(𑁩) 𑀅𑀦𑀸𑀕𑀢𑀯𑀸𑀭𑁄

(𑀓) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄

𑁬𑁨. (𑀓) 𑀬𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀔) 𑀬𑀲𑁆𑀲 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀬𑁂 𑀅𑀭𑀽𑀧𑀁 𑀉𑀧𑀧𑀚𑁆𑀚𑀺𑀢𑁆𑀯𑀸 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀇𑀢𑀭𑁂𑀲𑀁 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀅𑀦𑀼𑀮𑁄𑀫𑀑𑀓𑀸𑀲𑁄

𑁬𑁩. (𑀓) 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀅𑀲𑀜𑁆𑀜𑀲𑀢𑁆𑀢𑁂 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀜𑁆𑀘𑀯𑁄𑀓𑀸𑀭𑁂 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀢𑁆𑀣 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀅𑀭𑀽𑀧𑁂 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀜𑁆𑀘𑀯𑁄𑀓𑀸𑀭𑁂 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀕) 𑀅𑀦𑀼𑀮𑁄𑀫𑀧𑀼𑀕𑁆𑀕𑀮𑁄𑀓𑀸𑀲𑀸

𑁬𑁪. (𑀓) 𑀬𑀲𑁆𑀲 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀜𑁆𑀘𑀯𑁄𑀓𑀸𑀭𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀅𑀭𑀽𑀧𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀜𑁆𑀘𑀯𑁄𑀓𑀸𑀭𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀖) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄

𑁬𑁫. (𑀓) 𑀬𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀬𑁂 𑀅𑀭𑀽𑀧𑀁 𑀉𑀧𑀧𑀚𑁆𑀚𑀺𑀢𑁆𑀯𑀸 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀦𑁆𑀢𑀺 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀪𑀯𑀺𑀓𑀸𑀦𑀁 𑀢𑁂𑀲𑀁 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸.

(𑀗) 𑀧𑀘𑁆𑀘𑀦𑀻𑀓𑀑𑀓𑀸𑀲𑁄

𑁬𑁬. (𑀓) 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺? 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀢𑁆𑀣 𑀯𑀸 𑀧𑀦 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺? 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀘) 𑀧𑀘𑁆𑀘𑀦𑀻𑀓𑀧𑀼𑀕𑁆𑀕𑀮𑁄𑀓𑀸𑀲𑀸

𑁬𑁭. (𑀓) 𑀬𑀲𑁆𑀲 𑀬𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀅𑀭𑀽𑀧𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀪𑀯𑀺𑀓𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.

(𑀔) 𑀬𑀲𑁆𑀲 𑀯𑀸 𑀧𑀦 𑀬𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀢𑀲𑁆𑀲 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀻𑀢𑀺?

𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺, 𑀦𑁄 𑀘 𑀢𑁂𑀲𑀁 𑀢𑀢𑁆𑀣 𑀭𑀽𑀧𑀓𑁆𑀔𑀦𑁆𑀥𑁄 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀘𑁆𑀙𑀺𑀫𑀪𑀯𑀺𑀓𑀸𑀦𑀁 𑀢𑁂𑀲𑀁 𑀢𑀢𑁆𑀣 𑀯𑁂𑀤𑀦𑀸𑀓𑁆𑀔𑀦𑁆𑀥𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺 𑀭𑀽𑀧𑀓𑁆𑀔𑀦𑁆𑀥𑁄 𑀘 𑀦𑀼𑀧𑁆𑀧𑀚𑁆𑀚𑀺𑀲𑁆𑀲𑀢𑀺.