑀦 𑀲𑁄𑀢𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀺 𑀲𑁄 𑀘𑀓𑁆𑀔𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀸𑀢𑀻𑀢𑀺?

𑀅𑀕𑁆𑀕𑀫𑀕𑁆𑀕𑀲𑀫𑀗𑁆𑀕𑀻 𑀲𑁄𑀢𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀺𑀲𑁆𑀲𑀢𑀺, 𑀦𑁄 𑀘 𑀘𑀓𑁆𑀔𑀸𑀬𑀢𑀦𑀁 𑀦 𑀧𑀭𑀺𑀚𑀸𑀦𑀸𑀢𑀺. 𑀅𑀭𑀳𑀸 𑀬𑁂 𑀘 𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀦 𑀧𑀝𑀺𑀮𑀪𑀺𑀲𑁆𑀲𑀦𑁆𑀢𑀺 𑀢𑁂 𑀲𑁄𑀢𑀸𑀬𑀢𑀦𑀜𑁆𑀘 𑀦 𑀧𑀭𑀺𑀚𑀸𑀦𑀺𑀲𑁆𑀲𑀦𑁆𑀢𑀺 𑀘𑀓𑁆𑀔𑀸𑀬𑀢𑀦𑀜𑁆𑀘 𑀦 𑀧𑀭𑀺𑀚𑀸𑀦𑀦𑁆𑀢𑀺.