(𑁬) 𑀅𑀢𑀻𑀢𑀸𑀦𑀸𑀕𑀢𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁨𑁪𑁮. (𑀓) 𑀬𑀲𑁆𑀲 𑀘𑀓𑁆𑀔𑀸𑀬𑀢𑀦𑀁 𑀉𑀧𑁆𑀧𑀚𑁆𑀚𑀺𑀢𑁆𑀣 𑀢𑀲𑁆𑀲 𑀲𑁄𑀢𑀸𑀬𑀢𑀦𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀧𑀜𑁆𑀘𑀯𑁄𑀓𑀸𑀭𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀅𑀭𑀽𑀧𑁂 𑀧𑀘𑁆𑀙𑀺𑀫𑀪𑀯𑀺𑀓𑀸𑀦𑀁 𑀬𑁂 𑀘 𑀅𑀭𑀽𑀧𑀁 𑀉𑀧𑀧𑀚𑁆𑀚𑀺𑀢𑁆𑀯𑀸 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀘𑀓𑁆𑀔𑀸𑀬𑀢𑀦𑀁 𑀉𑀧𑁆𑀧𑀚𑁆𑀚𑀺𑀢𑁆𑀣, 𑀦𑁄 𑀘 𑀢𑁂𑀲𑀁 𑀲𑁄𑀢𑀸𑀬𑀢𑀦𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀢𑁂𑀲𑀁 𑀘𑀓𑁆𑀔𑀸𑀬𑀢𑀦𑀜𑁆𑀘 𑀉𑀧𑁆𑀧𑀚𑁆𑀚𑀺𑀢𑁆𑀣 𑀲𑁄𑀢𑀸𑀬𑀢𑀦𑀜𑁆𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀲𑁄𑀢𑀸𑀬𑀢𑀦𑀁 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀘𑀓𑁆𑀔𑀸𑀬𑀢𑀦𑀁 𑀉𑀧𑁆𑀧𑀚𑁆𑀚𑀺𑀢𑁆𑀣𑀸𑀢𑀺? 𑀆𑀫𑀦𑁆𑀢𑀸.

(𑀬𑀣𑀸 𑀦𑀺𑀭𑁄𑀥𑀯𑀸𑀭𑁂 𑀅𑀢𑀻𑀢𑀸𑀦𑀸𑀕𑀢𑀸 [𑀅𑀢𑀻𑀢𑁂𑀦𑀸𑀦𑀸𑀕𑀢𑀸 (𑀲𑁆𑀬𑀸.)] 𑀧𑀼𑀘𑁆𑀙𑀸 𑀬𑀲𑁆𑀲𑀓𑀫𑁆𑀧𑀺 𑀬𑀢𑁆𑀣𑀓𑀫𑁆𑀧𑀺 𑀬𑀲𑁆𑀲𑀬𑀢𑁆𑀣𑀓𑀫𑁆𑀧𑀺 𑀅𑀦𑀼𑀮𑁄𑀫𑀫𑁆𑀧𑀺 𑀧𑀘𑁆𑀘𑀦𑀻𑀓𑀫𑁆𑀧𑀺 𑀯𑀺𑀪𑀢𑁆𑀢𑀁, 𑀏𑀯𑀁 𑀉𑀧𑁆𑀧𑀸𑀤𑀦𑀺𑀭𑁄𑀥𑁂𑀧𑀺 𑀅𑀢𑀻𑀢𑀸𑀦𑀸𑀕𑀢𑀸 𑀧𑀼𑀘𑁆𑀙𑀸 𑀯𑀺𑀪𑀚𑀺𑀢𑀩𑁆𑀩𑀸.)

𑀉𑀧𑁆𑀧𑀸𑀤𑀦𑀺𑀭𑁄𑀥𑀯𑀸𑀭𑁄.

𑀧𑀯𑀢𑁆𑀢𑀺𑀯𑀸𑀭𑁄 𑀦𑀺𑀝𑁆𑀞𑀺𑀢𑁄.