(𑁫) 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀸𑀕𑀢𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁧𑁩𑁩. (𑀓) 𑀬𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀧𑀜𑁆𑀘𑀯𑁄𑀓𑀸𑀭𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺, 𑀦𑁄 𑀘 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀅𑀭𑀽𑀧𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺. 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀢𑀺.

𑁧𑁩𑁪. (𑀓) 𑀬𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺, 𑀦𑁄 𑀘 𑀢𑁂𑀲𑀁 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀘𑀢𑀼𑀯𑁄𑀓𑀸𑀭𑀸 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀢𑀺 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺. 𑀘𑀢𑀼𑀯𑁄𑀓𑀸𑀭𑀸 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺.

(𑀔) 𑀅𑀦𑀼𑀮𑁄𑀫𑀑𑀓𑀸𑀲𑁄

𑁧𑁩𑁫. 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺…𑀧𑁂….

(𑀕) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄𑀓𑀸𑀲𑀸

𑁧𑁩𑁬. (𑀓) 𑀬𑀲𑁆𑀲 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀧𑀜𑁆𑀘𑀯𑁄𑀓𑀸𑀭𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀻𑀢𑀺?

𑀧𑀜𑁆𑀘𑀯𑁄𑀓𑀸𑀭𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀅𑀭𑀽𑀧𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺. 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀢𑀺.

𑁧𑁩𑁭. (𑀓) 𑀬𑀲𑁆𑀲 𑀬𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀘𑀢𑀼𑀯𑁄𑀓𑀸𑀭𑀸 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀢𑀺 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀻𑀢𑀺?

𑀘𑀢𑀼𑀯𑁄𑀓𑀸𑀭𑀁 𑀧𑀜𑁆𑀘𑀯𑁄𑀓𑀸𑀭𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀺𑀭𑀼𑀚𑁆𑀛𑀢𑀺. 𑀘𑀢𑀼𑀯𑁄𑀓𑀸𑀭𑀸 𑀧𑀜𑁆𑀘𑀯𑁄𑀓𑀸𑀭𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀺𑀭𑀼𑀚𑁆𑀛𑀢𑀺.

(𑀖) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄

𑁧𑁩𑁮. (𑀓) 𑀬𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀲𑀩𑁆𑀩𑁂𑀲𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀅𑀭𑀽𑀧𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺, 𑀦𑁄 𑀘 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀭𑀽𑀧𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀻𑀢𑀺?

𑀧𑀜𑁆𑀘𑀯𑁄𑀓𑀸𑀭𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺. 𑀅𑀭𑀽𑀧𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀢𑀺.

𑁧𑁩𑁯. (𑀓) 𑀬𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺? 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀻𑀢𑀺? 𑀦𑀺𑀭𑀼𑀚𑁆𑀛𑀢𑀺.

(𑀗) 𑀧𑀘𑁆𑀘𑀦𑀻𑀓𑀑𑀓𑀸𑀲𑁄

𑁧𑁪𑁦. 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺…𑀧𑁂….

(𑀘) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄𑀓𑀸𑀲𑀸

𑁧𑁪𑁧. (𑀓) 𑀬𑀲𑁆𑀲 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀧𑀜𑁆𑀘𑀯𑁄𑀓𑀸𑀭𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀅𑀭𑀽𑀧𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀭𑀽𑀧𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀻𑀢𑀺?

𑀧𑀜𑁆𑀘𑀯𑁄𑀓𑀸𑀭𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀸 𑀘𑀯𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺. 𑀅𑀭𑀽𑀧𑁂 𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀅𑀲𑀜𑁆𑀜𑀲𑀢𑁆𑀢𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀢𑀺.

𑁧𑁪𑁨. (𑀓) 𑀬𑀲𑁆𑀲 𑀬𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺 𑀢𑀲𑁆𑀲 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀻𑀢𑀺?

𑀘𑀢𑀼𑀯𑁄𑀓𑀸𑀭𑀁 𑀧𑀜𑁆𑀘𑀯𑁄𑀓𑀸𑀭𑀁 𑀉𑀧𑀧𑀚𑁆𑀚𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀢𑀺 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀻𑀢𑀺?

𑀧𑀭𑀺𑀦𑀺𑀩𑁆𑀩𑀦𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦 𑀦𑀺𑀭𑀼𑀚𑁆𑀛𑀢𑀺. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀲𑀜𑁆𑀜𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦 𑀦𑀺𑀭𑀼𑀚𑁆𑀛𑀢𑀺.